Epesus 5:9 - Maaron Saveeŋ Tooni Patabuyaaŋ Tuam

⁹ Ghazooŋa to Krisi, anooŋa tauvene: ŋgar popoia maata maata, tomania ŋgar duduuŋa, ve saveeŋ onoon. Ro 13:12; 1Yo 1:7+, 2:9+

Mutu (Oov)

⁹ Ghazooŋa to Krisi, anoŋa tovene: ŋgar popoia to naol ne, toman ŋgar deŋia, ve saveeŋ onoon. Ro 13:12; 1Yo 1:7+, 2:9+

Epesus 5:9 Referans Kwoze

3 Yoan 1:11

Etag ite, lolog igheen tsio kat. Ŋgar saghati tauvene, yo utaghoni sov. Yo aat utaghon ŋgar poia mon. Pa tamtamon tau ighe itaghon ŋgar poia, ene i tamtamon to Maaron. Eemon isaav ighe tamtamon eta ighamgham ŋgar saghati, ene itotoia ighe i ighilaal Maaron irao soone. Mbo 37:27; 1Yo 3:6+

Rau Tau Paulus Iboode Pa Yes Roma Rom--Romans 15:14

Yam toŋvetaz, yau nawatagh: Ŋgar poia ivon ila lolomim, ve aghazooŋ kat pa Maaron aliiŋa. Tauvene yam asov irau apaduduuŋ zeetmimŋa pa saveeŋ tooni. 2Pe 1:12; 1Yo 2:21

Epesus 6:14

Yam aat akis saveeŋ onoon, ve ataghoni toman lolomim. Pa ene imin puus to ikis nonoghiiŋa tsiam. Ve yam aat ataghon ŋgar duduuŋa. Pa ene imin gabua ariaaŋa to ipoon gargarimim pa zaab. 1Tes 5:8

1 Timoti 6:11

Eemon Timoti, yo umin Maaron tamtamon tooni wa. Tauvene uleep soghan pa ŋgar sasaghati naol tana. Uzuari ghom le ududuuŋ kat ila Maaron maata, ve utaghon duduŋai ŋgar tooni, ukis ghuruuŋ ila tsio, uyooz ariaaŋ pa badooŋ pataŋani, lolom pa tamtamon ve ugham poghani zi, ve utotoi ŋgar marowa pazi. 2Tim 2:22

1 Yoan 2:29

Yam awatagh: Krisi, i ŋeer to ŋgar duduuŋa. Tauvene yam irau awatagh aghe: Tamtamon tisov tau titaghon ŋgar duduuŋa na, Maaron igham zi timin paaghu, ve timin i natŋa wa. Tit 3:5; 1Yo 3:7, 4:7; 3Yo 11

Hibru 11:33

Zeran tawe tighur ila to Maaron. Tauta i ipalot zi gha siriv tiparav le tiliiv kinik siriv tau tiŋgin taan tintiina na. Ve yes siriv tau tighamgham pooz na, tipalot tamtamon to titaghon ŋgar duduuŋa. Ve tamtamon toozi siriv tighita saveeŋ tau Maaron imbua tomani zi na anooŋa. Ve siriv, laion irau to tighan zi mako. Dan 6:1+

Epesus 4:15

Eemon iit tagham tauvene sov. Iit aat loloon pa tamtamon ve tagham poghani zi, ve tasavia saveeŋ onoon mon pazi. Ve tazuari ghiit le tataghon duduŋai ŋgar isov to Krisi, ve tapaak ila tooni tuŋia. Pasaa, i ta imin daaba pait, ve iit tau taleep ila lupuuŋ tooni ne, tamin i anooŋa siriv siriv. I ilup ghiit tamin eemon, ve ikis ghiit tuŋia, leso tagham uraat toit toit. Ve uraata tooni timin seŋgaaŋa, ve tikor anooŋa siriv siriv tawe, ve tikis zi timin eemon, ve tipapalot zi. Isaav ighe loloon pa tauun, ve iit eŋaeŋa tagham duduŋai uraat toit toit, ene aat lupuuŋ to Krisi ivot imin tiina, ve iyaryaaŋ. Ep 1:22; Kol 1:18, 2:19

Rau Tau Paulus Iboode Pa Yes Roma Rom--Romans 2:4

Ughita. Maaron itotoi poia tooni tiina kat payo. Pasaa, i itatan aate, ve ighur atuya payo rekia mako. Mindai, matam veleghin poia tooni tawe? Ughilaal, ma mako? I igham tauvene, leso igham gherev payo, ve utoor ŋgar tsio. Igham 34:6+; Ep 2:4+; 2Pe 3:9,15

Hibru 1:8

Eemon i isavia Naatu ighe: “Maaron, pooz tsio irau isov ne mako. Uleep ila niam to ghamuuŋ pooz irau saawe. Ve ilaal to pooz tsio, ene ŋgar duduuŋa.

Epesus 4:25

Tauvene, yam asov apul ŋgar to ghamuuŋ karom ileple, ve asavia saveeŋ onoon mon pa taumim. Pa iit tamin Krisi anooŋa siriv siriv, ve i ilup ghiit tamin eemon wa. Sek 8:16; Kol 3:8+

Yoan 1:47

Yesu ighita Natanael iŋaruini ilam, ve isaav ighe: “Aghita. Ŋeer tau ilam ne, ene Israel tauu. Ŋgar karom eta igheen ila loolo mako.” Mbo 32:2; Ro 2:28, 9:6+

Matayu 3:8

Isaav ighe onoon yam apul ŋgar tsiam sasaghati ileple ve atoor ŋgar tsiam ila pa Maaron, na atotoi anooŋa tooni popoia siriv ivot gha taghita. Mt 7:16; Mbaŋ 26:20

Kolosi 3:18

Yam zilivaa, atatan taumim ve aleep ila azuwamimŋa sambazi. Pa ighe iit tau tamin Tiina toit Krisi le na tataghon ŋgar tauvene, ene iduduuŋ. Tit 2:5