1 Yoan 4:21 - Maaron Saveeŋ Tooni Patabuyaaŋ Tuam

²¹ Tauta Krisi ighur tutuuŋ tane pait: Tamtamon tau ighe loolo pa Maaron, i aat loolo pa yes toŋvetaz to Krisi paam, ve igham poghani zi. Yo 13:34+; Ep 5:2; 1Yo 3:11

Mutu (Oov)

²¹ Tauto Krisi ighur tutuuŋ tonene pait: Tamtoghon to ighaze lolo pa Maaron, ye irau lolo pa yes toŋvetaz to Krisi paam, ve igham poian di. Yo 13:34+; Ep 5:2; 1Yo 3:11

1 Yoan 4:21 Referans Kwoze

1 Yoan 3:11

Saawe imin maata tau yam aghur ila ve ilam, yam aloŋlooŋ saveeŋ tauvene: Iit aat loloon pa tauun ve tavaghamu poghani ghiit. Yo 13:34, 15:12

1 Tesalonika 4:9

Ve ŋgar to loloon pa toŋvetaz to Krisi, lemai saveeŋ eta to niboode payam mako. Pasaa, Maaron tauu ipaghazoŋai gham pa ŋgar tane gha aghazooŋ pani wa. Tauta lolomim igheen to toŋvetaz tisov to Krisi tau tileep irau taan sirivu to Masedonia na. Eemon nighe nipalot gham pani muul, leso ŋgar tane ivot imin tiina kat ila sosomim. Yo 15:12; Ep 5:2; 1Yo 3:11+

1 Petrus 3:8

Aiyo, nasavia saveeŋ tane, ve isov. Yam asov alup lolomim ve ŋgar tsiam imin eemon. Isaav ighe tamtamon eta loolo ipataŋan, na lolomim ipataŋan tomania. Ve ighe loolo poia, na lolomim poia tomania. Lolomim pa toŋvetaz tsiam to Krisi ve agham poghani zi. Ve lolomim isaghatin tamtamon ve auul zi. Ve agham pa ezamim sov. Yam aat atatan taumim. Lu 6:36; Ro 12:10,16; Pil 2:2+

Galesia 5:14

Pa tutuuŋ tisov tigheen ila tutuuŋ eemon loolo, ene vene: “Lolom pa tamtamon ve ugham poghani zi, imin yo lolom pa taum.” Mt 22:37+; Ro 13:8+; Yems 2:8

Yoan 15:12

Tutuuŋ tau nasavia payam, ene vene: Lolomim pa taumim ve avaghamu poghani gham, raraate imin yau lolog payam ve nagham poghani gham. Yo 13:34+; 1Yo 4:7+

1 Yoan 3:23

Tutuuŋ tooni, ene vene: Iit aat taghur ila to Naatu Yesu Krisi, ve loloon pa tauun ve tavaghamu poghani ghiit itaghon tutuuŋ tau Yesu tauu isavia pait na.

1 Yoan 3:14

Iit tawatagh: Iit tapul eez to mateegh wa. Ve aazne, tataghon eez to Maaron, tauta tagham lepoogh poia ila tooni. Pasaa, loloon igheen to yes toŋvetaz to Krisi ve taghamgham poghani zi. Ve isaav ighe tamtamon eta loolo igheen to yes toŋvetaz to Krisi mako, ene i itaghon eez to mateegh.

1 Petrus 4:8

Ve gabua tiina tau iliiv ŋgar naol isov, ene ŋgar to loloon pa tauun. Tauvene azuari gham le ataghon katin ŋgar tane. Pa ŋgar to loloon pa tauun, ene igham ghiit tapul sosor naol tau tamtamon tigham pait na, ve loloon iveghai zi. Lp 10:12; 1Kor 13:4+; Kol 3:14

Lukas 10:37

Ŋeer tana iyol aliiŋa ighe: “I tau loolo isaghatini ve iuule na.” Tauvene Yesu isaav pani: “Tauta ena. Ula ve utaghon ŋgar raraate mon.”

1 Yoan 4:11

Yam zeran tsiau, lolog igheen tsiam kat. Isaav ighe Maaron loolo pait kat tauvene, na iit paam, aat loloon pa tauun ve tavaghamu poghani ghiit.

Galesia 5:6

Iit tau taleep ila to Yesu Krisi na, tagham ŋgar tiina pa ravuuŋ tamtamon warozi muul mako. Pa ighe tirav waroon, ma tiravu mako, ene gabua to uliin mon. Ve isaav ighe ghuruuŋ ila toit ipaburigin ghiit gha loloon pa tamtamon ve tagham poghani zi, ene gabua tauu. 1Kor 7:19; Ga 6:15; Kol 3:11

1 Yoan 3:18

Natugŋa, isaav ighe tasavsaav sorok ila avoon uuli taghe loloon pa tamtamon, ve saveeŋ toit le anooŋa mako, ene poia mako. Ŋgar tauvene, ene karom. Iit aat tataghon saveeŋ toit, ve tagham anooŋa ivot. Leso avoon onoon. Yems 2:14+, 22; 1Pe 1:22

Matayu 5:43

“Tutuuŋ ite tau tisavia gha alooŋa wa, ene tauvene: ‘Lolom pa zetamŋa ve ugham poghani zi, ve ughur koi pa koiamŋa.’ Wkp 19:18

1 Yoan 2:7

Yam zetagŋa tau lolog igheen tsiam kat na, tutuuŋ tau naboode payam ne, paaghu payam mako. Ene tutuuŋ muŋgaana. Akaria loŋaaŋni wa. Saawe imin maata tau yam aghur ila, ve ilam aazne, tutuuŋ tane igheen tsiam. Wkp 19:18; Yo 13:34+; 1Yo 3:11