2 Korin 5:2 - Maaron Saveeŋ Tooni Patabuyaaŋ Tuam

^2-3 Tauvene aazne, yei nipasawal ve nitaŋ nighe: “Oyai, ŋeez o nileep ila niamai paaghu tawe?” Niamai tawe, ene anoŋamai paaghu to sambam. Saawe tau niloŋ nila, ene imin anunumai inonogh ghi pa nonoghiiŋa paaghu. Leso nileep tinimai ŋginaaŋa sov. Ro 8:23

Mutu (Oov)

^2-3 Tovenen aazne, yei nikausim ve nitaŋ nighaze: “Oyai, ŋeez o nineep ila inamai paghu tonowen?” Inamai tonowen, nene anoŋamai paghu to sambam. Sawa to nilooŋ nila, nene inimale anunumai indudi pa nonogiiŋa paghu. Leso nineep tinimai ŋginiŋa sob. Ro 8:23

2 Korin 5:2 Referans Kwoze

Rau Tau Paulus Iboode Pa Yes Roma Rom--Romans 8:23

Ve yes mon mako. Iit paam. Onoon, Maaron igham tauu Avuvu pait wa. Ene imin puughu pa gabua popoia naol tau murei pale tagham zi na. Eemon aazne, taleep toman pataŋani ve tataŋtaŋ, ve tasaŋan saawe to Maaron ipas ghiit pa saghati tapiri, ve igham leen anoŋaan paaghu. Saawe tana ighe ivot, mako i ipavotvotin ghiit ighe: “Ene yau natugŋa.” 2Kor 5:2+; Pil 1:23, 3:21

Pilipai 1:23

Ŋgar tsiau ru. Lolog naghe le napul taan, ve nala naleep tomania Krisi. Pasaa, ene gabua poia kat tau iliiv gabua naol isov. Eemon yau leg uraat to nauul gham paam. Ve isaav ighe nalepleep izi taan soone, ene yau irau nagham uraat tane. 2Kor 5:8

Rau Tau Paulus Iboode Pa Yes Roma Rom--Romans 7:24

Oyai, nakaria taug wa. Atuya to ŋgar saghati tane, ene mateegh! Sei ta pale ipas ghau pa pataŋani tane? Ro 6:6, 8:2

1 Korin 15:51

Alooŋ. Yau naghe napaghazoŋai gham pa gabua ee tau muuŋ iyooŋ, ve aazne Maaron isavia ivot ighazooŋ. Tamtamon toit siriv aat timaat mako. Pasaa, saawe to Mboŋ Murei, Maaron pale itoor ghiit tasov ve tagham anoŋaan paaghu.