2 Korin 1:13 - Maaron Saveeŋ Tooni Patabuyaaŋ Tuam

^13-14 Ve saveeŋ tau niboode payam na, puughu eta iyooŋ mako. Saveeŋ tsiei isov, ŋgara igheen ghazooŋa. Irau awaato mon ve aghazooŋ pani. Onoon, saawe tane, yam siriv aat aghazooŋ payei geeg soone. Eemon naghe le ŋgar tsiam ivot ve aghazooŋ kat payei. Leso saawe to Tiina toit Yesu imuul ilam, yam tintinmim payei, imin yei tintinmim payam. 2Kor 5:12; Pil 2:16; 1Tes 2:19

Mutu (Oov)

^13-14 Ve saveeŋ to nimbooda payam ne, pughu eta iyooŋ maau. Saveeŋ tiei isob, ŋgara ineep ghazooŋa. Irau awaata moghon ve aghazooŋ pani. Onoon, sawa tonene, yam pida avaat aghazooŋ payei kat sone. Eemoghon naghaze le ŋgar tiam ivot ve aghazooŋ kat payei. Leso sawa to Tiina toit Yesu imuul inim, tinimim iza payei, inimale yei tinimai iza payam. 2Kor 5:12; Pil 2:16; 1Tes 2:19

2 Korin 1:13 Referans Kwoze

2 Korin 4:2

Ŋgar mayaŋa naol tau tamtamon tighamgham zi imin yoŋgaaŋ na, yei nighur murimai pazi wa. Ŋgar tau yei nighamghamu ne, karom eta igheen ila loolo mako. Ve nivatorai Maaron aliiŋa mako. Nisavia duduŋaini. Pasaa, yei niwatagh: Maaron ighita uraat tsiei. Tauta nivovotia saveeŋ onoon mon pa tamtamon, ve nisavsaav ghazooŋ pazi. Leso tighilaal ila lolozi tighe yei ezamai pa uraat tane. 2Kor 2:17, 5:11; 1Tes 2:3+

Pilemon 1:6

Ghuruuŋ ila toit, ta ilup ghiit tamin eemon wa. Tauvene suŋuuŋ tsiau iŋaŋarui Maaron naghe ghuruuŋ ila tsio tana imin eez payo, leso uwatagh katin gabua popoiazi naol tau tagham zi ila to Krisi na.

2 Korin 13:6

Ve yei nighur ila tauvene: Isaav ighe agabiiz ghei, ene pale aghilaal aghe yei mbaŋooŋa tauu to Krisi.

2 Korin 5:11

Tauvene yei niroi pa Ŋeer Tiina. Tauta nizuari ghei nighe le nigham tamtamon titoor ŋgar toozi ila pani. Lolomai tomania ŋgar tsiei, ene igheen ghazooŋa ila Maaron maata. Ve nighe yam paam aghazooŋ payei, ve aghilaal ila lolomim aghe yei nibesbees pa Maaron toman lolomai. Mbo 139:1+; Hib 10:31; Jud 23

Uraat To Yes Mbaŋooŋa 27:39

Nughizau, ra yes uraata to waaŋ matazi iloŋ ila le tighita nari. Eemon tighilaal nugh mako. Ve tighita aavo gomoloon ee tau le sausau poia. Tauvene tigham ŋgar tighe tipaduduuŋ waaŋ leso nighau duduuŋ niloŋ nila ta sewe.

1 Korin 1:8

Maaron tauu pale ipalot gham, ve igham gham ayooz ariaaŋ le azaa pa saawe tau i ighuru payam na. Leso saawe tau Tiina toit Yesu Krisi imuul ilam, i aat ighit gham ighe lemim sosor eta mako.