2 Timoti 1:18 - Maaron Saveeŋ Tooni Patabuyaaŋ Tuam

¹⁸ Ve yo uwatagh: Muuŋ, i iuul ghau kat izi nugh Epesus. Tauta naghe Mboŋ Murei, Maaron pale loolo isaghatini ve igham mulini.

Mutu (Oov)

¹⁸ Ve yom uwatag: Muuŋ, ye iuul ghou kat izi ndug Epesus. Tauto naghaze Mboŋ Muri, Maaron pale lolo isamini ve igham mulini.

2 Timoti 1:18 Referans Kwoze

Hibru 6:10

Pasaa, i itataghon ŋgar duduuŋa mon. Irau igham ŋgar saghati eta mako. Tauvene i irau loolo iveegh pa uraat tsiam popoia ve uleeŋ tau yam aghamgham pa tamtamon tooni ne mako. Aazne paam, yam auluul zi. Ŋgar tana itotoi ighe lolomim igheen tooni kat. Mt 10:40+, 25:40; 1Kor 15:58

2 Timoti 1:12

Puughu tane ta aazne nabadbaad pataŋani naol. Eemon naroi mako, ve mayag mako. Pasaa, yau nawatagh Ŋeer tau naghur ila tooni ne, tauta naghur ila kat naghe: Vaaru poia tau i ighuru ila nimag na, i tauu pale iŋgin poghania le irau saawe to imuul ilam. Ep 3:1+; 1Pe 4:19

2 Timoti 1:16

Eemon Onesiporus tomania yes tau tilepleep tomania ila ruum tooni na, Maaron aat loolo isaghatin zi ve iuul zi. Onoon, aazne yau nalepleep ila ruum to yavyavuuŋ loolo, ve tikau nimag ve agheg pa sen. Eemon Onesiporus iroi mako, ve maaya payau mako. Saawe tau ilam Rom, i iliil ghau lee ilam ivot tsiau. Ve saawe naol, ilam igigig ghau, ve ipapalot ghau, ve iuluul ghau. Mt 25:36; 2Tim 4:16; Hib 13:3

1 Timoti 1:3

Saawe tau naghe napul ghom ve nala pa taan sirivu to Masedonia, avog iyaryaaŋ payo naghe uleep izi nugh Epesus, ve usaav ariaaŋ pa yes zeran karomŋa siriv, leso tikau ŋgar to tamtamon muul sov. Saveeŋ to zeran tana, ene raraate pa saveeŋ to Krisi tau iit tapaduduuŋ tamtamon pani ne mako. Ve aazne, nayol mulin aliŋag, leso matam iŋgal uraat tsio tana, ve ugham uratoini. 1Tim 6:3+

Saveeŋ Yoŋgaaŋ 2:1

Ŋeer tawe isaav payau muul ighe: “Aŋela tau iŋgin lupuuŋ tsiau tau tileep izi nugh Epesus na, ubood saveeŋ ila pani tauvene: ‘Ŋeer tau ikis pitum liim ve ru ila niima tapir, ve ilaghlaagh ila lam aia milmilia liim ve ru sosozi na, aliiŋa ilat payo ighe:

1 Petrus 1:10

Uraat tau Krisi ighamu to igham mulin gham, tomania poia to Maaron tau aazne izazaa tsiam, yes propet tau tivotia Maaron aliiŋa na tisavia muuŋ wa. Eemon tighazooŋ pa saveeŋ toozi tawe puughu mako. Tauta tiil saveeŋ tana ŋgara, ve tizuari zi tighe le tiwatagh katin puughu: Pale ŋeez o Maaron igham mulin tamtamon tooni? Ve uraat tawe pale ivot mindai? Pasaa, Krisi Avuvu tau ilepleep ila lolozi na, ipaghazoŋai zi pa gabua siriv ighe: Krisi aat ibaad pataŋani naol itaghon Maaron ŋgar tooni. Le isov, o eeza tiina ivot ighazooŋ, ve ileep toman mbonari tiina izi nugh sambam. Mbo 22; Is 53; Mt 13:17+; Lu 24:26+

2 Timoti 4:12

Tikikus, yau nambaaŋo ilat pa nugh Epesus wa.

1 Tesalonika 2:19

Aghita. Saawe tau Tiina toit Yesu Krisi imuul ilam, yei pale nighur matamai pa saa gabua? Ve saa ta pale nipakur ghei pani, ve igham ghei tintinmai ila i naagho? Ve saa ta pale imin puughu, leso i igham lemai atuya poia? Ene yam! Pasaa, uraat tsiei anooŋa, ene yam tau! Pil 2:16, 4:1

Epesus 2:4

Saawe tana, iit taleep imin yes mateegha. Leen ŋgar pa Maaron mako, ve irau tagham ŋgar poia eta mako. Saawe isov, tamamalaaŋ pa Maaron tutuuŋ tooni. Eemon Maaron, i poia puughu, ve loolo isaghatin ghiit. Ve loolo igheen toit kat ve ighe igham poghani ghiit. Tauta igham mulin ghiit itaghon tauu loolo ve poia tooni, ve ipaburigin ghiit tomania Krisi gha tagham lepoogh paaghu ila tooni. Yo 3:16; Kol 2:12+; Tit 3:4+

2 Korin 9:1

Aiyo, yam tau aleep izi taan sirivu to Akaia na, irau nabood saveeŋ malaua payam mako. Pasaa, yau nawatagh: Ŋgar tsiam iyaryaaŋ aghe auul Maaron tamtamon tooni tau mbolaaŋ igham zi na. Ene imin besooŋ tsiam ila pa Maaron. Monmon, yau napapait varumim pa zetaanŋa to Masedonia. Pasaa, ndaman tau ila wa, yam agoog maet ve aghuru gha isaŋan. Ŋgar tsiam iyaryaaŋ kat aghe agham uraat to uleeŋ tane, tauta ipaburigin eval tiina to Masedonia paam.

1 Korin 16:8

Eemon irau nala Masedonia rekia mako. Pale naleep izi nugh Epesus le irau lupuuŋ tiina to Pentekos ivot, o nala.

Uraat To Yes Mbaŋooŋa 19:1

Saawe tau Apolos ilepleep izi nugh Korin, Paulus ilaghlaagh irau nugh nugh tau tigheen taghon loloz. Le isov, ra indari izila pa nugh Epesus. Ilepleep ta sewe, ve indeeŋ Yesu ziŋeera siriv.

Lukas 8:3

Ve Yoana tau azaawa Kuza iŋgin uraat siriv to Erod na, ve Susana, tomania zilivaa siriv paam. Yes tiuluul Yesu tomania mbiwa tooni pa lezi aniiŋ ve gabua siriv paam. Mt 27:55

Lukas 1:78

Pasaa, Maaron toit, i loolo igheen toit ve loolo isaghatin ghiit kat. Tauvene ghazooŋa to sambam pale izilam pait imin aaz isinaar izaa pa mboŋoozo.

Lukas 1:72

Muuŋ, Maaron imbu saveeŋ tomania timbuun Abaram, ve ipariaaŋa le iyaryaaŋ kat. Ighe: Yesuru pale tivalupu zi timin eemon. Ve i pale loolo isaghatin Abaram tomania paaghu tooni, ve iuul zi pa pataŋani toozi taghon taghon gha ila. Tauta maata iŋgal saveeŋ mbuaaŋ tooni patabuyaaŋ tawe, Gnp 17:1+, 22:16+

Uraat To Yes Mbaŋooŋa 18:19

Tiraav tila le tilooŋ nugh Epesus, ra Paulus ipul yesuru tizi tileep ta sewe. I malmali iloŋ ila yes Yuda rumei toozi, ve yesŋa Yuda tivasavo zi pa Maaron aliiŋa. Yes Yuda tiŋguruuta tighe i ileep tomani zi rig. Eemon i ipasul. Tauvene itak nimazi, ve isaav pazi tauvene: “Isaav ighe Maaron loolo ighe namuul, ene aat namuul nalam.” Isaav pazi tauvene, ra ila izaa waaŋ gha tipul Epesus ve tivot, ve tiraav tila pa Sisarea. Yems 4:15

1 Korin 1:8

Maaron tauu pale ipalot gham, ve igham gham ayooz ariaaŋ le azaa pa saawe tau i ighuru payam na. Leso saawe tau Tiina toit Yesu Krisi imuul ilam, i aat ighit gham ighe lemim sosor eta mako.

1 Korin 3:13

Tala tala le ighe tazaa pa saawe to gabizooŋ ivot, mako yes tau tirau ruum na, uraat toozi anooŋa ivot ighazooŋ. Gabizooŋ tawe ŋgara, ene imin tamtamon tighur gabua ila yav, leso titoova ve tighita: Ene gabua ariaaŋa, ma gabua sorok? Ighe tirau ruum pa malimooŋ ariaaŋa, ene pale yav tawe irau ighani mako. Eemon ighe tirau ruum pa malimooŋ tau ariaaŋa mako, ene pale yav ighan uraat toozi gha ilale. 1Kor 4:5

2 Timoti 4:8

Tauvene atuya poia to yes tau tiparav ariaaŋ gha tiliiv na, tauta isasaŋan ghau. Atuya tawe, ene vene: Saawe to Mboŋ Murei, Tiina toit tau gabizooŋ tooni duduuŋa na, pale ighit ghau ighe yau ŋeer duduŋag. Ve yau mon mako. Tamtamon tisov tau lolozi pani, ve tighe le tighita muleeŋ tooni, ene i pale igham ŋgar raraate mon pazi. Yems 1:12; 1Pe 5:4; Syg 2:10