2 Korin 8:5 - Maaron Saveeŋ Tooni Patabuyaaŋ Tuam

⁵ Yei nighe pa tigham ŋgar tane mon. Eemon mako. Imin maata, yes tighur tauzi toman lolozi isov ila pa Tiina toit, ve tighur tauzi payei paam, itaghon Maaron loolo.

Mutu (Oov)

⁵ Yei nighaze pa tigham ŋgar tonenen moghon. Eemoghon maau. Yes tighur taudi toman lolodi isob ila pa Tiina toit muuŋ, ve tighur taudi payei paam, titaghon Maaron lolo.

2 Korin 8:5 Referans Kwoze

Rau Tau Paulus Iboode Pa Yes Roma Rom--Romans 12:1

Tauvene yam toŋvetaz, aghita. Maaron loolo isaghatin ghiit ve igham mulin ghiit wa. Puughu tane ta naghe napariaaŋ gham to aghur anoŋamim ila pa Maaron imin watooŋrau maata yaryaare. Watooŋrau tauvene, ene patabuyaaŋ ila i maata, ve ighamu loolo poia kat. Ighe tabees pa Maaron itaghon eez tauvene, ene iduduuŋ. Yo 4:24; Ro 6:13; 1Pe 2:5

2 Korin 8:1

Yam toŋvetaz, yei nighe yam awatagh: Poia to Maaron ipaburigin lupuuŋ to Krisi tau tileep izi taan sirivu to Masedonia le tigham ŋgar poia kat. Ro 15:26+

Rau Tau Paulus Iboode Pa Yes Roma Rom--Romans 6:13

Aŋgin poghania anoŋamim siriv siriv, imin matamim, avomim, nimamim ma vene. Apul zi timin besooŋa pa ŋgar saghati muul sov. Muuŋ, yam aleep imin yes mateegha. Ve aazne, Maaron ipaburigin gham gha agham lepoogh paaghu ila tooni wa. Tauvene aghur taumim amin i le kat. Ve aghur anoŋamim siriv siriv tana tisov timin i le paam, leso timin besooŋa pa ŋgar duduuŋa. Ro 12:1; 2Kor 5:14+; Kol 3:5

2 Korin 4:5

Saawe tau nivotia mos, yei nisavsaav pa taumai mako. Nisavsaav pa tamtamon nighe: “Yesu Krisi, i Tiina toit. Ve yei besooŋa tsiam. I tauu imbaaŋ ghei nilam to niuul gham.” Mbaŋ 2:36; 2Kor 1:24

1 Korin 1:1

Yau Paulus. Maaron ipoi ghau namin le, ve ighur ghau namin mbaŋooŋa to Yesu Krisi itaghon i tauu loolo. Yeiru toŋvetaz toit Sostenes nibood rau tane ilat pa yam tau aleep ila lupuuŋ to Maaron izi nugh Korin na. Yam apaak Yesu Krisi ve aleep ila tooni, tauta amin tamtamon tooni patabuyaaŋa wa. I ipoi gham amin le, leso ataghon ŋgar patabuyaaŋ imin i tauu. Ve yam mon mako. I igham tauvene pa tamtamon tisov to nughmariŋ tau tisuŋsuŋ ila Tiina toit Yesu Krisi eeza na. I tiina toozi, ve tiina toit paam. 1Kor 6:11; 2Tim 1:9