Epesus 5:1 - Maaron Saveeŋ Tooni Patabuyaaŋ Tuam

^1-2 Maaron loolo igheen tsiam kat, ve igham gham amin i tauu natŋa. Tauvene laghooŋ tsiam, yam aat ataghon ŋgar tooni, ve lolomim pa tamtamon tisov ve agham poghani zi, imin Krisi loolo pait ve ipul tauu gha imaat pait. Ŋgar tau i ighamu na, ene igham Maaron loolo poia imin watooŋrau tau vaazi poia kat. Mt 5:48; Yo 13:34; 1Pe 1:15+; 1Yo 3:16

Mutu (Oov)

^1-2 Maaron lolo payam kat, ve igham gham anim ye tau ndinatu. Tovenen laghooŋ tiam, yam irau ataghon ŋgar toni, ve lolomim pa tamtoghon tisob ve agham poian di, inimale Krisi lolo pait ve ipul tau imaat pait. Ŋgar to ye ighami, nene igham Maaron lolo poia inimale watooŋrau to vuzi poia kat. Mt 5:48; Yo 13:34; 1Pe 1:15+; 1Yo 3:16

Epesus 5:1 Referans Kwoze

1 Yoan 4:11

Yam zeran tsiau, lolog igheen tsiam kat. Isaav ighe Maaron loolo pait kat tauvene, na iit paam, aat loloon pa tauun ve tavaghamu poghani ghiit.

Epesus 4:32

Ve avaghamu poghani gham, lolomim isaghatin zeetmimŋa, ve avagharatoi lolomim ve apul sosor to zeetmimŋa, imin Maaron ireu sosor tsiam ila uraat to Yesu Krisi. Mt 6:14; Kol 3:13

Matayu 5:48

Tauvene yam aat azuari gham le ŋgar tsiam isov iduduuŋ ve poia mon imin Tamamim Maaron tau ileep sambam.” Yems 1:4

Kolosi 3:12

Maaron loolo igheen tsiam, ve isiigh gham amin le wa. Tauvene yam aat agham ŋgar tooni imin lemim, imin ayol gham pa nonoghiiŋa paaghu. Ŋgar tauvene: Lolomim isaghatin tamtamon ve agham poghani zi. Atatan taumim ezamim. Ve agham ŋgar pa taumim mon sov. Matamim iŋgal zeetmimŋa ve agham ŋgar marowa pazi.

Yoan 1:12

Eemon tamtamon tisov tau tighur ila tooni ve tighamu imin Tiina toozi, ene i igham lezi ezazi to timin Maaron natŋa. Yo 3:15; Ro 8:14+; Ga 3:26; 1Yo 3:1+

Matayu 5:45

Leso ataghon ŋgar to Tamamim Maaron tau ileep sambam. Pasaa, i itotoi poia tooni pa tamtamon tisov. Igham aaz tooni ighaaz pa zeran popoiazi, ve yes tau sasaghatizi paam. Ve igham uman izizi pa zeran duduŋazi, ve yes tau ŋgar toozi iduduuŋ mako na paam. Ep 5:1

Pilipai 2:15

Leso lemim sosor mako, ve ŋgar tsiam isov iŋgalaaŋ ve iduduuŋ mon ila Maaron maata, ve aleep imin i natŋa. Eval tiina to taan tau aleep ila sosozi na, laghooŋ toozi iduduuŋ mako, ve titaghon ŋgar sasaghati. Eemon yam akis saveeŋ maata yaryaare, ve azuzuuna ila pazi, tauta atotoi ghazooŋa to Krisi pazi imin pitum tau tiraŋ pa mboŋ. Ighe ataghon ŋgar isov tane, saawe to Krisi imuul ilam, yau pale lolog poia, ve napakur ghau payam. Pasaa, gabuamim pale itotoi ghau ighe yau napul tapirig sorok payam mako. Yau nagham katin uraat tsiau ve anooŋa ivot. Mt 5:14+; Ep 5:1,8; 1Tes 2:19+