1 Yoan 4:5 - Maaron Saveeŋ Tooni Patabuyaaŋ Tuam

⁵ Zeran tawe, gabuazi tomania saveeŋ toozi itotoi zi ighe yes to taan. Tauta yes tau titaghon ŋgar to taan na, tiloŋlooŋ aliŋazi.

Mutu (Oov)

⁵ Ndiran tonowen, gabuadi toman saveeŋ todi ipatooŋ di ighaze yes to taan. Tauto yes to titaghon ŋgar to taan, tiloŋlooŋ aliŋadi.

1 Yoan 4:5 Referans Kwoze

Yoan 8:23

Yesu isaav pazi muul ighe: “Alooŋ. Yam to siiŋa. Ve yau to saaŋa. Yam to taan, tauta ataghon ŋgar to taan. Ve yau to taan mako. Yo 3:31

Yoan 17:14

Zeran tane, yau navotia saveeŋ tsio pazi gha tighamu wa. Tauvene yes to taan muul mako, imin yau to taan mako. Puughu tane ta yes tau titaghon taan ŋgara na, tighurghur koi pazi. Yo 15:19; 1Yo 2:15+

Yoan 17:16

Pa zeran tane, yes to taan mako, raraate imin yau to taan mako.

Yoan 3:31

Tamtamon to taan, i isavia gabua to taan mon. Pasaa, i ivot izi taan. Ve i tau ileep sambam ve izilam na, iliiv tamtamon tisov. Yo 8:23; Ro 9:5; 1Kor 15:47

2 Timoti 4:3

Pa murei, saawe eta pale ivot, mako tamtamon lolozi pa loŋaaŋ saveeŋ duduuŋa tau itaghon Maaron ŋgar tooni ne mako. Taliŋazi pale imonmoon pa loŋaaŋ saveeŋ soroksorok. Tauvene yes pale tiyau zeran karomŋa katini tilam ve tighur zi timin paduduŋaaŋ pazi. Pasaa, yes tiwatagh: Zeran tawe pale tipul zi titaghon tauzi lolozi ve ŋgar toozi. 1Tim 4:1

Lukas 16:8

Ra Yesu isaav muul ighe: “Onoon, ŋgar tau uraata tana ighamu na, iduduuŋ mako. Eemon saawe tau tiina tooni ilooŋ vaaru, i ipait uraata tana eeza. Pasaa, i igham ŋgar pa pataŋani tau ighe ivot pani, ve iil eez pa tauu leso murei ileep poia. “Tamtamon tau titaghon ŋgar to taan na, tiliiv yes tau titaghon ŋgar to ghazooŋa. Pasaa, yes tiwatagh katin saa ŋgar to taan tau yes irau tighamu, leso tileep poia izi taan. Ve titaghon ŋgar tawe. Eemon yes tau tiwatagh ŋgar to ghazooŋa na, titaghoni irao mako. Yo 12:36; Ep 5:8; 1Tes 5:5