Galesia 4:16 - Maaron Saveeŋ Tooni Patabuyaaŋ Tuam

¹⁶ Mindai, yau nasavia saveeŋ onoon payam, tauta aghe naghur koi payam?

Mutu (Oov)

¹⁶ Vena, you nasavia saveeŋ onoon payam, tauto aghaze naghur koi payam?

Galesia 4:16 Referans Kwoze

Galesia 5:7

Muuŋ, yam alaan duduuŋ itaghon eez to saveeŋ onoon. Aazne, sei iponpoon gham pa landooŋ tsiam? Saveeŋ ŋgoreeŋ toozi tau ikau ŋgar tsiam na, ene ilam pa Maaron tau ipoi gham amin le ne mako. 1Kor 9:24; Ga 1:6, 3:1

Yoan 8:45

Saveeŋ isov tau yau nasasavia payam, ene onoon mon. Eemon yam lolomim pa saveeŋ onoon mako, tauta aghur ila saveeŋ tsiau mako.

Galesia 2:5

Eemon yei niyooz ariaaŋ, ve nilooŋ aliŋazi rigta mako. Pasaa, nighe le saveeŋ onoon to vaaru poia igheen duduuŋ pa yam tau Yuda mako na.

Yoan 7:7

Tamtamon to taan lezi puughu eta to tighur koi payam mako. Eemon yau, o tighurghur koi payau. Pasaa, ŋgar sasaghati naol tau tighamgham zi na, yau navoti zi le tighazooŋ. Yo 3:19+, 15:18+

Galesia 2:14

Yau naghita ŋgar toozi tawe isapir kat pa saveeŋ onoon to vaaru poia. Tauvene nasaav kat pa Petrus ila eval tiina matazi naghe: “Yo Yuda. Eemon yo upul Yuda gabuazi ve tutuuŋ toozi, ve uleep imin yes tau Yuda mako na. Mindai ta aazne utoor ŋgar tsio muul ve ughe utaghon Yuda gabuazi? Ŋgar tau ughamu na, ene pale igham yes tau Yuda mako na matazi iŋgal tighe yes aat titaghon yes Yuda gabuazi ve tutuuŋ toozi.” 1Tim 5:20

Galesia 4:15

Saawe tana, yam tintinmim kat pa poia to Maaron tau izaa tsiam. Eemon aazne, tintinmim muul mako. Ene mindai? Onoon kat, yau nasaav payam: Saawe tana, lolomim pa uleeŋ ghau kat. Irau aŋguruut gabua eta payau mako. Imin ta yam irau auul ghau pa matamim, kanaŋ apasu ve agham payau!

Galesia 4:17

Zeran tau tizuari zi pa ghamuuŋ lolomim na, ŋgar toozi poia mako. Yes tighe tigham gham amoghaagh payau, leso ataghon zi pa ŋgar toozi.