1 Yoan 4:9 - Maaron Saveeŋ Tooni Patabuyaaŋ Tuam

⁹ Maaron imbaaŋ Naatu anooŋa eemon izilam taan, leso igham ghiit taleep poia taghon taghon gha ila. Ene ipaghazoŋai ghiit ighe Maaron loolo igheen toit kat. Yo 3:16; Ro 5:8

Mutu (Oov)

⁹ Maaron imbaaŋ Natu anoŋa ee moghon izi inim taan, leso igham ghiit taneep poia itaghoni taghoni gha ila. Nene ipatooŋ ghiit ighaze Maaron lolo pait kat. Yo 3:16; Ro 5:8

1 Yoan 4:9 Referans Kwoze

Yoan 3:16

“Pasaa, Maaron loolo igheen kat to tamtamon to taan. Tauta ipul Naatu eemon izilam taan gha imaat pazi. Leso tamtamon tisov tau tighur ila tooni na, tilalez sov, ve tigham lepoogh poia ila to Maaron taghon taghon gha ila. Yo 10:28; Ro 5:8, 8:32; 1Yo 4:9+

1 Yoan 5:11

Saveeŋ tauvene: Lepoogh poia tau iseeŋga taghon taghon gha ila na, Maaron igham pait wa. Lepoogh tawe, taghamu ila to Naatu. Yo 1:4, 17:3

Rau Tau Paulus Iboode Pa Yes Roma Rom--Romans 8:32

Aghita. Maaron iŋguruut tauu Naatu pait mako. I ipuli izilam taan, ve igham niaan gha imaat pait. Ighe tauvene, Maaron pale igham leen gabua tooni popoia ta naol ne, raraate imin igham Naatu pait. Yo 3:16

Yoan 6:57

“Tamaŋ tau imbaaŋ ghau nalam ne, i lepoogh maata yaryaare puughu, ve yau naleep ila tooni. Ve tamtamon tau ighe ighanghan ghau ve ighamgham tapiri ilam tsiau na, tauvene paam. I aat igham lepoogh poia ilam tsiau.

1 Yoan 4:10

Ŋgar to loloon pa Maaron ve tamtamon, iit tataghoni irao mako. Eemon Maaron, i loolo pait kat. Aghita. I imbaaŋ Naatu anooŋa eemon izilam taan, ve imaat imin watooŋrau to ireu sosor toit ve itatan aatyavyav to Maaron. 1Yo 2:2

1 Yoan 3:16

Saawe tau Yesu Krisi ipul tauu gha imaat pait, i itotoi ŋgar to loloon pa tamtamon ivot ighazooŋ pait. Iit paam aat tataghon ŋgar raraate, ve tarei tauun pa yes toŋvetaz to Krisi. Yo 15:13; Ro 5:8; Ep 5:2

Yoan 10:10

Ŋeer to umbuuŋ, i ilam to ivaghamunia sipsip mon. I iyumyum zi, ireureu zi, ve iravrav zi timatmaat. Eemon yau nalam to nagham sipsip tsiau tileep poia le poia kat.

Yoan 6:51

Aniiŋ tau ipul sambam ve izilam, ve igham tamtamon tileep matazi yaryaare, ene yau. Isaav ighe tamtamon eta ighan aniiŋ tane, i aat ileep maata yaryaare le alok. Aniiŋ tau nasasavia ne, ene yau mizag. Pasaa, yau aat napul taug namaat pa tamtamon to taan, leso tigham lepoogh poia ila to Maaron.” Hib 10:5, 10

Yoan 3:18

Tamtamon tau ighe ighur ila to Maaron Naatu, ene Maaron irau igabiiza ve ighur atuya pani mako. Eemon isaav ighe tamtamon eta ighur ila tooni mako, ene i imin tamtamon tau tigabiiza tighe i isosor wa, ve isaŋan mon to igham atuya tooni. Pasaa, i ighur ila to Maaron Naatu eemon mako. Mk 16:16; Yo 5:24; Mbaŋ 4:12; Ro 8:1

Hibru 1:5

Pasaa, Maaron isaav pa Naatu ighe: “Aazne yau nasaav ghazooŋa tauvene: Yau natug yo. Yo tamam ta yau. Aazne, yau naghur ghom pa uraat.” Mbo 2:7; Mt 3:17; Hib 5:5 Ve isaav muul ighe: “I taama yau, ve i yau natug.” 2Sam 7:14 Maaron isavia saveeŋ tauvene pa aŋela eta mako. Saveeŋ tane iŋarui Naatu mon.

Yoan 8:42

Yesu iyol aliŋazi ighe: “Imin ta yam Maaron natŋa duduuŋ, kanaŋ lolomim payau. Pasaa, yau naleep tooni ta nalam. Yau nataghon taug lolog ve nalam mako. I imbaaŋ ghau ta nalam. Yo 16:27+; 1Yo 5:1

Lukas 4:18

“Maaron Avuvu ileep tomani ghau. Pasaa, i ighur ghau to navotia vaaru poia pa yes mbolaaŋa. Ve imbaaŋ ghau nalam to nasaav pa yes tau tileep ila koiazŋa nimazi na tauvene: ‘Avot ala! Yam aleep ila koiamimŋa nimazi muul mako.’ Ve yes tau matazi kumkuuma na, Maaron ighe yau nasaav pazi tauvene: ‘Matamim pakia ve aghita nugh.’ Ve yes tau koiazŋa titatan zi ve tighurghur pataŋani pazi na, Maaron imbaaŋ ghau nalam to nagham mulin zi. Ve i ighe navotia saveeŋ pa tamtamon tauvene: Saawe to Ŋeer Tiina itotoi poia tooni ivot ighazooŋ, tauta ivot wa.” Is 61:1+; Yo 3:34; 2Kor 6:2

Markus 12:6

“Besooŋa tooni tisov titoova le mako, ve ŋeer eemon ta ilepleep. Ene i tauu naatu tau i loolo igheen tooni kat. Tauvene imbaaŋ naatu tana ila. Pasaa, igham ŋgar tauvene: ‘Ighe taug natug ila, ene aat tiroron pani ve tilooŋ aliiŋa.’

1 Yoan 4:16

Tauvene ŋgar to Maaron tau loolo igheen toit ve ighamgham poghani ghiit, ene iit taghilaalo wa. Ve taghur ila taghe ene onoon. Ŋgar to loloon pa tamtamon ve tagham poghani zi, ene Maaron ŋgar tooni. Tauvene isaav ighe iit takis ŋgar tana tuŋia, ve tataghoni irau saawe, ene aat taleep tuŋia ila to Maaron, ve i ileep tuŋia ilam toit, ve itiŋa tavalupu ghiit tamin eemon.

Yoan 14:6

Yesu iyol aliiŋa ighe: “Yau taug ta eez. Yau natotoi katin gham pa Maaron ve saveeŋ tooni onoon, ve namin puughu pa lepoogh maata yaryaare. Eez eemon to tamtamon titaghoni ve tila pa Tamaŋ, ene yau. Ite paam mako. Yo 10:9, Yo 11:25; Ep 2:18; Hib 10:19+

Yoan 6:29

Yesu iyol aliŋazi ighe: “Uraat tau Maaron ighe yam aghamu, ene vene: Yam aat aghur ila to ŋeer tau i imbaaŋo ilam.” 1Yo 3:23

Yoan 8:29

Ŋeer tau imbaaŋ ghau nalam ne, irau ipul ghau mako. I ilepleep tomani ghau. Pasaa saawe isov, yau nataghon ŋgar tau i loolo pani.”

Yoan 5:23

Leso tamtamon tisov tighita Naatu tighe i le eeza, ve titandagh pani raraate imin titandagh pa Taama Maaron. Ve isaav ighe tamtamon eta itandagh pa Maaron Naatu mako, ene itandagh pa Maaron mako paam. Pasaa, i ta imbaaŋ Naatu izilam taan. Lu 10:16; Pil 2:10+; 1Yo 2:23

Yoan 9:3

Yesu iyol ghasoniiŋ toozi ighe: “Ŋeer tane igham sosor mako, ve taama gha tiina paam tigham sosor mako. Pataŋani tane ivot pani, leso Maaron iuule ve itotoi tapiri ve uraat tooni ivot ighazooŋ. Yo 11:4

1 Yoan 5:13

Saveeŋ isov tane, yau naboode pa yam zeran tau aghur ila to Maaron Naatu, leso yam awatagh kat aghe yam agham lepoogh poia ila to Maaron wa. Lepoogh tawe pale iseeŋga taghon taghon gha ila. Yo 20:31