2 Timoti 3:7 - Maaron Saveeŋ Tooni Patabuyaaŋ Tuam

⁷ Yes zilivaa tauvene, lolozi tighe le tiloŋlooŋ saveeŋ tau tamtamon tipaduduuŋ zi pani. Eemon ŋgar toozi irau ivot kat pa saveeŋ onoon to Maaron ne mako. Tit 1:11

Mutu (Oov)

⁷ Yes ndiliva tovene, lolodi tighaze le tiloŋlooŋ saveeŋ to tamtoghon tipatoot di pani. Eemoghon ŋgar todi irau ivot kat pa saveeŋ onoon to Maaron ne maau. Tit 1:11

2 Timoti 3:7 Referans Kwoze

Epesus 4:14

Tauvene iit tataghon ŋgar imin yes geegeu muul sov. Pa geegeu tikis Maaron aliiŋa tuŋia mako. Yes timin waaŋ tau yaghur ve dibom ivatokini ilala ilamlam. Isaav ighe zeran tau tirau kat pa ghamuuŋ karom na, tilam ve tiwat zi, ene pale rekia mon ve tighur ila karom toozi, ve tipul eez to Maaron. 1Kor 14:20; Yems 1:6

1 Timoti 2:4

Pasaa, i ighe igham mulin tamtamon tisov, ve igham zi tiwatagh katin saveeŋ onoon. Yo 3:16+; 1Tim 4:10

Hibru 5:11

Lemai saveeŋ naol tau nighe nasavia pa Yesu ve uraat tooni. Eemon isaav ighe nila saveeŋ tane loolo, ene pale ipataŋan payam. Pasaa, saveeŋ tau yam aloŋlooŋa na, ŋgar tsiam ivot pani rekrekia mako.

2 Timoti 2:25

Ve ighe tamtamon siriv tizoor aliiŋa, i aat ipaduduuŋ zi toman saveeŋ luuma. Pa ighe igham tauvene, ene pale imin eez to Maaron igham zi titoor ŋgar toozi, ve ŋgar toozi ivot gha tighazooŋ pa saveeŋ onoon. Ga 6:1; 2Tim 4:2

Yoan 5:44

Pale irau aghur ila to Maaron mindai? Mako. Pasaa, monmon yam azuzuari gham aghe le zeetmimŋa tipait gham. Eemon paitooŋ tauu tau ilam pa Maaron na, yam azuari gham pani mako. Mt 23:5+; Yo 12:43; Ro 2:29

Matayu 13:11

Yesu iyol aliŋazi ighe: “Pooz to nugh sambam, ene ŋgara yoŋgaaŋa. Eemon yam, Maaron igham poghani gham, ve ipaghazoŋai ŋgar tana payam. Ve tamtamon siriv, i igham tauvene pazi mako. 1Yo 2:27