Galesia 4:26 - Maaron Saveeŋ Tooni Patabuyaaŋ Tuam

²⁶ Eemon Yerusalem tauu ta igheen izi sambam na, tamtamona timin besooŋa mako. Yes nugh tauŋa. Yerusalem tawe, ta imin iit tinaan. Ro 8:15; Hib 12:22; Syg 21:2,10

Mutu (Oov)

²⁶ Eemoghon Yerusalem tau to ineep izi sambam, tamtoghona tinim mbesooŋa sorok maau. Yes ndug tau. Yerusalem tonowen, to inim iit tinaan. Ro 8:15; Hib 12:22; Syg 21:2,10

Galesia 4:26 Referans Kwoze

Hibru 12:22

Eemon yam aazne, alam avot nugh tauvene mako. Krisi igham gham alam avot loloz Zion wa. Ene Yerusalem to sambam, nugh tiina to Maaron maata yaryaare. Aŋela ndiŋndiŋ ndiŋndiŋ tiluplup zi ta sewe toman tintinizi. Ga 4:26; Pil 3:20; Syg 21:2

Pilipai 3:20

Eemon iit nugh toit, ene sambam. Tauta taghurghur mataan pa Tiina toit Yesu Krisi, ve tasasaŋan saawe tau i pale ipul sambam, ve imuul izilam to igham mulin ghiit. Ep 2:19; 1Tes 4:16+; Hib 12:22

Saveeŋ Yoŋgaaŋ 21:2

Ve naghita nugh patabuyaaŋ to Maaron igheen tooni ta sambam we, ve izilam. Nugh tawe, ene Yerusalem paaghu. I igharaat ghi le paghuuna kat, imin livaa tau ighe ila pa vaiŋ tamoot tau tisiigho pani na. Is 61:10; Ga 4:26; Hib 12:22; Syg 19:7

Saveeŋ Yoŋgaaŋ 3:12

‘Isaav ighe tamtamon eta iyooz ariaaŋ ve iliiv tovaaŋ, ene yau aat naghuru imin rir paghuuna to ipabood rumei to Maaron tsiau. I pale ileep tuŋia igharau Maaron. Irau tipasu muul mako. Ve yau aat nabood ezag paaghu, tomania Tamaŋ Maaron eeza, ve Tamaŋ Maaron nugh tooni eeza paam izala tamtamon tana paavo. Nugh tawe, ene Yerusalem paaghu tau igheen to Maaron tsiau izi nugh sambam, ve izilam. Ga 4:26+; Hib 12:22; Syg 14:1, 21:2

Galesia 4:22

Pa Maaron aliiŋa tau tiboode na isaav tauvene: Abaram natŋa ru. Ee, ivot ila to Agar, i livaa tau besooŋa sorok na. Ve ite ivot ila to azaawa Sara, tau ruum tauu na. Gnp 16:15, 21:2

Rau Tau Paulus Iboode Pa Yes Roma Rom--Romans 6:18

Saawe tana, Krisi ipas gham pa ŋgar saghati tapiri, ve amin besooŋa pa ŋgar duduuŋa. Yo 8:32; Ro 8:2

Rau Tau Paulus Iboode Pa Yes Roma Rom--Romans 6:14

Pasaa, yam aleep ila tutuuŋ saamba muul mako. Yam aleep ila poia to Maaron saamba. Tauvene ŋgar saghati irau igham pooz payam muul mako. Ro 7:4+; Ga 5:18; 1Yo 3:6

Yoan 8:36

Tauvene isaav ighe Maaron Naatu ipas gham avot pa saghati tapiri, i aat ipas gham kat. Leso saghati iŋgin gham muul sov. Hib 2:14+; 1Yo 3:6,9

1 Petrus 2:16

Onoon, ila uraat to Krisi, yam amin besooŋa muul mako. Eemon agham ŋgar aghe: “Aazne, yau naŋgin taug. Tauvene saa ŋgar tau naghe naghamu, ene irau naghamu.” Vene sov. Pa ighe agham ŋgar tauvene, ene pale imin puughu payam pa ghamuuŋ sosor. Yam aat ataghon ŋgar tau itotoi ighe yam besooŋa to Maaron. Ga 5:1,13

Galesia 5:1

Tauvene iit tamin besooŋa pa tutuuŋ muul mako. Pasaa, Krisi ipas ghiit pa eez to taghoniiŋ tutuuŋ wa. Tauvene ayooz ariaaŋ. Apul tamtamon tigham gham amin besooŋa muul sov. Yo 8:36; Ro 7:6, 8:2+; Ga 5:13

Saveeŋ Yoŋgaaŋ 17:5

Ve tibood livaa tana eeza ila ndaamo. Eeza tawe, saveeŋ palelaaŋ. Isaav tauvene: “Ene nugh tiina Babilon. Zilivaa to eez, tomania tamtamon tisov tau tighamgham ŋgar sasaghati kat izi taan, i ta imin tinazi. Pasaa, i ta ipapazaagh zi pa ghamuuŋ ŋgar tauvene.” Syg 14:8

Galesia 4:25

Loloz Sinai, ene igheen taan sirivu to Arabia. Agar imin loloz tawe ve nugh Yerusalem tau aazne igheen izi taan ne. Pasaa, nugh tawe tamtamona timin besooŋa sorok pa tutuuŋ.

Saveeŋ Yoŋgaaŋ 12:1

Ra naghita gabua ee ivot izi sambam imin ilaal. Gabua tawe, puughu tiina. Livaa ee inonogh ghi pa aaz, ve iyooz izala kaiyo. Ve pitum saŋavul ve ru tigheen izala daaba imin moghar ndamoonda.