Epesus 1:1 - Maaron Saveeŋ Tooni Patabuyaaŋ Tuam

¹ Yau Paulus. Maaron ighur ghau namin mbaŋooŋa to Yesu Krisi itaghon tauu loolo. Nabood rau tane ilat pa yam tamtamon patabuyaaŋa to Maaron tau aleep izi nugh Epesus, ve aghur ila to Yesu Krisi, ve apaak ila tooni. Mbaŋ 18:19+, Mbaŋ 19:1+, 20:17+

Mutu (Oov)

¹ You Paulus. Maaron ighur ghou nanim mbaŋooŋa to Yesu Krisi itaghon tau lolo. Nambood rau tonene ilat to yam tamtoghon patabuaŋa to Maaron to aneep izi ndug Epesus, ve aghur ila to Yesu Krisi, ve aneep tuŋia ila toni. Mbaŋ 18:19+, Mbaŋ 19:1+, 20:17+

Epesus 1:1 Referans Kwoze

2 Korin 1:1

Yau Paulus. Maaron itaghon tauu loolo ve ighur ghau namin mbaŋooŋa to Yesu Krisi. Yeiru toŋvetaz toit Timoti, nibood rau tane ilat pa lupuuŋ to Maaron tau aleep izi nugh Korin na. Ve yam mon mako. Rau tane ilup gham tomania Maaron tamtamon tooni patabuyaaŋa tisov tau tileep irau taan sirivu to Akaia na paam.

Galesia 1:1

Yau Paulus, mbaŋooŋa to Yesu Krisi, ta nabood rau tane. Uraat tau naghamghamu ne, tamtamon eta ighur ghau pani mako, ve lupuuŋ eta to taan tighur ghau pani mako. Yesu Krisi gha Taama Maaron tau ipaburigini pa mateegh na, yesuru ta tighur ghau pa uraat tane. Mbaŋ 9:15

Rau Tau Paulus Iboode Pa Yes Roma Rom--Romans 1:1

Yau Paulus nabood rau tane. Yau besooŋa to Yesu Krisi. I tauu isiigh ghau namin le, ve ipoi ghau namin mbaŋooŋa tooni, leso navotia vaaru poia to Maaron. Mbaŋ 9:15; Ga 1:15

Rau Tau Paulus Iboode Pa Yes Roma Rom--Romans 1:7

Tauta nabood rau tane ilat pa yam Roma asov tau Maaron loolo igheen tsiam, ve ipoi gham gha amin tamtamon tooni patabuyaaŋa. Poia tomania luuma to Tamaan Maaron yesuru Tiina toit Yesu Krisi izaa tsiam. Onoon. 1Kor 1:2+; Ga 1:3

Epesus 6:21

Toŋvetaz toit Tikikus, i besooŋa poia ee to Tiina toit Yesu Krisi, ve lolog igheen tooni kat. Yau nambaaŋo ilat, leso ipaes payam poi pa lepoghamai ve uraat tsiei, ve ipalot gham pa saveeŋ siriv paam. Mbaŋ 20:4; Kol 4:7+

1 Korin 4:17

Puughu tane ta nambaaŋ Timoti ilat. I, yau nanumeera ve lolog igheen tooni kat. Yau naghita imin natug duduuŋ. I ighur ila to Tiina toit ariaaŋ, ve igham uraat itaghon Krisi ŋgar tooni. I pale ipei ŋgar tsiam muul pa eez tau yau naleep tuŋia ila to Krisi ve nataghon ŋgar tooni. Eez tane, yau napaduduuŋ lupuuŋ to Krisi pani irau nugh nugh. Mbaŋ 19:22; Pil 2:19+

Lukas 16:10

“Isaav ighe tamtamon eta iŋgin poghania gabua ŋgiira tau tighuru ila niima, ene pale iŋgin poghania gabua tiina paam. Ve isaav ighe tamtamon eta igham ŋgar tau iduduuŋ mako pa gabua ŋgiira, ene pale igham ŋgar raraate mon pa gabua tiina paam. Lu 19:17+

Saveeŋ Yoŋgaaŋ 2:10

Yau nasaav payo: Malau mako pale pataŋani ite paam ivot payo. Eemon uroi sov. Ŋeer Saghati pale ipazaagh tamtamon ve tighur tamtamon tsio siriv tiloŋ tila ruum to yavyavuuŋ. Pataŋani tana pale itoov ghuruuŋ ila tsiam. Eemoghon pale igham gham irau mboŋ saŋavul mon, ve isov. Isaav ighe akis ghuruuŋ ila tsiam tuŋia le saawe tsiam to mateegh, ene pale nagham lemim atuya to yes tau tiyooz ariaaŋ ve tiliiv tovaaŋ na. Atuya tawe, ene lepoogh to taleep mataan yaryaare le alok. 2Tim 4:8; Yems 1:12

Saveeŋ Yoŋgaaŋ 17:14

Ve yesŋa gabua saghati pale tilup zi ve tiparav tomania Sipsip to Maaron ve tamtamon tooni. Eemon pale tirao mako. Sipsip to Maaron pale iliiv zi. Pasaa, i tiina iliiv zimaronŋa tisov. Ve i kinik tiina tau iliiv kinik tisov. Tamtamon tooni, ene yes tau i tauu isiigh zi, ve ipoi zi timin i le, ve tikis ghuruuŋ ila toozi ariaaŋ.” 1Tim 6:15; Syg 16:14, 19:19

Galesia 3:9

Tauvene tamtamon tisov tau tighur ila to Krisi na, poia to Maaron aat izaa toozi, imin muuŋ Abaram ighur ila ve poia to Maaron izaa tooni. Ro 4:16

Rau Tau Paulus Iboode Pa Yes Roma Rom--Romans 8:1

Saveeŋ naol tau nasavia ila wa, ene puughu tauvene: Iit tau tapaak Yesu Krisi ne, aazne leen puughu eta to Maaron ighur atuya pait mako. Pasaa, Maaron Avuvu tau taghamgham lepoogh poia ila tooni na, tapiri ipas ghiit pa ŋgar saghati ve mateegh tapiri wa. Yo 8:36; Ro 6:18, 8:33+

Uraat To Yes Mbaŋooŋa 16:15

Tauvene i tauu ve yes tau tileep tomania ila ruum tooni na, tigham yaa. Le isov, ra isaav payei tauvene: “Isaav ighe yam aghit ghau aghe yau naghur ila kat to Tiina toit, o alam ruum tsiau, ve aleep tomani ghau.” I isaav ariaaŋ payei, tauvene nilooŋ aliiŋa, ve nila ruum tooni. Mbaŋ 16:33, 18:8; 1Kor 1:16

Saveeŋ Yoŋgaaŋ 2:13

‘Yau nawatagh: Sadan niia to ghamuuŋ pooz igheen izi nugh tau yo uleep pani na, ve i ighamgham uraat toman tapiri tiina ta sena. Muuŋ, tamtamon tsio ee, eeza Antipas, loolo eemon ve ipariaaŋ saveeŋ tsiau. Iroi mako, ve ighur muuri payau mako. Tauta tiravu imaat izi nugh tsiam. Eemon saawe tana, yo upul ghuruuŋ ila tsio mako. Ve aazne paam, yo ukiskis ezag soone.

1 Korin 4:12

Yei nighamgham uraat ariaaŋ pa nimamai, leso niuul taumai. Ighe tamtamon tisik saveeŋ saghati payei, yei nighason Maaron to ighur poia tooni izaa toozi. Tamtamon tighurghur pataŋani payei pasaa, nitaghon Krisi, eemon niyooz ariaaŋ ve nibaado. Mt 5:44; Mbaŋ 18:3+

Uraat To Yes Mbaŋooŋa 9:13

Ananias iyol aliiŋa ighe: “Wai Tiina, ŋeer tawe, eval tiina tisavia vaaru gha nalooŋa wa. Tamtamon tsio patabuyaaŋa tau tileep Yerusalem we, i ighamgham ŋgar sasaghati naol pazi. Mbaŋ 8:3

Uraat To Yes Mbaŋooŋa 18:19

Tiraav tila le tilooŋ nugh Epesus, ra Paulus ipul yesuru tizi tileep ta sewe. I malmali iloŋ ila yes Yuda rumei toozi, ve yesŋa Yuda tivasavo zi pa Maaron aliiŋa. Yes Yuda tiŋguruuta tighe i ileep tomani zi rig. Eemon i ipasul. Tauvene itak nimazi, ve isaav pazi tauvene: “Isaav ighe Maaron loolo ighe namuul, ene aat namuul nalam.” Isaav pazi tauvene, ra ila izaa waaŋ gha tipul Epesus ve tivot, ve tiraav tila pa Sisarea. Yems 4:15

Galesia 3:26

Yam asov tau ghuruuŋ ila tsiam isaghav Yesu Krisi na, Maaron natŋa yam. Yo 1:12; Ro 8:14+

Galesia 3:28

Ve yam asov raratemim ila Maaron maata. Isaav ighe yam Yuda, ma Yuda mako, ma yam besooŋa sorok, ma yam besooŋa mako ve aŋgin taumim, ma yam zilivaa, ma zitamoot, gabua naol tauvene, iit tagham ŋgar pani sov. Pasaa, yam aleep ila to Yesu Krisi, ve i ilup gham asov amin eemon wa. Yo 10:16; Ro 10:12+; 1Kor 12:13; Kol 3:11

Epesus 1:15

Yau nalooŋ varumim tighe yam aghur ila kat to Tiina toit Yesu, ve lolomim pa tamtamon patabuyaaŋa tisov to Maaron ve aghamgham poghani zi. 1Tes 1:2+

Epesus 2:6

Ve aazne, ene imin i igham iit tamtamon tau tapaak Krisi ve taleep ila tooni ne, gha itiŋa Krisi tazala nugh sambam ve taleep tomania ila niia to ghamuuŋ pooz. Kol 3:1+

Epesus 2:10

Iit tamtamon tau tapaak Krisi ve taleep ila tooni ne, tamin gabua tau paghunazi kat. Maaron tauu ighur ghiit, ve igham ghiit tamin paaghu, leso tagham uraat popoia tau i tauu ighur zi pait pataghaaŋ na. 2Kor 5:17; Ep 4:24; Tit 2:14

Epesus 2:13

Eemon aazne, yam amin Krisi le ve apaak ila tooni. Tauvene yam zeran tau muuŋ aleep soghan pa Maaron na, Krisi siŋ tooni imin eez payam gha alam agharau Maaron wa. Ro 5:2; Kol 1:20; Hib 12:23