Epesus 4:12 - Maaron Saveeŋ Tooni Patabuyaaŋ Tuam

¹² Krisi ighur uraat tauvene ila nimaan, leso tapalot Maaron tamtamon tooni, ve anazi tibees poi pa Maaron ve tamtamon paam, ve tigham uratoi lupuuŋ to Krisi le ivot kat itaghon ŋgar tooni.

Mutu (Oov)

¹² Krisi ighur uraat tovene inim nimaad, leso tapalot Maaron tamtoghon toni, ve anadi timbees pooi pa Maaron ve tamtoghon paam, ve tiuul lupuuŋ to Krisi le ivot kat itaghon ŋgar toni.

Epesus 4:12 Referans Kwoze

1 Korin 12:27

Lupuuŋ tsiam, ene imin Krisi anooŋa. Ve yam eŋaeŋa amin anooŋa tana gabuaaŋa siriv siriv. Ro 12:5+

Rau Tau Paulus Iboode Pa Yes Roma Rom--Romans 15:14

Yam toŋvetaz, yau nawatagh: Ŋgar poia ivon ila lolomim, ve aghazooŋ kat pa Maaron aliiŋa. Tauvene yam asov irau apaduduuŋ zeetmimŋa pa saveeŋ tooni. 2Pe 1:12; 1Yo 2:21

1 Korin 14:26

Tauvene yam toŋvetaz, pale tasaav mindai? Saawe tau alup gham pa suŋuuŋ, na yam asov agham uraat le irau gham. Ŋeer ee, i imbou mbouŋ to ipakur Maaron. Ve ite, i ipaduduuŋ gham pa Maaron aliiŋa. Ve ite, i isavia ŋgar yoŋgaaŋa siriv tau Maaron ipaghazoŋaini pani na. Ve ite, i isavia saveeŋ imin kaolaaŋ. Ve ite, i ivotia saveeŋ tana puughu payam. Ve saa ŋgar tau yam aghe aghamu, yam aat aghamu to apalot lupuuŋ to Krisi. Ro 14:19; 1Kor 12:7+; Ep 4:12

Rau Tau Paulus Iboode Pa Yes Roma Rom--Romans 14:19

Iit aat tazuari ghiit pa ghamuuŋ ŋgar tau igham tamtamon tisov tileep poi toman lolozi luuma, ve tavapaloti ghiit pa ŋgar popoia siriv. Mbo 34:14; Ro 15:2; Hib 12:14

1 Timoti 1:12

Yau lolog poia kat, ve napait Tiina toit Yesu Krisi. Pasaa, i inumeer ghau ighe yau irau naŋgin poghania uraat tooni. Tauta ighur ghau namin uraata tooni, ve ighur tapiri izaa tsiau. Mbaŋ 9:15

1 Korin 14:12

Yam tauvene paam. Aazne, azuari gham pa uraat ve ŋgar maata maata tau Maaron Avuvu irei zi pait ne. Ene poia. Eemon yam aat azuari gham kat pa uraat ve ŋgar tau ipapalot lupuuŋ to Krisi.

Hibru 13:17

Alooŋ ŋginiiŋa tsiam aliŋazi, ve aleep ila sambazi. Pa yes ta matazi payam ve tipaghazoŋai gham pa lepoogh to anunumim. Ve murei, yes pale tiyooz ila Maaron naagho ve tipaesia uraat toozi pani. Tauvene yam alooŋ saveeŋ toozi. Leso tigham uraat toozi toman lolozi poia. Isaav ighe monmon aghamgham pataŋani pazi, ene irau uraat toozi iuul gham geeg mako. 1Tes 5:12+; 1Tim 5:17

Hibru 6:1

Saawe tau talooŋ saveeŋ to Krisi imin paaghu, tipaghazoŋai ghiit pa ŋgar raurauai imin maata. Ŋgar tauvene: Ŋgar tau pale igham ghiit tamaat gha talaleen na, iit aat tapuli ileple, ve tatoor ŋgar toit, ve taghur ila to Krisi. Ve tipaghazoŋai ghiit pa ŋgar maata maata to ghamuuŋ yaa, ve ŋgar to ghuruuŋ nimaan izala tamtamon pavozi imin palotiiŋ zi, ve burigiiŋ to yes mateegha. Ve tipaghazoŋai ghiit tighe Maaron pale igabiiz ghiit ve ighur atuya pait. Atuya tawe pale igheen le alok. Ŋgar tauvene ta tipaghazoŋai ghiit pani imin maata, ra tisavia ŋgar siriv. Ene poia. Eemon ighe tasasavia ŋgar tauvene mon, ene imin iit taghelia rir mon, ve tarau ruum anooŋa mako. Tauvene iit aat tazuari ghiit le taghazooŋ pa ŋgar siriv paam, leso ŋgar toit imatuugh pa Maaron saveeŋ tooni.

2 Korin 6:3

Besooŋ tsiei tau nighamghamu pa Krisi ne, yei nighe nitaghon ŋgar tau iduduuŋ kat ila tamtamon matazi. Pa ighe nigham sosor eta, ve tamtamon tirere ghei, ene pale sosor tsiei tana ipoon zi ve tighur ila to Krisi mako. Ro 14:13; 1Kor 8:13, 10:32

2 Korin 5:18

Gabua isov tana ivot ila to Maaron. Aghita. Muuŋ, koi isap itiŋa Maaron sosoon. Eemon ila uraat to Krisi, aazne itiŋa Maaron tavalupu ghiit tamin eemon wa. Ve i ighur uraat ila nimamai ighe niuul tamtamon, leso yesŋa Maaron tivalupu zi timin eemon. Ro 5:10; Kol 1:20; 1Yo 2:2

Lukas 22:32

Eemon yau naghur ghom ila suŋuuŋ tsiau wa: Leso utap pa ghuruuŋ ila tsio sov. Ve saawe tau yo utoor ŋgar tsio ve umuul, yo aat upalot toŋvetaz tsio.” Yo 17:9+, 21:15+

2 Timoti 4:5

Eemon yo aat atem imaat ve ugham ŋgar poi irau saawe, uyooz ariaaŋ pa badooŋ pataŋani, ve uvotia vaaru poia pa yes tau tighur ila soone na. Tinim ibees pa uraat tau Maaron ighuru ila nimam na, ve ugham uratoini le anooŋa ivot. 2Tim 1:8, 2:3; 1Pe 1:13

Kolosi 4:17

Asaav pa Arkipus tauvene: “Uraat to Tiina toit tau ilat nimam na, matam iŋgali ve upasovu.” Plm 2

Kolosi 1:28

Tauvene yei nivovotia Krisi vaaru pa tamtamon tisov, ve nipapaduduuŋ zi. Leso tiwatagh ŋgar popoia naol isov tau ilam pa Maaron na. Ve saawe tau nighur zi tila to Maaron, i aat ighit zi ighe yes tisov tirau kat pa ŋgar to Krisi. Mt 5:48; Ep 4:13

Kolosi 1:24

Onoon, aazne yau nabaad pataŋani ve nayamaan yavyavuuŋ ila tinig to nauul gham. Eemon lolog poia. Pasaa, pataŋani naol tau Krisi ibaad zi na, tisov soone. Tauta poia pa anag nauule ve nabaad siriv. Ene imin yau abug to nauul lupuuŋ to Krisi. Pasaa, lupuuŋ tooni, ene imin i anooŋa. 1Kor 12:27; 2Kor 1:6+; Ep 3:13; Pil 2:17

2 Korin 12:19

Mindai, yam aghe saveeŋ tau niboode ila rau tane, ene to nipoon taumai? Mako. Yei nisavia saveeŋ tane ila Maaron maata itaghon Krisi ŋgar tooni. Pasaa, yei nipaak Krisi ve nileep ila tooni. Yam toŋvetaz, lolomai igheen tsiam kat. Tauvene ŋgar isov tau nighamghamu ne, ene to iuul gham ve ipalot gham.

2 Korin 7:1

Yam zeran tsiei, lolomai igheen tsiam kat. Aghita. Maaron igham leen saveeŋ mbuaaŋ popoia naol tane. Tauvene ŋgar isov tau ivaghamunia anoŋaan ma anunuun, ve igham ghiit tasaghat ila Maaron maata na, tapuliir zi tileplez. Ve taroi pa Maaron, ve taghur tauun tamin i le kat, ve tataghon ŋgar patabuyaaŋ mon imin i tauu. 1Tes 4:7; Hib 10:22; 1Pe 1:15; 1Yo 3:3

2 Korin 4:1

Maaron loolo isaghatin ghei ve ireu sosor tsiei, ve ighur uraat tane ila nimamai itaghon tauu poia tooni. Tauvene pataŋani naol tau nibaad zi ne, irau itatan ghei, ve igham ghei nipul uraat tsiei tane mako. 1Kor 15:10; 2Kor 3:6; 1Tim 1:12+

2 Korin 3:8

Ve eez paaghu tau aazne tabees pa Maaron, ene vene: Maaron Avuvu igham uratoi ghiit ve itoor ghiit tamin paaghu. Tauvene eez tane mbonari ve tapiri tiina kat iliiv eez muŋgaana. Ro 7:6; Ga 3:2-5

1 Korin 14:14

Isaav ighe nasuŋ ila saveeŋ imin kaolaaŋ, ene Maaron Avuvu tau ileep ila lolog, tauta isavsaav. Eemon saveeŋ tau nasavia ne iuul ŋgar tsiau mako.

Rau Tau Paulus Iboode Pa Yes Roma Rom--Romans 15:29

Yau nawatagh: Saawe tau nalat peria tsiam, ene pale poia tiina kat to Krisi izaa tsiam. Ro 1:11

Rau Tau Paulus Iboode Pa Yes Roma Rom--Romans 15:2

Tauvene iit tasov aat tataghon ŋgar tau iuul zetaanŋa na, ve tapalot zi pa ŋgar popoia. Leso tapariaaŋ ghuruuŋ ila toozi. 1Kor 10:24; Pil 2:4+

Rau Tau Paulus Iboode Pa Yes Roma Rom--Romans 12:7

Isaav ighe Maaron igham ŋeer eta le ŋgar pa uraat to uleeŋ tamtamon, i aat itaghon duduŋai ŋgar to uleeŋ. Ve isaav ighe eta le uraat to ipaduduuŋ tamtamon pa Maaron aliiŋa, i aat ipaduduuŋ zi kat.

Uraat To Yes Mbaŋooŋa 20:28

“Matamim imomoos poi pa taumim, ve aŋgin poghania sipsip tisov to Maaron tau Avuvu Patabuyaaŋ ighur gham amin ŋginiiŋ pazi na. Yam irau aŋgin poghania lupuuŋ to Maaron. Pa siŋ to tauu Naatu imaliŋ pazi, ve i igham zi timin le wa. 1Tim 4:16; 1Pe 1:18+, 5:2+; Syg 5:9

Uraat To Yes Mbaŋooŋa 20:24

Ve yau naghita naghe lepoghag to taan, ene gabua tiina mako. Isaav ighe tirav ghau namaat, ene kaut sorok. Eemon yau aat nataghon duduŋai eez tau Tiina toit Yesu Krisi ighuru payau na le napasovu. Ve uraat tau i tauu ighuru ila nimag na paam, naghe napasovu le isov kat. Uraat tauvene: Yau aat nayooz ariaaŋ ve napariaaŋ saveeŋ to vaaru poia. Leso tamtamon tiwatagh eez tau poia to Maaron izazaa to iit tamtamon sasaghatiin. 2Kor 4:1; Ga 1:1; Pil 1:20; 2Tim 4:7; Syg 12:11

Uraat To Yes Mbaŋooŋa 11:23

Ila ivot toozi, ve ighita poia to Maaron tau igheen tomani zi na, le ighamu loolo poia kat. Ve ipalot zi ighe lolozi isaghav Tiina toit ve tikisi ariaaŋ taghon gha ila.

Uraat To Yes Mbaŋooŋa 9:31

Tauvene lupuuŋ to Krisi tau tileep irau taan sirivu to Yudea, Galilaia, ve Samaria na, tileep poia. Pataŋani ivot pazi muul mako. Ve Maaron iseeŋ ŋgar toozi pa ŋgar popoia siriv, ve Avuvu Patabuyaaŋ ipapalot zi. Tauta tiroron pa Tiina toit, ve titaghon eez tooni, ve lupuuŋ toozi ivot imin tiina.

2 Timoti 4:11

Ve Lukas zigani tauta yeiru nilepleep. Tauvene naghe ugham Markus, ve yamru alam. Pasaa, i irau iuul ghau kat pa uraat to Maaron. Mbaŋ 15:37+; Kol 4:10,14

Epesus 4:29

Ve saveeŋ saghati eta ivot ila avomim sov. Asavia saveeŋ popoia mon tau irau iuul tamtamon, ve ipalot zi pa saa ŋgar tau timbool pani na. Leso saveeŋ tsiam imin eez pa poia to Maaron izaa toozi. Ep 5:4; Kol 3:8; 4:6

Epesus 4:4

Aghita. Lupuuŋ eemon to Krisi ta ighengheen. Ene iit tamtamon tooni tau tamin Krisi anooŋa. Ve Maaron Avuvu eemon ta ilepleep. Ve saawe tau Maaron ipoi gham amin le, i ipoi gham to aghur matamim pa gabua eemon. Ve Tiina toit eemon, ghuruuŋ ila toit eemon, ghamuuŋ yaa toit eemon, ve Tamaan eemon. Ene Maaron. Gabua naol isov tileep ila i saamba, ve i igham uraat ila gabua naol isov sosozi, ve ileep ila lolozi. Ro 11:36, 12:5; 1Kor 8:6, 12:13; Kol 1:5

2 Korin 13:9

Tauvene isaav ighe tamtamon tighit ghei tighe tapirimai imbool, ene poia. Eemon nighe yam ayooz ariaaŋ pa ghuruuŋ ila tsiam, o lolomai poia. Tauta saawe isov, nighurghur gham ila suŋuuŋ tsiei, ve nighaghason Maaron to igham uratoi gham le ŋgar tsiam isov iduduuŋ mon ila i maata.

1 Korin 12:7

Maaron Avuvu ileep tomania iit tasov, ve ireirei tauu tapiri tomania uraat ve ŋgar maata maata irau ghiit, leso tapalot lupuuŋ to Krisi pani. 1Kor 14:26; 1Pe 4:10+

Rau Tau Paulus Iboode Pa Yes Roma Rom--Romans 12:5

Iit tau tapaak Krisi ne, tauvene paam. Iit tamin Krisi niima, aaghe, ve anooŋa siriv siriv paam tau tilup zi timin eemon. 1Kor 12:12-27; Ep 4:4, 25

2 Korin 13:11

Yam toŋvetaz, naghe napasov saveeŋ tsiau. Yam asov alooŋ saveeŋ palotiiŋ tsiau tane, ve lolomim poia, agharaat ŋgar tsiam, alup lolomim imin eemon, ve ataghon ŋgar luuma mon. Leso Maaron tau loolo igheen toit ve igham ghiit taleep poia toman loloon luuma na, ileep tomani gham. Ro 15:33; Pil 2:12, 3:1; 1Tes 5:16