Galesia 1:5 - Maaron Saveeŋ Tooni Patabuyaaŋ Tuam

⁵ Tauvene tapait Maaron eeza pa tapiri ve poia tooni ta aazne, ve taghon taghon gha ila. Onoon.

Mutu (Oov)

⁵ Tovenen tapait Maaron iza pa tapiri ve poia toni to aazne, ve itaghoni taghoni gha ila. Onoon.

Galesia 1:5 Referans Kwoze

Rau Tau Paulus Iboode Pa Yes Roma Rom--Romans 11:36

Pasaa, i tauu ta imin gabua naol isov puughu. Ve gabua naol isov tiyaryaaŋ ila tooni, ve tileep leso tipaghazoŋai i eeza. Tauvene iit aat tapaiti irau saawe. Onoon. 1Kor 8:6; Kol 1:16; Hib 2:10; Syg 4:11

Saveeŋ Yoŋgaaŋ 14:7

Aŋela tawe isaav toman aliiŋa tiina ighe: “Saawe to gabizooŋ tamtamon ve ghuruuŋ atuya pazi, tauta ivot wa. Tauvene aroi pa Maaron, ve apait eeza pa tapiri ve poia tooni. I ta ighur sambam, taan, te, ve yaa naol isov tau tivotvot ila taan loolo. Tauvene aput aghemim pani ve apakuru.” Syg 15:4

Saveeŋ Yoŋgaaŋ 7:12

“Onoon kat. Iit tapait Maaron toit pa poia tooni. I eeza tiina kat, ve ŋgar tooni tiina. Loloon poia pani pasaa, i igham poghani ghiit. I saksaki, ve tapiri tiina kat. Tauvene iit aat tapaiti tauvene taghon taghon gha ila. Onoon.” Syg 5:12+

Saveeŋ Yoŋgaaŋ 5:12

Yes timbou toman aliŋazi tiina tighe: “Sipsip to Maaron tau tiravu imaat na, i irau kat pa tapiri, kuaz, ve ŋgar ta naol ne. I saksaki ve eeza tiina. Ve i mbonari tiina ve poia puughu. Tauvene tapait eeza, o iduduuŋ.”

2 Petrus 3:18

Yesu Krisi, i Tiina ve Uleeŋa toit. Azuari gham le awatagh katini, ve aleep tuŋia ila poia tooni. 2Pe 1:2 I eeza tiina pa tapiri ve poia tooni. Tauvene iit tapaiti ta aazne, ve taghon taghon le indeeŋ taan saawe. Onoon.

1 Petrus 5:11

I saksaki, ve tapiri tomania pooz tooni ighengheen tauvene irau saawe. Onoon.

2 Timoti 4:18

Ve yau naghur ila ariaaŋ naghe i aat igham mulin ghau pa ŋgar sasaghati naol isov tau tamtamon tighe tigham payau na, ve maata payau poi lee igham ghau nala naleep tomania izi nugh tooni sambam. Mbo 121:7 I eeza tiina kat pa tapiri ve poia tooni. Tauvene pakuruuŋ toit aat iŋaruini irau saawe. Ta aazne ve taghon taghon gha ila. Onoon.

1 Timoti 1:17

Maaron toit, i kinik tiina, ve ileep irau saawe. I irau imaat mako, ve iit irau taghita pa mataan mako. I mon ta Maaron tauu. Tauvene iit aat tapait eeza pa tapiri ve poia tooni, ta aazne, ve iseeŋga taghon taghon gha ila. Onoon. 1Tim 6:15+; Syg 4:9+

Pilipai 4:20

Tauvene iit tapait Tamaan Maaron eeza irau saawe. Ta aazne, ve taghon taghon gha ila. Onoon!

Epesus 1:12

Ve i ighe yei Yuda tau nighur ila to Krisi imin maata na, nipaghazoŋai tamtamon pa tapiri ve poia tooni, leso tipait eeza.

Rau Tau Paulus Iboode Pa Yes Roma Rom--Romans 16:27

Maaron ite paam mako. I zigani. Ve ŋgar tooni, ene tiina le tiina kat. Tauvene iit aat tapaiti pa tapiri ve poia tooni ila Yesu Krisi eeza taghon taghon gha ila. Onoon.

Lukas 2:14

“Tapait Maaron tau ileep saaŋa le saaŋa kat na eeza pa tapiri ve poia tooni. Mboŋ aazne, luuma to Maaron izilam taan. Tauvene yes tau Maaron loolo poia pazi, ene pale luuma tooni izaa toozi ve tileep poi.” Lu 19:38; Ro 5:1; Ep 2:14; Kol 1:20

Matayu 6:13

Upul tovaaŋ ivot payei sov. Uvool tsiei ve upaghau ghei pa gabua sasaghati naol isov.’ Lu 22:40; Yo 17:15; 2Tes 3:3; 2Pe 2:9

1 Korin 8:13

Tauvene isaav ighe gabua eta tau taghani irau igham toŋvetaz tsiau eta to Krisi itap pa ghuruuŋ ila tooni, ene irau naghan gabua tana muul mako. Pa aat nagham toŋvetaz tsiau tana itap ma vene. Ro 14:19+