2 Timoti 4:4 - Maaron Saveeŋ Tooni Patabuyaaŋ Tuam

⁴ Saawe tana ighe ivot, tamtamon pale tipoon taliŋazi pa saveeŋ onoon to Maaron ve tighur murizi pani, ve tighur taliŋazi pa sisiiŋ soroksorok.

Mutu (Oov)

⁴ Sawa tonenen ighaze ivot, tamtoghon pale tipoon taliŋadi pa saveeŋ onoon to Maaron ve tipul muridi pani, ve tighur taliŋadi pa vuvuaaŋ soroksorok.

2 Timoti 4:4 Referans Kwoze

1 Timoti 1:4

Zeran tana, monmon tiyauyau avozi pa sisiiŋ soroksorok katini tau itaghon pitiiŋ to yes Yuda. Tauvene avom iyaryaaŋ pazi, leso tipul ŋgar toozi tawe ileple. Pasaa, saveeŋ tauvene, ene igham tamtamon tivazorai zi pa gabua soroksorok tau le anooŋa mako. Irau ipaburigin zi to tighur ila to Maaron, ve tigham uraat itaghon ŋgar tooni ne mako. 1Tim 4:7; 2Tim 2:14+; Tit 1:14

2 Petrus 1:16

Saawe tau nisaav payam pa Tiina toit Yesu Krisi tapiri ve muleeŋ tooni, yei nitaghon sisiiŋ soroksorok tau zeran ŋgara siriv to taan titombaan tamtamon pani ne mako. Yei nighit katin Krisi tapiri ve mbonari pa matamai. Tauta nipariaaŋ saveeŋ tooni. Mt 17:1+; Yo 1:14

1 Timoti 4:7

Eemon saveeŋ karom ve sisiiŋ soroksorok tau tisasavia itaghon taan ŋgara na, ughur taliŋam pani rigta sov. 1Tim 1:4, 6:20; 2Tim 2:16,23 Matam iŋgal Maaron ve uzuari ghom le utaghon duduŋai ŋgar tooni.

Uraat To Yes Mbaŋooŋa 7:57

Tilooŋ saveeŋ ziiri rig tane, le bobaaŋ tomania siriiŋ tiina izaa, ve tipoon taliŋazi, ve tilaan tiŋarui Stepanus tila,

Titus 1:14

Ve tighur taliŋazi pa sisiiŋ soroksorok to yes Yuda, tomania tutuuŋ to yes tau tighur murizi pa saveeŋ onoon to Maaron na muul sov. 1Tim 1:4, 4:7

2 Timoti 1:15

Yo uwatagh: Zetaanŋa to taan sirivu to Asia, tisov tighur murizi payau wa. Zeran tawe, toozi ru, ene Pigelus ve Ermogenes.

1 Timoti 6:20

O Timoti, saveeŋ onoon ve uraat, tauta ilat nimam wa. Matam iŋgal to uŋgin poghania. Ve saveeŋ soroksorok to taan tau le anooŋa mako na, ve ŋgar karom to yes tau tizorzoor ghiit ne, yo uleep soghan pani. Onoon, zeran tawe tinumeer tauzi tighe lezi ŋgar tiina. Eemon mako. 1Tim 1:4, 4:6+; 2Tim 1:14, 2:14; Tit 1:9

Hibru 13:25

Poia to Maaron aat izaa to yam asov. Onoon.

Matayu 13:15

Pasaa, zeran tane, ŋgar toozi iyaryaaŋ kat. Lolozi pa ghilalooŋ gabua mako. Tinizi imum pa loŋaaŋ saveeŋ. Ve tiponpoon matazi, leso tighilaal gabua tau ivotvot ne puughu sov. Ve imin ta yes lolozi pa tigham ŋgar, kanaŋ tighilaal gabua tau matazi tighita ve taliŋazi tilooŋa na, ve tighazooŋ pa puughu, ve titoor ŋgar toozi. Leso nauul zi ve nareu sosor toozi.’ ”

2 Tesalonika 2:11

Tauvene Maaron pale ikau ŋgar toozi kat, leso tighur ila saveeŋ karom tana.