2 Korin 3:6 - Maaron Saveeŋ Tooni Patabuyaaŋ Tuam

⁶ Tauvene Maaron tauu igham ghei nirao pa uraat tooni. Tauta nimin besooŋa pa eez paaghu to i yesŋa tamtamon tooni tivalupu zi timin eemon. Eez tane, ene eez to taghoniiŋ tutuuŋ tau tiboode na mako. Ene eez to Maaron Avuvu tau itortoor ghiit tamin paaghu. Pasaa, tutuuŋ tau tiboode na, ene igham ghiit tamaat. Ve Maaron Avuvu, i igham ghiit taleep poia ila to Maaron. Yo 6:63; Ro 7:6; Ga 3:10+; Hib 8:6+

Mutu (Oov)

⁶ Tovenen Maaron tau igham ghei nirau uraat toni, ve ighur ghei ninim mbesooŋa pa ataam paghu to yesŋa tamtoghon toni tilup di tinim ee moghon. Ataam tonene, nene ataam to taghoniiŋ tutuuŋ to timbooda ne maau. Nene ataam to Maaron Avuvu to itortoor ghiit tanim paghu. Pasa, tutuuŋ to timbooda, nene igham ghiit tamaat. Ve Maaron Avuvu, ye igham ghiit taneep poia ila to Maaron. Yo 6:63; Ro 7:6; Ga 3:10+; Hib 8:6+

2 Korin 3:6 Referans Kwoze

Yoan 6:63

Maaron Avuvu mon ta irau igham lepoogh poia to anunuun ivot. Gabua tau tamtamon to taan tighamu ila tauzi tapirizi ma ŋgar toozi na, eta irau iuul zi to tigham lepoogh tawe ne mako. Saveeŋ tau yau nasavia payam, tauta imin eez payam to agham Maaron Avuvu ve aleep poia ila to Maaron. 2Kor 3:6; 1Pe 1:23

Rau Tau Paulus Iboode Pa Yes Roma Rom--Romans 7:6

Ve aazne, iit tapaak Krisi pa mateegh tooni. Tauta i ipas ghiit pa eez to taghoniiŋ tutuuŋ. Eez muŋgaana to tutuuŋ tau tiboode na, iit tamin besooŋa pani muul mako. Tapuli wa. Ve aazne tabesbees pa Maaron itaghon eez paaghu to Avuvu Patabuyaaŋ. Ro 6:4, 8:2+; 2Kor 3:6

Hibru 12:24

Ve aazne, ala avot to Yesu. I ta iyooz bodbodaaŋ pait ve Maaron, ve igharaat eez paaghu to itiŋa Maaron tavalupu ghiit tamin eemon. Siŋ tooni, tauta ipariaaŋ saveeŋ mbuaaŋ to eez paaghu tawe. Tauvene siŋ tooni iliiv siŋ to Avel. Pasaa, Avel siŋ tooni ipoipoi Maaron ighe iyatu. Eemon siŋ to Krisi, ene ipoipoi Maaron ighe ireu sosor toit. Gnp 4:10+; 1Tim 2:5; Hib 8:6, 9:15+

Hibru 7:22

Tauvene eez paaghu tau aazne tataghoni gha leso itiŋa Maaron tavalupu ghiit tamin eemon, i le saveeŋ mbuaaŋ tau poia kat. Iliiv saveeŋ tau muuŋ Maaron imbua tomania yes Israela na. Ve Yesu ta iyooz pa saveeŋ mbuaaŋ paaghu tana ve igham uratoini, leso anooŋa ivot. Hib 8:6, 12:24

2 Korin 3:14

Eemon yes Israela ŋgar toozi iyaryaaŋ, tauta tighilaal gabua tawe puughu mako. Ve aazne paam, isaav ighe tiwaat saveeŋ to eez muŋgaana, tighilaal puughu mako. Ene imin uuli sirivu iponpoon matazi soone. Pasaa, Krisi mon ta irau itir uuli sirivu tawe ighau pazi. Ro 11:7+,25; 2Kor 4:4

1 Korin 15:45

Maaron aliiŋa tau tiboode na, isaav ighe: “Adam, ŋeer tau Maaron ighuru imin maata na, iburig imin tamtamon, ve maata iyaryaar.” Gnp 2:7 Ve Adam ite tau ivot murei na, i Avuvu ta igham ghiit taleep mataan yaryaare le alok. Yo 5:21,24; Ro 5:15+

Rau Tau Paulus Iboode Pa Yes Roma Rom--Romans 3:20

Tauvene ŋgar to taghoniiŋ tutuuŋ, ene irau imin eez pa tamtamon eta to iduduuŋ ila Maaron maata ne mako. Mako le mako kat. Tutuuŋ igheen to ipaburigin ŋgar toit, leso taghilaal sosor toit. Mbo 143:2; Ro 7:7; Ga 2:16, 3:11

Hibru 13:20

Tiina toit Yesu Krisi tau imaat ve Maaron ipaburigini pa mateegh na, i ta ŋginiiŋ to sipsip, ve eeza tiina kat. Siŋ tooni imaliŋ, tauta ipariaaŋ saveeŋ mbuaaŋ to eez paaghu to itiŋa Maaron tavalupu ghiit tamin eemon. Eez tawe pale igheen tauvene taghon taghon gha ila. Yo 10:11; Hib 9:15+; 1Pe 2:25, 5:4 Ve Taama Maaron tau igham ghiit taleep poia toman loloon luuma na, pale irei ŋgar popoia maata maata payam, leso yam irau ataghon loolo. Ve ila uraat to Yesu Krisi, i pale ipaburigin lolomim, leso agham ŋgar popoia ila i maata. Tauvene iit aat tapait eeza irau saawe. Onoon. Pil 2:13; 2Tes 2:16+

Lukas 22:20

Tighan le isov, ra Yesu itaghon ŋgar raraate pa rubruub vaen. Ighamu ve isaav ighe: “Rubruub tane, ene siŋig tau pale imaliŋ payam ve ipariaaŋ saveeŋ mbuaaŋ to eez paaghu tau pale Maaron ve tamtamon tivalupu zi timin eemon. Igham 24:8; Hib 9:12+, 10:10

1 Korin 11:25

Tighan le isov, ra itaghon ŋgar raraate pa rubruub vaen. Ighamu ve isaav pazi ighe: “Rubruub tane, ene siŋig tau pale imaliŋ ve ipariaaŋ saveeŋ mbuaaŋ to eez paaghu tau pale Maaron yesŋa tamtamon tooni tivalupu zi timin eemon. Saawe isov tau ighe yam aghun ila rubruub tane, ataghon ŋgar tau yau naghamu ne, leso matamim iŋgal ghau.” Igham 24:3+; Hib 8:8+, 9:15+

Matayu 13:52

Yesu isaav pazi muul ighe: “Tauvene yes ŋgara to tutuuŋ tau tighazooŋ pa pooz to nugh sambam ve titaghoni, ene yes tisov timin ruum tauu ta ipaspas kuaz paghpaaghu ve muŋganazi pa katkaat tooni.”

1 Petrus 3:18

Agham ŋgar pa Krisi. I ŋeer duduuŋa kat. Eemon i igham iit tamtamon sasaghatiin niaan, ve iyamaan yavyavuuŋ ila tiini gha imaat, leso ireu sosor toit, ve igham ghiit tala to Maaron. Uraat tooni tawe, i ighamu pai eemon, ve isov. Irau ighamu muul mako. Ve Maaron Avuvu ipaburigini pa mateegh, ve aazne i ileep maata yaryaare izi sambam.

1 Timoti 4:6

O Timoti, isaav ighe yo upaesia aliŋag isov tau igheen ila rau tane pa yes toŋvetaz to Krisi, ene aat umin besooŋa poia to Yesu Krisi. Ve saveeŋ poia tau iit taghur ila na, pale ipalot ghom imin aniiŋ poia. Saveeŋ tana, tipaghazoŋai ghom pani ve utaghoni wa.

Epesus 3:7

Yau, Maaron igham poghani ghau itaghon tauu loolo ve poia tooni, ve tapiri igham uratoi ghau, tauta namin besooŋa tooni, ve leg uraat to navotia vaaru poia tane pa tamtamon. Ro 1:5; Kol 1:23+

Galesia 3:21

Ma mindai? Saveeŋ mbuaaŋ to Maaron iparav tomania tutuuŋ tooni? Mako kat! Imin ta tutuuŋ eta irau imin eez pait to tagham lepoogh poia ila to Maaron, kanaŋ ŋgar to taghoniiŋ tutuuŋ irau igham ghiit taduduuŋ ila Maaron maata.

2 Korin 3:7

Eez tau muuŋ tamtamon tibees pa Maaron, ene igham ghiit taleep ila eez to mateegh. Eemon saawe tau Maaron irav tutuuŋ tawe ila maet, ve igham pa yes Israela, ene ilam toman mbonari ve tapiri tiina. Tauta yes Israela irau timarar Mose naagho malau mako. Pasaa, mbonari tawe tiina kat le iŋgowar matazi. Eemon mbonari tana igheen rigmon, ve isov. Igham 34:1+,28+; Hib 12:18+

1 Korin 12:28

Lupuuŋ to Krisi, Maaron ighur yes mbaŋooŋa to timuuŋ pani, mako yes tau timin propet ve tivotia Maaron aliiŋa pa tamtamon. Ve imin tol pani, ene yes tau tipaduduuŋ tamtamon pa Maaron aliiŋa. Mako yes tau tighamgham gabua ŋgeretazi, ve yes tau Maaron irei tapiri pazi leso tiuul moroghooŋa, ve yes tau tighamgham uraat pa uleeŋ zetazŋa, ve yes tau lezi ŋgar pa ŋginiiŋ uraat, ve yes tau Maaron Avuvu ipaburigin zi gha tisavia saveeŋ imin kaolaaŋ. Ep 2:20, 4:11+

1 Korin 3:5

Laak, Apolos, ene sei? Ve yau Paulus, sei? Yeiru besooŋa mon to Tiina toit Yesu Krisi. Yei nigham uratoi gham, tauta aghur ila tooni. Onoon, i ighur lemai uraat ite ite. Eemon yeiru nigham uraat pa Ŋeer eemon. Mbaŋ 18:1+, 18:24+

Rau Tau Paulus Iboode Pa Yes Roma Rom--Romans 4:15

Pasaa, tamtamon eta itaghon duduŋai tutuuŋ mako. Iit tasov tamamalaaŋ pani. Tauta tutuuŋ imin puughu pa aatyavyav to Maaron izazaa toit. Ve imin ta tutuuŋ igheen mako, kanaŋ irau tamalaaŋ pani mako, ve leen sosor ila Maaron maata mako. Ro 5:13, 7:7+; Ga 3:10,18

Yoan 5:21

Taama Maaron, i ipaburigin yes mateegha ve tileep matazi yaryaare. Naatu tauvene paam. Isaav ighe loolo pa tamtamon eta, i aat ighamu ileep poia. Yo 11:25; Ro 4:17; 1Kor 15:45; Ep 2:5

Markus 14:24

“Ene yau siŋig tau pale imaliŋ pa tamtamon katini. Leso ipariaaŋ saveeŋ mbuaaŋ to eez paaghu tau pale Maaron ve tamtamon tivalupu zi timin eemon. Igham 24:8; 1Kor 10:16; Hib 8:8+, 9:16+

Matayu 26:28

Ene yau siŋig tau pale imaliŋ pa tamtamon katini. Leso ireu sosor toozi, ve ipariaaŋ saveeŋ mbuaaŋ to eez paaghu tau pale Maaron ve tamtamon tivalupu zi timin eemon. Igham 24:8; 1Kor 10:16; Hib 9:28

2 Korin 3:9

Eez paaghu, i le mbonari ve tapiri tiina kat iliiv eez muŋgaana. Onoon, eez muŋgaana ilam toman mbonari ve tapiri tiina. Eemon eez tawe isaav pait tauvene: Iit aat tamaat pa sosor toit. Ve eez paaghu tau aazne tataghoni, ene igham ghiit taduduuŋ ila Maaron maata. Ezek 18:4; Ro 3:21+, 8:1+

Rau Tau Paulus Iboode Pa Yes Roma Rom--Romans 4:17

Saveeŋa tiboode pataghaaŋ wa. Tighe: “Yau naghur ghom leso umin eval tiina to nugh nugh tamazi.” Gnp 17:4+ Aazne, saveeŋ tane ighur anooŋa pa iit tamtamon tau taghur ila to Krisi. Pasaa, Maaron ighit ghiit ighe iit tamin Abaram paaghu tooni. Abaram itotoi ghiit pa eez to ghuruuŋ ila. Pasaa, i ighur ila to Maaron ighe i irau ipaburigin yes mateegha. Ve ighur ila ighe Maaron isaav mon, ve gabua tau muuŋ tigheen mako na, tivot. Yo 5:21; Hib 11:3,19

Rau Tau Paulus Iboode Pa Yes Roma Rom--Romans 1:5

Ila uraat to Yesu Krisi, Maaron ighur ghau namin mbaŋooŋa tooni itaghon tauu poia tooni. Leso nagham nughmariŋ tau Yuda mako na tighur ila tooni, ve titaghon aliiŋa, ve tipaghazoŋaini tighe i eeza tiina. Mbaŋ 26:16+; Ro 16:26; 1Kor 15:9+; Ga 1:15+

1 Yoan 1:1

Yei nivovotia saveeŋ maata yaryaare pa ŋeer tau ipaghazoŋai ghiit pa saveeŋ ve ŋgar to Maaron, ve imin eez pait to tagham lepoogh poia. Muuŋ geeg, saawe tau gabua eta ivot soone ve ilam, ŋeer tawe ilepleep. Ve i izilam ileep tomani ghei, ve nilooŋ saveeŋ tooni ila i tauu aavo, nighita pa matamai, ve nikisi pa nimamai. Tauta nighilaalo kat. Lu 1:2; Yo 1:1+,14, 20:27; 2Pe 1:16

2 Timoti 1:11

Maaron ighur ghau namin mbaŋooŋa tooni. Leso navotia vaaru poia tane pa tamtamon, ve napaghazoŋai zi pani. Mbaŋ 9:15; Ga 1:15+; 1Tim 2:7

1 Korin 3:10

Poia to Maaron izaa tsiau, ve i igham pooz pa uraat tsiau. Tauta namin ŋeer tau iwatagh katin uraat to raoŋ ruum, ve imuŋmuuŋ pani. Uraat tau naghamu ila sosomim, ene imin napayooz rir imin puughu pa Maaron ruum tooni. Ve aazne, tamtamon siriv anazi tiseeŋ uraat to raoŋ ruum tawe. Sei tau ighe igham uraat pa raoŋ ruum na, i aat igham ŋgar poi ve irau poghania ruum anooŋa izala rir tawe itaghon ruum taama ŋgar tooni. Ro 15:20; 1Kor 4:15

Epesus 2:1

Muuŋ, lepoogh tsiam, ene imin yes mateegha. Pasaa, lemim ŋgar eta pa Maaron mako, ve irau agham ŋgar poia eta mako. Saawe isov, yam amamalaaŋ pa tutuuŋ tooni, ve agham ŋgar sasaghati naol. Kol 2:13.

2 Korin 3:3

Tauvene yam taumim amin rau to Krisi tau igheen ghazooŋa. Rau tana, ene uraat tau nighamu ila sosomim na anooŋa. Krisi iboode pa gabua eta imin gabgab mako. Iboode pa Maaron maata yaryaare Avuvu. Ve iboode ila maet babaŋazi imin Maaron igham pa tutuuŋ to Mose ne mako. I iboode ila tamtamon lolozi. Igham 24:12; Yer 31:33; Ezek 36:27; 1Kor 3:5+; Hib 8:10

2 Korin 11:23

Ve yes besooŋa to Krisi? Yau paam, besooŋa tooni. Eemon yau naliiv zi. Aliŋag tane, yau nawatagh, ene saveeŋ to borauŋa. Eemon tambaaŋo! Yau narav taug pa uraat to Krisi le naliiv zi. Saawe naol tilos ghau le nasaghat, ve tighur ghau naloŋ nala ruum to yavyavuuŋ pai katini. Ve saawe naol, naghe paita namaat. Pataŋani naol tau nabaad zi ne, ene naliiv zeran tana. 1Kor 4:9+; 2Kor 4:11, 6:4+

Hibru 8:13

Aghita. Isaav ighe Maaron isavia eez paaghu eta, ene itotoi ighe eez tau ivot imin maata na, ene muŋginaaŋ ve igharau ighe isov. Eez tauvene, malau mako pale ilale kat. Ro 10:4; Hib 7:18