Epesus 1:8 - Maaron Saveeŋ Tooni Patabuyaaŋ Tuam

⁸ Tauvene Maaron ighur poia tooni tiina kat izaa toit. Ve i ipaghazoŋai ghiit pa ŋgar popoia naol, leso taghazooŋ pani.

Mutu (Oov)

⁸ Tovenen Maaron ighur poia toni tiina kat iza toit. Ve ye ipaghazoŋan ghiit pa ŋgar popoia naol, leso taghazooŋ padi.

Epesus 1:8 Referans Kwoze

Saveeŋ Yoŋgaaŋ 5:12

Yes timbou toman aliŋazi tiina tighe: “Sipsip to Maaron tau tiravu imaat na, i irau kat pa tapiri, kuaz, ve ŋgar ta naol ne. I saksaki ve eeza tiina. Ve i mbonari tiina ve poia puughu. Tauvene tapait eeza, o iduduuŋ.”

Kolosi 2:3

Pasaa, Maaron ŋgar tooni maata maata, ene tisov tighenaar ila to Krisi, imin kuaz tau tamtamon tighuru izala katkaat leso igheen poi. 1Kor 1:24,30

Epesus 3:10

Maaron igham tauvene, leso yes aŋela tomania gabua ariaŋazi siriv tau tileep izi sambam ve tighamgham pooz na, matazi izilam pa iit tamtamon tau taleep ila lupuuŋ to Krisi ne, ve tighilaal ŋgar popoia maata maata tau igheen to Maaron. Ro 11:33; 1Pe 1:12

Rau Tau Paulus Iboode Pa Yes Roma Rom--Romans 5:15

Pasaa, Adam, i ŋeer eemon. Ve saawe tau izoor Maaron aliiŋa ve igham sosor, ene imin puughu pa mateegh igham tamtamon tisov. Yesu Krisi tauvene paam. I ŋeer eemon. Ve ila uraat tooni, poia tiina to Maaron izaa to eval tiina sorok, ve ireu sosor toozi. Tauvene poia tau Maaron itotoia pait, ve pataŋani tau ivot ila sosor to Adam, ene raratezi mako. Pasaa, sosor eemon geeg to Adam, ta ivaghamunia iit tasov, ve imin puughu pa Maaron ighur atuya pait. Eemon tamtamon tigham sosor katini ilam ilam le saawe to Yesu, ra Maaron igham poghani ghiit sorok itaghon tauu poia tooni, ve igham ghiit taduduuŋ ila i maata.

Epesus 1:11

Saawe isov, Maaron igham gabua naol isov tivotvot itaghon tauu loolo ve ŋgar tooni. Iit tamtamon tau tapaak Krisi ve taleep ila tooni na, muuŋ kat, Maaron isiigh ghiit itaghon tauu loolo ighe igham ghiit tamin le. Tauta aazne tagham gabua popoia naol ila tooni. Ro 8:28+; 2Tim 1:9

Rau Tau Paulus Iboode Pa Yes Roma Rom--Romans 11:33

Onoon kat, Maaron, i ŋgar puughu. Ŋgar tooni, ene ila le ila kat, imin mazavan belbeluuŋa. Pasaa, i iwataghiir gabua naol isov. Sei irau iwatagh katin ŋgar tooni ve eez tau i itaghoni ne? Ighe tatoova to tagham ŋgar pani, ene pale ŋgar toit imbool. Yop 11:7+; Mbo 92:5

Matayu 11:19

Ve saawe tau Tamtamon Naatu ilam ve igham uraat tooni, i ighanghan ve ighunghun. Eemon i paam, tamtamon lolozi pani mako, ve tighe: ‘Aghita. Ŋeer tawe ipaak yes zeran to ghamuuŋ sosor ve yes tau tiyauyau takes, ve yesŋa tiluplup zi pa ghanghaniiŋ ve ghunghunuuŋ.’ Eemon uraat tau aazne ivotvot itaghon ŋgar to Maaron, ene itotoi ighe ŋgar tooni iduduuŋ mon.” Lu 5:29+, 15:1+

Epesus 1:7

Poia to Maaron, ene tiina le tiina kat. Iit tamtamon tau tapaak Krisi ve taleep ila tooni na, siŋ tooni ipas ghiit tavot pa saghati tapiri, ve ireu sosor toit isov ilale. Ro 3:24; Kol 1:14; Hib 9:12; 1Pe 1:18+

Epesus 1:9

Ŋgar yoŋgaaŋa tooni tau igheen ila tauu loolo, tauta Maaron ipaghazoŋai ghiit pani wa. Ŋgar tawe iŋarui Yesu Krisi. Pasaa, Maaron ighe igham pooz pa gabua naol isov ila ila le ighe saawe duduuŋ tau i tauu ighuru na ivot, mako ilup gabua naol isov tau tileep izi sambam ve taan na timin eemon, ve ighur zi tileep ila Krisi saamba, ve Krisi imin daaba pazi. Ro 16:25+; Ep 3:9+; Kol 1:16+,26