1 Yoan 3:7 - Maaron Saveeŋ Tooni Patabuyaaŋ Tuam

⁷ Natugŋa, ŋeer eta itombaan gham ve ipaghau gham pa eez to Maaron sov. Yes tau titaghon ŋgar duduuŋa imin Krisi itaghoni, ene yes mon ta tiduduuŋ ila Maaron maata. Ro 2:13; 1Yo 2:29

Mutu (Oov)

⁷ Ndinatug, ŋgeu eta itombaan gham ve ipaghau gham pa ataam to Maaron malep. Tamtoghon to titaghon ŋgar deŋia inimale Krisi itaghoni, nene yes moghon to tineep deŋiadi ila Maaron mata. Ro 2:13; 1Yo 2:29

1 Yoan 3:7 Referans Kwoze

1 Yoan 2:29

Yam awatagh: Krisi, i ŋeer to ŋgar duduuŋa. Tauvene yam irau awatagh aghe: Tamtamon tisov tau titaghon ŋgar duduuŋa na, Maaron igham zi timin paaghu, ve timin i natŋa wa. Tit 3:5; 1Yo 3:7, 4:7; 3Yo 11

Rau Tau Paulus Iboode Pa Yes Roma Rom--Romans 2:13

Ve tayamaan ghiit. Pa loŋaaŋ tutuuŋ mon irau igham ghiit taduduuŋ ila Maaron maata ne mako. Iit aat tataghon tutuuŋ, o taduduuŋ ila i maata. Mt 7:21; Yems 1:22+, 2:22+

1 Yoan 3:3

Tamtamon tisov tau tighurghur matazi pa gabua tane na, yes aat tigharaat tauzi, leso tiŋgalaaŋ ila Maaron maata imin Krisi tauu. 2Kor 7:1

1 Yoan 2:26

Saveeŋ tane, yau naboode ilat payam, leso matamim imomoos poi pa zeran karomŋa tau tighe tipaghau gham pa eez to Maaron.

1 Yoan 2:1

O natugŋa, yau nabood saveeŋ tane payam, leso ayooz ariaaŋ, ve agham sosor sov. Eemon isaav ighe tamtamon eta itap ve igham sosor, iit leen ŋeer duduuŋa ee tau ivolvool toit, ve igham avoon gha isasavia saveeŋ toit ila to Tamaan Maaron, ene Yesu Krisi. Ro 8:34; 1Tim 2:5; Hib 7:25

Uraat To Yes Mbaŋooŋa 10:35

I ighur loolo pa nughmariŋ tisov. Tauvene sei tau ighe iroron pani ve itaghon ŋgar tau iduduuŋ ila maata, ene pale Maaron loolo poia pani. Ep 3:6; Kol 3:11

Epesus 5:9

Ghazooŋa to Krisi, anooŋa tauvene: ŋgar popoia maata maata, tomania ŋgar duduuŋa, ve saveeŋ onoon. Ro 13:12; 1Yo 1:7+, 2:9+

1 Petrus 2:24

Saawe tau Krisi ibaad sosor toit atuya izala ai pambarooŋ, i iyamaan yavyavuuŋ tiina kat ila tiini. Leso tasov pa ghamuuŋ ŋgar saghati, ve taleep poia ila tooni, ve tataghon ŋgar duduuŋa mon. Tauvene zibzib niia tau igheen ila Krisi tiini, tauta igharaat gham gha poiamim wa. Is 53:5; Ro 6:10+

1 Korin 6:9

Yam awatagh mako? Isaav ighe tamtamon eta inoknok ghamuuŋ ŋgar tau iduduuŋ mako, i irau itaghon Maaron pooz tooni ve iloŋ ila nugh tooni ne mako. Tauvene agham karom pa taumim sov. Yes tau matazi saghati imin ŋgavuun, yes tau tibesbees pa maaron karomŋa, yes tau tighurghur boog, zitamoot tau timomogheer pa zetazŋa zitamoot siriv,

Lukas 1:75

ve tataghon ŋgar tau patabuyaaŋ ve iduduuŋ mon ila i maata, le irau saawe toit to taan isov.” Ep 4:24; Tit 2:12; 1Pe 1:15

Yakobus 2:19

Ve yo tau usaav ughe: “Yau tane naghur ila naghe Maaron eemon ta ilepleep.” Saveeŋ tsio poia. Eemon avuvu sasaghati tighur ila tauvene paam. Tauta atezi ipaparav, ve roiŋ tiina igham zi! Mk 1:24

Matayu 5:20

“Yau nasaav payam: Isaav ighe yam aduduuŋ ila Maaron maata mako, ene aat irau aloŋ ala nugh sambam mako. Yam aat aduduuŋ kat ila i maata, le aliiv yes zeran tutuuŋa ve yes ŋgara to tutuuŋ, o aloŋ ala.” Mt 23:3; Lu 18:14

Yakobus 1:22

Ve alooŋ. Yam aat ataghon Maaron saveeŋ tooni. Isaav ighe aloŋlooŋa sorok, ve ataghoni mako, yam agham karom pa taumim. Isaav ighe ŋeer eta igham tauvene, i imin tamtamon tau itiir naagho ila galas,

Hibru 7:2

Mako Abaram iburig gha ilup gabua isov tau tila tigham malmal ve tiyau zi tilam na, ve ivalagh zi timin ŋgun saŋavul, ve igham ŋgun ee ila pa Melkizedek. Aiyo, Melkizedek eeza puughu tauvene: ‘Kinik to ŋgar duduuŋa.’ Ve i iŋgin nugh Salem. Ve Salem puughu, ene ‘ŋgar luuma.’ Tauvene i kinik to ŋgar duduuŋa ve ŋgar luuma.

Hibru 1:8

Eemon i isavia Naatu ighe: “Maaron, pooz tsio irau isov ne mako. Uleep ila niam to ghamuuŋ pooz irau saawe. Ve ilaal to pooz tsio, ene ŋgar duduuŋa.

Epesus 5:6

Tauvene matamim imomoos poi pa taumim. Mako pale tamtamon titombaan gham pa saveeŋ toozi soroksorok, ve tigherev gham pa ghamuuŋ ŋgar sasaghati naol tau yau nasavi zi ne. Ve yam awatagh: Yes tau tizorzoor Maaron, ve tinoknok ghamuuŋ ŋgar tauvene, ene pale aatyavyav to Maaron izaa toozi. Ro 1:18; Kol 3:6

1 Yoan 3:18

Natugŋa, isaav ighe tasavsaav sorok ila avoon uuli taghe loloon pa tamtamon, ve saveeŋ toit le anooŋa mako, ene poia mako. Ŋgar tauvene, ene karom. Iit aat tataghon saveeŋ toit, ve tagham anooŋa ivot. Leso avoon onoon. Yems 2:14+, 22; 1Pe 1:22

1 Yoan 4:17

Isaav ighe takis ŋgar to loloon pa Maaron ve tamtamon igheen tuŋia ila loloon, ene saawe to Mboŋ Murei, iit aat leen roiŋ pa gabizooŋ to Maaron mako, ve tayooz ila naagho toman loloon poia. Pasaa, saawe tau taleep izi taan, iit tataghon ŋgar tau Krisi ighamu na. Yems 2:13; 1Yo 2:28, 3:19+