2 Timoti 2:1 - Maaron Saveeŋ Tooni Patabuyaaŋ Tuam

¹ Tauvene natug Timoti, matam iŋgal poia to Maaron tau taghamu ila to Yesu Krisi na. Leso ipalot ghom ve uyooz ariaaŋ.

Mutu (Oov)

¹ Tovenen natug Timoti, matam iŋgal poia to Maaron to taghami ila to Yesu Krisi. Leso ipalot ghom ve uyoon ariaŋa.

2 Timoti 2:1 Referans Kwoze

Epesus 6:10

Yau naghe naparwai saveeŋ tsiau tane, ve isov. Yam aat agham tapirimim ila to Tiina toit. Pasaa, i saksaki, ve tapiri tiina kat. 1Kor 16:13; 2Tim 2:1

2 Timoti 1:7

Yo uwatagh: Avuvu tau Maaron igham pait na, ene irau igham ghiit taroi mako. I ipapalot ghiit. Leso taŋgin tauun poi, tayooz ariaaŋ, ve loloon pa tamtamon ve tagham poghani zi. Ro 8:15

Pilipai 4:13

Pasaa, yau napaak Krisi ve naleep tuŋia ila tooni, ve i ipapalot ghau. Tauvene saa gabua tau ighe ivot payau, ene gabua eta mako. Yau narao. 2Kor 12:9+; Ep 3:16; Kol 1:11

1 Korin 16:13

Matamim imomoos poi, ve ayooz ariaaŋ pa ghuruuŋ ila tsiam. Aroi sov. Apariaaŋ taumim, ve ayooz tuŋia. Mbo 31:24; Ep 6:10

2 Petrus 3:18

Yesu Krisi, i Tiina ve Uleeŋa toit. Azuari gham le awatagh katini, ve aleep tuŋia ila poia tooni. 2Pe 1:2 I eeza tiina pa tapiri ve poia tooni. Tauvene iit tapaiti ta aazne, ve taghon taghon le indeeŋ taan saawe. Onoon.

1 Timoti 1:18

Tauvene natug Timoti, avom iyaryaaŋ pa zeran karomŋa tana. Yau matag iŋgal: Muuŋ, Maaron Avuvu ipaburigin tamtamon siriv ve tivotia gabua siriv tau murei pale ivot payo. Uraat tau naghuru payo ne, ene iduduuŋ pa saveeŋ toozi tawe. Tauvene matam kisin saveeŋ toozi. Leso ipalot ghom, ve uparav ariaaŋ pa saveeŋ onoon, ve utatan saveeŋ to zeran karomŋa tana.

1 Timoti 1:2

Timoti, nabood rau tane ilat payo pasaa, ghuruuŋ ila toit ilup ghiit tamin eemon, ve naghit ghom utaghon duduŋai ŋgar tsiau imin taug natug. Mbaŋ 16:1+; Tit 1:4 Poia to Tamaan Maaron yesuru Tiina toit Yesu Krisi izaa tsio, ve lolozi isaghatin ghom, ve tiŋgin ghom uleep poia toman lolom luuma. Onoon.

2 Timoti 1:2

O natug Timoti, yau lolog igheen tsio kat, tauta nabood rau tane ilat payo. Mbaŋ 16:1+; 1Tim 1:2 Poia to Tamaan Maaron ve Tiina toit Yesu Krisi izaa tsio, ve lolozi isaghatin ghom ve tiuul ghom, ve tiŋgin ghom uleep poia toman lolom luuma. Onoon.

2 Timoti 1:1

Yau Paulus. Maaron itaghon tauu loolo ve ighur ghau namin mbaŋooŋa to Yesu Krisi. Leso navotia saveeŋ mbuaaŋ tooni pa tamtamon ve napaghazoŋai zi pa lepoogh poia tau i ighe igham pazi. Lepoogh tawe, yes tau tipaak Yesu Krisi ve tileep ila tooni, ta pale tighamu.

2 Timoti 2:10

Tauta nayooz ariaaŋ, ve nabaad pataŋani isov tau igham ghau ne. Pasaa, yau naghe nauul yes tau Maaron isiigh zi timin i le na. Leso tipaak Yesu Krisi ve tileep ila tooni, ve igham mulin zi gha tileep tomania Maaron ila mbonari loolo taghon taghon gha ila. Kol 1:24

2 Timoti 4:17

Onoon, yau zigau. Eemon Maaron ileep tomani ghau ve ipalot ghau. Tauta navotia katin vaaru poia pa yes tau Yuda mako na, gha tisov tilooŋa. Saawe tana, naghe pale namaat. Eemon mako. Maaron iuul ghau, ve ipas ghau navot ila laion aavo.