Galesia 5:4 - Maaron Saveeŋ Tooni Patabuyaaŋ Tuam

⁴ Tauvene yam tau anumeer ŋgar to taghoniiŋ tutuuŋ to igham gham aduduuŋ ila Maaron maata na, ayamaan gham. Pa ene yam arav motin taumim pa Krisi ve apul poia to Maaron wa. Ga 2:21

Mutu (Oov)

⁴ Tovenen yam to anumeer ŋgar to taghoniiŋ tutuuŋ pa igham gham aneep deŋiamim ila Maaron mata, apatum gham. Pasa, yam arab motin taumim pa Krisi ve apul poia to Maaron wa. Ga 2:21

Galesia 5:4 Referans Kwoze

Rau Tau Paulus Iboode Pa Yes Roma Rom--Romans 11:6

Zeran tawe, Maaron igham zi timin le itaghon uraat ve ŋgar popoia tau tighamgham zi ne mako. I itaghon tauu loolo ve poia tooni, ve igham zi. Ve imin ta i igham zi timin le itaghon uraat ve ŋgar toozi popoia, kanaŋ poia tooni tawe, imin poia tauu mako. Ro 4:4+, Ro 9:15+; Ep 2:8

Hibru 12:15

Matamim imomoos poi pa taumim. Mako pale ŋgar saghati izeev tsiam eta, ve ighur muuri pa Maaron ve poia tooni. Tamtamon tauvene, i imin waar waraman tau itum izaa ila sosomim. I pale ivaghamunia tamtamon katini, ve igham zi tisaghat ila Maaron maata. Lo 29:18; 2Kor 6:1; Hib 3:12

Galesia 2:21

Poia to Maaron tau izazaa toit ila uraat to Yesu Krisi na, irau matag veleghini imin kaut sorok ne mako. Isaav ighe ŋgar to taghoniiŋ tutuuŋ irau igham ghiit taduduuŋ ila Maaron maata, ene Krisi imaat sorok. Hib 7:11

Rau Tau Paulus Iboode Pa Yes Roma Rom--Romans 3:20

Tauvene ŋgar to taghoniiŋ tutuuŋ, ene irau imin eez pa tamtamon eta to iduduuŋ ila Maaron maata ne mako. Mako le mako kat. Tutuuŋ igheen to ipaburigin ŋgar toit, leso taghilaal sosor toit. Mbo 143:2; Ro 7:7; Ga 2:16, 3:11

Saveeŋ Yoŋgaaŋ 2:5

Matam iŋgal ŋgar tau muuŋ ughamghamu na. Pa aazne, yo utap tiina. Tauvene utoor ŋgar tsio, ve utaghon ŋgar tau papazoge ughamghamu na. Ighe mako, yau pale nalat ve napas lam tsio aia ighau pa niia. Hib 10:32+

Galesia 5:2

Alooŋ. Yau Paulus nasaav ghazooŋa payam tauvene: Isaav ighe alooŋ zeran tawe aliŋazi, ve tirav waromim leso aduduuŋ ila Maaron maata, ene pale uraat to Krisi irau iuul gham mako. Mako kat.

Hibru 4:1

Tauvene Maaron imbu saveeŋ pa tamtamon tooni ighe yes pale tigham mariaoŋ ila tooni. Ve saveeŋ mbuaaŋ tawe ighengheen soone. Tauvene iit aat taroi ve mataan iŋgal tauun poi. Pa ighe tsiam eta itaghon eez to Krisi ila, eemon ipasov laghooŋ tooni mako, ve imuul izi eez livuugha, ene irau ighita saveeŋ mbuaaŋ tana anooŋa mako. Hib 3:14