Hibru 1:6 - Maaron Saveeŋ Tooni Patabuyaaŋ Tuam

⁶ Ve saawe tau Maaron ighe imbaaŋ Naatu aidaaba izilam taan, i isaav tauvene: “Aŋela tisov to Maaron aat tiput aghezi pani, ve tipakuru.” Mbo 97:7

Mutu (Oov)

⁶ Ve sawa to Maaron ighaze imbaaŋ Natu aidaba izi inim taan, ye isaav tovene: “Aŋela tisob to Maaron irau tiput aghedi pani, ve tipaiti.” Mbo 97:7

Hibru 1:6 Referans Kwoze

Kolosi 1:18

I imin daaba pa lupuuŋ tooni ve ighamgham pooz pazi. Ve yes timin i anooŋa. I ta iburig pa mateegh imin maata. Tauta imin puughu pa burigiiŋ to yes mateegha. Gabua naol tane igham Krisi eeza ivot imin tiina le iliiv gabua naol isov. 1Kor 15:20,23; Ep 1:22+

Kolosi 1:15

Onoon, iit irau taghita Maaron mako. Eemon uraat tomania ŋgar to Naatu Yesu Krisi, tauta itotoi Taama Maaron ivot ighazooŋ pait. Yo 1:18, 14:9; 2Kor 4:4; Hib 1:3 Krisi imuuŋ pa gabua naol isov tau Maaron ighur zi na, ve imin daaba pazi.

1 Petrus 3:22

Ve i izala pa sambam, gha aazne ileep ila Maaron niima tapir. Tauta aŋela tomania avuvu maata maata tau ezazi ve tapirizi tiina na, tisov tileep ila i saamba. Mbo 110:1; Mk 16:19; Ep 1:20+

Yoan 1:14

Aghita. Ŋeer tau ipaghazoŋai saveeŋ onoon ve ŋgar to Maaron pait, tauta imin tamtamon ve ilam gha ileep ila sosoon. I itotoi Maaron tapiri ve poia tooni ivot ighazooŋ, ve yei nighita pa matamai. Tauta nighilaalo nighe i Maaron tauu Naatu eemon tau ileep to Taama Maaron ve ilam. Poia to Maaron tomania ŋgar tooni tau isasavia saveeŋ onoon mon, ene ivon ila to Naatu tawe. Pil 2:6+; Kol 2:9; 1Tim 3:16; Hib 2:14; 1Yo 1:1+

Saveeŋ Yoŋgaaŋ 1:5

Yesu Krisi, i loolo eemon, ve ipariaaŋ saveeŋ onoon. Leso tamtamon tighur ila. I ta iburig pa mateegh imin maata. Ve i ta imuuŋ pa gabua naol isov, ve iŋginiir kinik tisov to taan. I loolo igheen toit kat. Tauta siŋ tooni imaliŋ pa sosor toit, ve ipas ghiit tavot pa saghati tapiri. Mbo 89:27; Yo 18:37; 1Kor 15:20; Syg 19:16

Rau Tau Paulus Iboode Pa Yes Roma Rom--Romans 8:29

Pasaa, yes ta i tauu isiigh zi pataghaaŋ, tauta ŋgar tooni iyaryaaŋ pazi ighe igham uratoi zi, lee tigham katin ŋgar to Naatu Yesu Krisi. Leso i imin aidaaba, ve imuuŋ pa tazŋa ve livŋa katini tawe. 2Kor 3:18; Ep 1:5; Kol 1:15+; 1Pe 1:2

1 Yoan 4:9

Maaron imbaaŋ Naatu anooŋa eemon izilam taan, leso igham ghiit taleep poia taghon taghon gha ila. Ene ipaghazoŋai ghiit ighe Maaron loolo igheen toit kat. Yo 3:16; Ro 5:8

Yoan 1:18

Tamtamon eta to taan ighit katin Maaron naagho pai eta soone. Naatu mon, tauta itotoi Maaron naagho ve ŋgar tooni pait. Pasaa, i Maaron, ve ileep Taama ziige, ve Taama loolo igheen tooni kat.

Hibru 10:5

Tauta saawe tau Krisi izilam taan, i isaav pa Maaron ighe: “Ŋgar to ravuuŋ gabua imin watooŋrau tomania ŋgar to ghamuuŋ aniiŋ imin paitooŋ ghom, ene yo lolom pani mako. Eemon yo ugharaat anoŋag pataghaaŋ wa. Leso imin niag to naleep ila. Mbo 40:6+, 50:9

Yoan 3:16

“Pasaa, Maaron loolo igheen kat to tamtamon to taan. Tauta ipul Naatu eemon izilam taan gha imaat pazi. Leso tamtamon tisov tau tighur ila tooni na, tilalez sov, ve tigham lepoogh poia ila to Maaron taghon taghon gha ila. Yo 10:28; Ro 5:8, 8:32; 1Yo 4:9+

Hibru 1:5

Pasaa, Maaron isaav pa Naatu ighe: “Aazne yau nasaav ghazooŋa tauvene: Yau natug yo. Yo tamam ta yau. Aazne, yau naghur ghom pa uraat.” Mbo 2:7; Mt 3:17; Hib 5:5 Ve isaav muul ighe: “I taama yau, ve i yau natug.” 2Sam 7:14 Maaron isavia saveeŋ tauvene pa aŋela eta mako. Saveeŋ tane iŋarui Naatu mon.

Matayu 24:14

Vaaru poia tau isavia pooz to nugh sambam, ene pale tivotia irau taan naol isov. Leso nughmariŋ tilooŋa, ve tighur ila saveeŋ tsiau. Omako taan saawe ivot.” Mk 13:10