2 Yoan 1:10 - Maaron Saveeŋ Tooni Patabuyaaŋ Tuam

^10-11 Isaav ighe tamtamon eta ilat tsiam, ve ivotia saveeŋ tau isapir pa saveeŋ to Krisi tane, yam aghamu ilat ileep tomani gham ila ruum tsiam sov. Ve agham aaz poia pani ve yamŋa asavsaav sov. Aleep soghan pani. Mako pale apaako pa uraat tooni saghati tawe ma vene. Ro 16:17; 2Tes 3:6; Tit 3:10

Mutu (Oov)

^10-11 Ighaze tamtoghon eta ilat tiam, ve ivotia saveeŋ to iyel pa saveeŋ to Krisi, yam aghami ilat ineep toman gham ila ruum tiam malep. Ve agham ndag poia pani ve yamŋa asavsaav malep. Aneep saguan pani. Pa vene, ala tomani pa uraat toni samia tonowen ma venen. Ro 16:17; 2Tes 3:6; Tit 3:10

2 Yoan 1:10 Referans Kwoze

Titus 3:10

Isaav ighe tamtamon eta ireu lupuuŋ to Krisi, na usaav duduuŋ ila maata, ve utoova to upaduduuŋa. Usaav pani pai ee ma ru, ve ighe ilooŋ ghom mako, na upuli, ve uleep soghan pani. Pasaa, yo uwatagh: Tamtamon tauvene, ŋgar tooni ikau, ve isosor pa eez to Maaron. Ŋgar tau i ighamghamu na, ene ipaghazoŋaini ighe i isosor. Mt 18:15+; Ro 16:17+; 1Tim 6:3+

2 Tesalonika 3:6

Yam toŋvetaz, yei nisaav ariaaŋ payam ila Tiina toit Yesu Krisi eeza tauvene: Ighe toŋvetaz eta to Krisi igham uraat mako ve ilepleep sorok, na agharauu sov. Aleep soghan pani. Pa ŋgar tauvene, ene iduduuŋ pa Maaron aliiŋa tau nisavia payam ne mako. Saveeŋ tane, paaghu mako. Igheen muuŋ ve ilam.

2 Tesalonika 3:14

Saveeŋ tau niboode ila rau tane, isaav ighe tsiam eta itaghoni mako, na yam aghita ve aleep soghan pani. Agharauu sov. Leso ighilaal sosor tooni, ve maaya. Mt 18:17

1 Korin 5:11

Tauvene saveeŋ tau naboode payam na, ŋgara tauvene: Ighe tamtamon eta isaav ighe i toŋvetaz to Krisi, eemon ighurghur boog, ma maata gabua, ma ibesbees pa maaron karomŋa, ma ivevelegh tamtamon ve isiksik saveeŋ sasaghati pazi, ma ighunghun le daaba ikaukau, ma itombaan tamtamon leso igham sorokin gabua toozi, na tamtamon tauvene, agharauu sov. Aleep soghan pani. Ghanghaniiŋ paam, yamŋa alup gham sov. Mt 18:17; Ro 16:17

1 Korin 16:22

Isaav ighe tamtamon eta loolo pa Tiina toit mako, ene pale aatyavyav to Maaron izaa tooni. O Tiina tsiei, ulam lak!

Uraat To Yes Mbaŋooŋa 15:23

Ve tibood saveeŋ tawe ila rau, ve tighuru ila toozi, leso tikisi ve tila tomania. Rau toozi isaav tauvene: “Yei mbaŋooŋa ve ŋginiiŋa, nibood rau tane ilat pa yam toŋvetaz to Krisi tau Yuda mako na, tau aleep izi Antiok, ve taan sirivu to Siria ve Silisia na. Yam toŋvetaz, aaz poia tsiei ilat pa yam asov.

3 Yoan 1:10

Tauvene murei, isaav ighe nalat navot tsiam, ene aat navotia ŋgar saghati tooni ivot ighazooŋ. Pasaa, i iŋgalŋgal saveeŋ sasaghati naol payei. Ve tane mon mako. Isaav ighe toŋvetaz siriv to Krisi tighe tilat tigig gham, ene i irau igham zi toman loolo poia mako. Ve isaav ighe tsiam siriv tighe tigham zi, ene paam, i iŋgalsekin zi, ve izirziir zi pa lupuuŋ to Krisi.