2 Korin 9:1 - Maaron Saveeŋ Tooni Patabuyaaŋ Tuam

^1-2 Aiyo, yam tau aleep izi taan sirivu to Akaia na, irau nabood saveeŋ malaua payam mako. Pasaa, yau nawatagh: Ŋgar tsiam iyaryaaŋ aghe auul Maaron tamtamon tooni tau mbolaaŋ igham zi na. Ene imin besooŋ tsiam ila pa Maaron. Monmon, yau napapait varumim pa zetaanŋa to Masedonia. Pasaa, ndaman tau ila wa, yam agoog maet ve aghuru gha isaŋan. Ŋgar tsiam iyaryaaŋ kat aghe agham uraat to uleeŋ tane, tauta ipaburigin eval tiina to Masedonia paam.

Mutu (Oov)

^1-2 Yo, yam to aneep izi taan suruvu to Akaia, irau nambood saveeŋ mala payam maau. Pasa, you nawatag: Ŋgar tiam iyaryaaŋ aghaze auul Maaron tamtoghon toni to mbolaaŋ igham di. Nene inim mbesooŋ tiam ila pa Maaron. Moghon moghon, you napapait varumim pa nditaad to Masedonia. Pasa, ndaman to ila wa, yam aŋgoog yaam ve aghuri isaŋan. Ŋgar tiam iyaryaaŋ kat aghaze agham uraat to ulaaŋ tonene, tauto ipamundigin ival tiina to Masedonia paam.

2 Korin 9:1 Referans Kwoze

Galesia 6:10

Tauvene isaav ighe iit irau tauul tamtamon eta, na tauule. Tagham poghania tamtamon tisov. Ve yes tau tighur ila to Krisi na, iit aat tagham poghani zi kat. Pasaa, yes timin toŋvetaz toit. Ep 2:19; 1Tes 5:15; 1Tim 6:18; 2Pe 1:7

1 Tesalonika 5:1

Yam toŋvetaz, saawe duduuŋ to Tiina toit imuul ilam, ene irau nibood saveeŋa eta payam mako.

Galesia 2:10

Gabua eemon tau tisaav payei tighe nighamu, ene vene: Yei aat matamai iŋgal tamtamon toozi tau mbolaaŋ igham zi na, ve niyambaar lezi uleeŋ siriv. Yau nalooŋ saveeŋ toozi tawe, ve nayok pani mon. Pasaa, muuŋ ve ilam, ŋgar tsiau iyaryaaŋ naghe nagham tauvene. Mbaŋ 11:29+; Ro 15:25; 2Kor 8:1+

1 Yoan 2:27

Eemon yam, Krisi igham tauu Avuvu payam, ve Avuvu tana ilepleep tomani gham irau saawe. Tauvene yes tau tizoornugh tighe tipaghazoŋai gham pa Maaron aliiŋa na, lezi uraat eta payam mako. Pasaa, Maaron Avuvu tauu ipaghazoŋai gham pa gabua naol isov. Ve ŋgar tau i ipaghazoŋai gham pani na, ene karom mako. Ene onoon mon. Tauvene yam aat ataghon ŋgar tana, leso aleep tuŋia ila to Krisi irau saawe. Yo 14:26, 16:13+; Hib 8:10+

Rau Tau Paulus Iboode Pa Yes Roma Rom--Romans 11:28

Aazne, yes Israela tau tighur ila vaaru poia mako na, koi isap yesŋa Maaron sosozi. Ve ene imin eez to poia to Maaron izaa to nugh nugh tau Yuda mako na. Eemon Maaron loolo ighengheen to yes Israela soone. Pasaa, timbuzŋa Abaram, Isak, ve Yakop, ta ndamozi pazi. Ve gabua ite paam, i tauu isiigh zi timin i le wa. Lo 7:8, 10:15; Ro 9:5

Matayu 22:31

Aiyo, yau naghe naghason gham pa burigiiŋ to yes mateegha. Mindai, Maaron aliiŋa ziiri ee isaav payam ighe: ‘Yau Maaron to Abaram, Maaron to Isak, ve Maaron to Yakop.’ Igham 3:6 “Yam awaat saveeŋ tawe, ma mako? Maaron, i Maaron to yes mateegha mako. I Maaron to yes tau tileep matazi yaryaare.” Mbaŋ 7:32; Hib 11:16

Uraat To Yes Mbaŋooŋa 24:17

“Yau nala naleep irau nugh nugh ndaman siriv wa. Tauta namuul nalam taug nugh tsiau, leso naghita tamtamon tsiau ve naghur uleeŋ siriv pa yes mbolaaŋa. Ve naghe nagham watooŋrau siriv pa Maaron paam. Ro 15:25+; 2Kor 8:1+; Ga 2:10

Rau Tau Paulus Iboode Pa Yes Roma Rom--Romans 12:13

Isaav ighe mbolaaŋ igham Maaron tamtamon tooni, na auul zi. Ve isaav ighe loomba tilat, na agham zi toman lolomim poia, ve aŋgin poghani zi. 2Kor 8:7; Hib 13:2; 1Pe 4:9