2 Korin 11:9 - Maaron Saveeŋ Tooni Patabuyaaŋ Tuam

⁹ Saawe tau itiŋa talepleep ve mbolaaŋ igham ghau, yau naghason gham pa uleeŋ eta mako. Pasaa, toŋvetaz siriv to Masedonia tilam, ve tiuul ghau pa saa gabua tau nambool pani na. Ve lolog pa nagham pataŋani eta payam mako. Tauta nayai ghau, ve naghason gham pa uleeŋ eta mako. Ve aazne ve taghon gha ila paam, pale nataghon ŋgar raraate mon. 2Kor 12:13; Pil 4:15+; 1Tes 2:9

Mutu (Oov)

⁹ Sawa to itiŋa tanepneep ve mbolaaŋ igham ghou, you naghason gham pa ulaaŋ eta maau. Pasa, toŋvetaz pida to Masedonia tinim, ve tiuul ghou pa mbeb to nambool pani. Ve lolog pa nagham pataŋani eta payam maau. Tauto nayai ghou, ve naghason gham pa ulaaŋ eta maau. Ve aazne ve itaghoni ila paam, pale nataghon ŋgar raraate moghon. 2Kor 12:13; Pil 4:15+; 1Tes 2:9

2 Korin 11:9 Referans Kwoze

1 Tesalonika 2:9

Yam toŋvetaz, yam aat matamim iŋgal. Saawe tau itiŋa talepleep ve nivotia vaaru poia payam, mboŋ ve mataaz, nirav taumai pa uraat. Leso nigham maet rig to iuul ghei pa lepoogh tsiei, ve nigham pataŋani payam sov. Mbaŋ 18:3+, 20:34; 1Kor 4:12; 2Tes 3:8

1 Tesalonika 2:6

Ve yei nigham uraat tane leso yam, ma tamtamon siriv apait ezamai ne mako. Yo 5:41,44; 2Kor 4:5

Hibru 11:37

Ve siriv, tirav zi pa maet. Siriv, tighorot zi pa so timin sirivu ru. Ve siriv, tirav zi pa mbuzaagh gha timaat. Tamtamon siriv tileep saghat. Mbolaaŋ igham zi, ve lezi nonoghiiŋa poia eta mako. Tinonogh zi pa sipsip ma mekmek uuli mon. Ve tamtamon tigham saghatin zi, ve tighur pataŋani naol pazi. 1King 21:13; 2Sto 24:21; Mbaŋ 7:58, 14:19

Pilipai 2:25

Toŋvetaz toit Epaproditus tau yam ambaaŋo ilam to iuul ghau pa mbolaaŋ tsiau na, i ilam peria wa. I besooŋa poia ee to Maaron, ve igham ghau lolog poia kat. Yeiru niluplup ghei pa uraat, ve yeiru zaaba to Krisi tau nipaparav ariaaŋ pa saveeŋ tooni. Eemon matag iŋgal naghe yau aat nambaaŋo imuul ilat payam.

2 Korin 9:12

Uraat tane, yam aghamu imin besooŋ tsiam ila pa Maaron. Uleeŋ tsiam pale ipasov mbolaaŋ to tamtamon tooni. Ve tane mon mako. Pale igham eval tiina lolozi poia pa Maaron, ve tipaiti kat pa poia tooni paam. 2Kor 4:15, 8:14

2 Korin 6:4

Ŋgar tsiei isov, ene itotoi ighe yei besooŋa tauu to Maaron. Pasaa, pataŋani maata maata ighamgham ghei, eemon niyooz ariaaŋ pa badooŋ zi. Monmon pataŋani izazaa tsiei, ve saawe siriv, nighita nighe lemai eez muul mako. 2Kor 4:9+

Uraat To Yes Mbaŋooŋa 20:33

Saawe tau itiŋa talepleep, lolog ighaar pa silva, gol, ma nonoghiiŋa to tamtamon eta mako. 1Kor 9:15; 2Kor 2:17, 7:2; 1Tes 2:5

Uraat To Yes Mbaŋooŋa 18:3

Paulus ila ileep tomani zi, ve yesŋa tilup zi pa uraat. Pasaa, uraat tau yesuru tighamghamu na, ene i uraat tooni paam. Yes tighagharaat ŋgai uuli ve tisaii, leso tamtamon tidaado imin balbaal (o haus sel). Mbaŋ 20:34; 1Kor 4:12

Uraat To Yes Mbaŋooŋa 18:5

Murei ra, Silas gha Timoti tipul Masedonia, ve anazi tilam tivot Korin. Tila peria to Paulus, ra i ipul uraat tooni to saiŋ ŋgai uuli, ve ileep ila uraat to votiaaŋ mos mon. I ivovotia Yesu saveeŋ tooni pa yes Yuda, leso tighur ila tighe Yesu, i Mesia.

Rau Tau Paulus Iboode Pa Yes Roma Rom--Romans 15:26

Pasaa, yes to Masedonia ve Akaia lolozi ipazaagh zi gha tigoog maet siriv imin abuzi, ve tighuru ila nimag wa. Tighe naghamu nala, ve nagham pa Maaron tamtamon tooni tau tileep toman mbolaaŋ izi Yerusalem na. 1Kor 16:1+; 2Kor 8:1, 9:2,12; Ga 2:9

1 Korin 16:17

Saawe tau Stepanas tomania Portunatus ve Akaikus tilam tivot tsiau, yes tigham ghau lolog poia kat. Onoon, yam eval irau alam mako. Eemon yes tigham naghomim gha tilam tivot sene, ve tiuul ghau pa gabua siriv.