2 Timoti 3:16 - Maaron Saveeŋ Tooni Patabuyaaŋ Tuam

¹⁶ Maaron aliiŋa isov tau tiboode na, ene Maaron Avuvu ipaburigin tamtamon, tauta tiboode. Saveeŋ tooni, ene iuluul ghiit to tapaduduuŋ tamtamon ve tapaghazoŋai zi pa Maaron ŋgar tooni. Leso tiwatagh saveeŋ onoon, ve tighilaal sosor toozi ve tipuli, ve titaghon ŋgar duduuŋa mon. Ro 15:4; 2Pe 1:20+

Mutu (Oov)

¹⁶ Maaron aliŋa isob to timbooda, nene Maaron Avuvu ipamundigin tamtoghon, tauto timbooda. Saveeŋ toni iuluul ghiit pa tapasaluŋgan tamtoghon ve tapatoot di pa Maaron ŋgar toni. Leso tiwatag saveeŋ onoon, ve tighilaal sosor todi ve tipuli, ve titaghon ŋgar deŋia moghon. Ro 15:4; 2Pe 1:20+

2 Timoti 3:16 Referans Kwoze

Rau Tau Paulus Iboode Pa Yes Roma Rom--Romans 15:4

Maaron aliiŋa isov tau muuŋ tiboode na, ene igheen to ipaduduuŋ ghiit, ve ipalot ghiit. Leso loloon ruru sov, ve tayooz ariaaŋ pa badooŋ pataŋani, ve taghur mataan pa saawe to Maaron igham mulin ghiit. Ro 4:23+; 1Kor 10:11; 2Tim 3:16+

Hibru 4:12

Maaron aliiŋa, ene saveeŋ maata yaryaare, ve ighamgham uraat toman tapiri tiina. Ve saveeŋ tooni, ene maata kat. Iliiv mbuzaagh tau maata ru na. Tauta iŋgalŋgal katin loloon, ve ipaghazoŋai ŋgar isov tau igheen ila loloon ne gha ivot ighazooŋ. Leso taghilaal ŋgar sindei ta ivot ila to Maaron Avuvu, ve ŋgar sindei ta ivot ila tauun ŋgar toit mon. Ep 6:17; Syg 1:16

Markus 12:24

Yesu iyol aliŋazi ighe: “Oyai, yam tane awatagh Maaron tapiri ve saveeŋ tooni rigta mako. Tauta ŋgar tsiam ikau.

2 Timoti 4:2

Uvotia Maaron aliiŋa pa tamtamon irau saawe. Isaav ighe uleep ila saawe poia ve tamtamon lolozi pa loŋaaŋ ghom, ma uleep ila saawe saghati ve timbuzir pa saveeŋ tsio, na yo aat uyooz ariaaŋ pa badooŋ pataŋani, ve upaduduuŋ zi poi. Uvotia saveeŋ karom ve ŋgar saghati to tamtamon ivot ighazooŋ, ve avom iyaryaaŋ pazi leso tipuli. Ve upalot zi to titaghon Maaron ŋgar tooni. 1Tim 4:13; 2Tim 2:25; Tit 2:15

2 Timoti 2:25

Ve ighe tamtamon siriv tizoor aliiŋa, i aat ipaduduuŋ zi toman saveeŋ luuma. Pa ighe igham tauvene, ene pale imin eez to Maaron igham zi titoor ŋgar toozi, ve ŋgar toozi ivot gha tighazooŋ pa saveeŋ onoon. Ga 6:1; 2Tim 4:2

Uraat To Yes Mbaŋooŋa 20:20

Ve yam awatagh: Saveeŋ isov tau irau iuul gham, tauta nasavia payam le isov. Yau naroi mako, ve naŋgooz saveeŋ eta payam mako. Yau nasavsaav ghazooŋa payam ila eval tiina matazi, ve ilala ruum tsiam tsiam paam. Mbo 40:10

Yoan 3:20

Tamtamon tisov tau tighamgham ŋgar saghati na, tighurghur koi pa ghazooŋa to Maaron, ve tileep soghan pani. Pasaa, tiroi tighe: Ghazooŋa tooni pale itotoi sosor toozi ivot ighazooŋ.

Matayu 13:52

Yesu isaav pazi muul ighe: “Tauvene yes ŋgara to tutuuŋ tau tighazooŋ pa pooz to nugh sambam ve titaghoni, ene yes tisov timin ruum tauu ta ipaspas kuaz paghpaaghu ve muŋganazi pa katkaat tooni.”

Uraat To Yes Mbaŋooŋa 18:25

I, tipaghazoŋaini pa eez to Tiina toit Yesu wa. Ve loolo ipazaagha pa votiaaŋ Maaron aliiŋa. Saawe tau ipaghazoŋai tamtamon pa Maaron aliiŋa, saveeŋ tooni isapir mako. Iduduuŋ mon. I iloŋloŋ ila yes Yuda rumei toozi, ve iyooz ariaaŋ pa votiaaŋ Yesu vaaru. Iroi mako. Eemon eez tau Yoan itaghoni pa ghamuuŋ yaa, tane mon ta i iwataghi. Eez ite paam mako. Tauvene saawe tau Prisila gha Akwila tilooŋa, tighamu tila ruum toozi, ve tipaghazoŋaini pa eez to Maaron, leso ighazooŋ pani kat.

Galesia 3:8

Maaron iwataghi wa: Murei, nugh nugh tau Yuda mako na, pale tighur ila vaaru poia, ve ghuruuŋ ila toozi tana igham zi tiduduuŋ ila i maata. Pasaa, Maaron aliiŋa tau tiboode na isaav tauvene: Muuŋ kat, Maaron ivotia vaaru poia pa Abaram ighe: “Yo pale umin eez pa nughmariŋ to taan, leso poia tsiau izaa toozi.” Gnp 12:3, 18:18, 22:18

Hibru 3:7

Tauvene alooŋ saveeŋ tau Avuvu Patabuyaaŋ ivotia pait. Ighe: “Aazne, isaav ighe yam alooŋ Maaron aliiŋa, na apoon lolomim pani sov. Ve atoov Maaron ve azoor aliiŋa imin muuŋ timbumimŋa tighamu izi nugh ŋginaaŋa na sov.

1 Korin 12:7

Maaron Avuvu ileep tomania iit tasov, ve ireirei tauu tapiri tomania uraat ve ŋgar maata maata irau ghiit, leso tapalot lupuuŋ to Krisi pani. 1Kor 14:26; 1Pe 4:10+

Uraat To Yes Mbaŋooŋa 20:27

Pasaa, yau naroron payam mako, ve naŋgooz saveeŋ eta payam mako. Ŋgar isov tau Maaron ighe yam ataghoni, tauta nasavia payam le isov.

Matayu 26:56

Poia. Akis ghau lak. Gabua isov tau ivot ne, ene itaghon Maaron aliiŋa tau yes propet tivotia ve tiboode pataghaaŋ na. Leso saveeŋ tawe ighur anooŋa.” Yesu isavia saveeŋ tane, ve mbiwa tooni tisov tipuli, ve tighawaar. Mbo 88:8; Mt 26:31

Uraat To Yes Mbaŋooŋa 1:16

“Yam toŋvetaz, muuŋ, Avuvu Patabuyaaŋ ipaburigin kinik David gha ivotia Maaron aliiŋa tau iŋarui gabua tau ivot pa Yudas na. Saveeŋa igheen ila Maaron aliiŋa tau tiboode na, ve aazne anooŋa ivot wa. Pasaa, Maaron aliiŋa isov aat ighur anooŋa ivot itaghon i tauu ŋgar tooni. Yam awatagh: Yesu igham Yudas imin mbiwa tooni, ve itiŋa taluplup ghiit ve tabesbees pa uraat to Maaron. Eemon murei, Yudas ilaagh tomania Yesu koiŋa, ve itotoia pazi, tauta tikisi. Mbo 41:9

Matayu 21:42

Ra Yesu isaav pazi muul ighe: “Maaron aliiŋa ziiri ee tau tiboode na, yam awaato rigta, ma mako? Saveeŋ tawe isaav ighe: ‘Maet tau yes to raoŋ ruum matazi veleghini ve tisiki ilale, tauta imin puughu pa ruum iyooz ve ipaloti. Leso ruum iyooz ariaaŋ izala paavo. Maaron tauu igham ŋgar tane ivot. Ve yei nighita imin gabua ŋgereeta ee ila matamai.’ ” Mbo 118:22+; Mbaŋ 4:11

Rau Tau Paulus Iboode Pa Yes Roma Rom--Romans 4:23

Saveeŋ ziiri tane, tiboode pa Abaram mon mako. Ene iŋarui ghiit paam. Pa ighe iit taghur ila to Maaron tau ipaburigin Tiina toit Yesu pa mateegh, ene i aat ighit ghiit ighe iit paam taduduuŋ ila i maata. Ro 10:9, 15:4

Hibru 11:1

Ŋgar to ghuruuŋ ila, ene vene: Gabua popoia tau taghurghur mataan pani na, loloon ruru pani mako, ve ŋgar toit iyaryaaŋ taghe onoon, gabua tawe pale tivot. Ve gabua tau aazne taghit zi pa mataan mako na, ŋgar toit iyaryaaŋ taghe onoon, gabua tawe tighengheen. Ro 8:24+; 2Kor 4:18, 5:7

Rau Tau Paulus Iboode Pa Yes Roma Rom--Romans 3:2

Aghita. Maaron iuul yes Yuda ila eez maata maata. Gabua tiina kat tau i igham pazi, ene i ighur saveeŋ tooni ila nimazi to tiŋgini. Mbo 147:19+; Mbaŋ 7:38; Ro 9:4

Uraat To Yes Mbaŋooŋa 28:25

Tauvene tiparzoor pa savsaveeŋ ila le mako, ve tighe tighawaar. Eemon Paulus isik aliiŋa rig pazi ighe: “Saveeŋ ziiri ee tau Avuvu Patabuyaaŋ ivotia pa timbuunŋa ila propet Isaia aavo na, ene iduduuŋ kat pa ŋgar tsiam. Pasaa, i isaav ighe:

Markus 12:36

Pa muuŋ, Avuvu Patabuyaaŋ ipaburigin David, ve isaav tauvene: ‘Maaron isaav pa Tiina tsiau ighe: “Ulam mbolem izi ila pa nimag tapir, le irau natatan koiamŋa ve tapirizi isov kat, ve uvaghaaz zi ila aghem saamba.” ’ Mbo 110:1; Mbaŋ 2:34+; 1Kor 15:25; Hib 1:13

Matayu 26:54

Eemon isaav ighe yau nagham tauvene, pale Maaron aliiŋa tau tiboode pataghaaŋ na ighur anooŋa mindai?”

Matayu 22:43

Tauvene Yesu ighason zi muul: “Ighe tauvene, puughu mindai ta Maaron Avuvu ipaburigin David, ve i iwaat Mesia ighe ‘Tiina tooni’? Mbaŋ 2:30+