2 Timoti 4:2 - Maaron Saveeŋ Tooni Patabuyaaŋ Tuam

² Uvotia Maaron aliiŋa pa tamtamon irau saawe. Isaav ighe uleep ila saawe poia ve tamtamon lolozi pa loŋaaŋ ghom, ma uleep ila saawe saghati ve timbuzir pa saveeŋ tsio, na yo aat uyooz ariaaŋ pa badooŋ pataŋani, ve upaduduuŋ zi poi. Uvotia saveeŋ karom ve ŋgar saghati to tamtamon ivot ighazooŋ, ve avom iyaryaaŋ pazi leso tipuli. Ve upalot zi to titaghon Maaron ŋgar tooni. 1Tim 4:13; 2Tim 2:25; Tit 2:15

Mutu (Oov)

² Uvotia Maaron aliŋa pa tamtoghon irau sawa isob. Ighaze uneep ila sawa poia ve tamtoghon lolodi pa tilooŋ ghom, ma uneep ila sawa samia ve tiyasiil pa saveeŋ tiom, yom irau uyoon ariaŋa pa badooŋ pataŋani ve upatoot di kat pa Maaron aliŋa. Uvotia saveeŋ kaarom ve ŋgar samia to tamtoghon ivot ighazooŋ, ve avom iyaryaaŋ padi leso tipuli. Ve upalot di pa titaghon Maaron ŋgar toni. 1Tim 4:13; 2Tim 2:25; Tit 2:15

2 Timoti 4:2 Referans Kwoze

1 Tesalonika 5:14

Yam toŋvetaz, yei nighe nipalot gham pa ŋgar siriv. Yes tapirgomŋa tau tilepleep sorok na, yam asaav ariaaŋ pazi to tigham uraat. Ve yes tau matazi roiroi, ma lolozi ipataŋan, na apalot zi. Ve yes tau tapirizi imbool ve tirau uraat mako, na auul zi. Ve atotoi ŋgar marowa pa tamtamon tisov. Isaav ighe tamtamon eta igham saghatin gham, na ayai gham ve abaado mon. Ga 6:2+; Kol 3:12; 2Tes 3:11+

Titus 2:15

Saveeŋ tsiau isov tane, yo aat usavia pa tamtamon, ve avom iyaryaaŋ pazi, leso titaghoni. Yes tau tizorzoor saveeŋ na, uvotia sosor toozi ivot ighazooŋ ve uyaon zi, leso tighilaal ve tipuli. Ve tamtamon eta ivelegh ghom pa uraat tsio sov. Pasaa, yo ezam pa uraat tauvene. 2Tim 4:2

1 Timoti 4:13

Ta aazne ve ila, uwatwaat Maaron aliiŋa pa tamtamon, upaghazoŋai zi pani ve upalot zi to titaghoni, le irau nalat navot.

Saveeŋ Yoŋgaaŋ 3:19

‘Tamtamon tisov tau yau lolog pazi na, nayaonyaon zi, leso napaduduuŋ zi. Tauvene naghe utoor ŋgar tsio, ve uzuari ghom le ŋgar tsio iduduuŋ kat. 1Kor 11:32; Hib 12:5

Titus 1:13

Saveeŋ tane, ene onoon mon. Tauvene avom iyaryaaŋ pa zeran tana ve uvotia sosor toozi ivot ighazooŋ. Leso tighilaal, ve ghuruuŋ ila toozi iyaryaaŋ itaghon Maaron ŋgar tooni. 2Tim 4:2

2 Timoti 2:21

Ene raraate mon pa iit tamtamon. Isaav ighe tamtamon eta ipul ŋgar saghati ileple, ve igharaat tauu leso iŋgalaaŋ ila Maaron maata, i pale imin uur patabuyaaŋ tau poia pa ghamuuŋ uraat tintiina to Maaron. I aat irau iuul Tiina tooni, ve igham uraat popoia maata maata. 2Tim 3:17

Galesia 6:6

Isaav ighe tamtamon eta ipaghazoŋai gham pa Maaron aliiŋa, yam aat arei gabua tsiam popoia siriv pani paam. 1Kor 9:7,11,14

Rau Tau Paulus Iboode Pa Yes Roma Rom--Romans 12:12

Yam awatagh: Murei, Maaron pale igham mulin ghiit ve taleep poia. Matamim iŋgal gabua tane ve aghur matamim pani irau saawe. Leso igham gham lolomim poia. Ve ayooz ariaaŋ pa badooŋ pataŋani, ve asuŋ irau saawe. Apul suŋuuŋ sov. Ro 5:2, 15:13; Kol 4:2; 1Tes 5:16+; Yems 1:4

2 Timoti 3:10

O Timoti, yo upaak ghau kat, ve monmon ituru talaghlaagh. Tauvene saveeŋ tau napaduduuŋ tamtamon pani, laghooŋ tsiau, gabua tau nazuari ghau pani, ghuruuŋ ila tsiau, gabuag tau nayai taug ve nayooz ariaaŋ pa badooŋ pataŋani, ve ŋgar tsiau tau lolog pa tamtamon ve naghamgham poghani zi, ene yo uwatagh zi le isov. Ve pataŋani naol tau tamtamon tighurghur zi payau ne, ene paam yo uwatagh zi. Muuŋ, tigham saghatin ghau kat izi nugh Antiok, Ikonium, ve Listara. Eemon Maaron ipas ghau navot pa pataŋani naol isov tana. Mbo 34:19; Mbaŋ 13:50, 14:5,6,19; Pil 2:22

1 Timoti 5:20

Yes ŋginiiŋa tau tinoknok ghamuuŋ sosor na, uvotia sosor toozi ila eval tiina matazi, ve uyaon zi. Leso yes siriv tighita ve tiroi. Ep 5:11; Tit 1:13

Kolosi 1:25

Maaron inumeer ghau ve ighur uraat ila nimag to nauul lupuuŋ to Krisi. Ve i ighe napaghazoŋai gham pa saveeŋ tooni isov, leso awatagh katin ŋgar tooni. Ga 2:7; Ep 3:2,7+

Rau Tau Paulus Iboode Pa Yes Roma Rom--Romans 10:15

Ve isaav ighe timbaaŋ yes uraata tila mako, pale tivotia mos pa tamtamon mindai? Pasaa, Maaron aliiŋa tau tiboode na, isaav ighe: “Tamtamon tighita yes tau tilaghovai vaaru poia ilam na, le igham zi lolozi poia.” Is 52:7; Ep 6:15

Uraat To Yes Mbaŋooŋa 20:7

Saawe imin maata (o Sande) to wik tana, yeŋa zeetmaiŋa to nugh Troas nilup ghei pa ghanghaniiŋ ve suŋuuŋ iloŋ ila ruum ee loolo tau igheen saaŋa. Yes titun lam katini, ve yesŋa Paulus tivasavo zi pa Maaron aliiŋa ila le mboŋ anooŋa. Pasaa, Paulus ighe nughizau, mako ipul zi, ve ila.

Uraat To Yes Mbaŋooŋa 16:13

ra umbom patabuyaaŋ to Maaron ivot. Tauvene nipul nugh tiina, ve nivot nila yaa tau igheen ila nugh ziige. Pasaa, yei nigham ŋgar nighe yes Yuda aat tiluplup zi pa suŋuuŋ izi ta sewe. Le onoon. Nila peria, ve nighita zilivaa siriv tilup zi ta sewe. Ra mbolemai izi, ve yeŋa nivasavo ghei pa Maaron aliiŋa.

Lukas 9:60

Yesu iyol aliiŋa ighe: “Mako. Yes tau lezi ghilalooŋ pa Maaron mako ve titaghon eez to mateegh na, yes irau titavia mateegha. Eemon yo aat ula uvotia pooz to Maaron pa tamtamon.”

Lukas 7:4

Tauvene tila tivot to Yesu, ve titaŋ raraini tighe: “Aa tiina tsiei, nighe yo uul ŋeer tawe, o poi. Pasaa, i ŋeer poia ee.

1 Tesalonika 5:20

Ve Maaron aliiŋa tau propet tooni tisavia payam na, aveleghi, ma aghita imin saveeŋ sorok sov.

Lukas 7:23

Ve tamtamon tau ighe ighita uraat tsiau, ve irere ghau mako, ene pale tintini pa poia to Maaron tau pale izaa tooni.” Is 29:18+, 35:5+, 61:1; Lu 4:18

2 Timoti 2:25

Ve ighe tamtamon siriv tizoor aliiŋa, i aat ipaduduuŋ zi toman saveeŋ luuma. Pa ighe igham tauvene, ene pale imin eez to Maaron igham zi titoor ŋgar toozi, ve ŋgar toozi ivot gha tighazooŋ pa saveeŋ onoon. Ga 6:1; 2Tim 4:2

Hibru 13:22

Yam toŋvetaz, yau nabood saveeŋ tuuku ila rau tane to napalot gham. Ve naghason gham naghe aghur taliŋamim pani poi. Ambuzir sov.

Uraat To Yes Mbaŋooŋa 28:16

Yei nilaagh nila le nivot nugh tiina Rom, ve tiyok pa Paulus to zigani ileep ila ruum ee, tomania zaaba ee to iŋgini. Mbaŋ 24:23, 27:3

Uraat To Yes Mbaŋooŋa 13:5

Tilooŋ nugh Salamis, ve tivovotia Maaron aliiŋa pa yes Yuda ila rumei toozi. Yoan Markus ila tomani zi paam to iuul zi.

Kolosi 4:3

Ve aghur ghei ila suŋuuŋ tsiam paam. Aghason Maaron to igharaat eez payei. Leso nivotia saveeŋ to Krisi pa tamtamon, ve nipaghazoŋai zi pa Maaron ŋgar tooni tau muuŋ iyooŋ, ve aazne ivot ighazooŋ. Yau, tighur ghau iloŋ ila ruum to yavyavuuŋ pasaa, navovotia saveeŋ tane pa tamtamon. Ro 15:30; Ep 3:1+, 6:19+; Kol 1:26+

1 Tesalonika 1:6

Onoon, saawe tau yam alooŋ saveeŋ tsiei ve aghur ila, tamtamon tigham pataŋani tiina payam. Eemon Avuvu Patabuyaaŋ igham gham lolomim poia le poia kat. Ve yam ataghon katin ŋgar tsiei, ve ŋgar to Tiina toit Krisi paam.