1 Yoan 3:3 - Maaron Saveeŋ Tooni Patabuyaaŋ Tuam

³ Tamtamon tisov tau tighurghur matazi pa gabua tane na, yes aat tigharaat tauzi, leso tiŋgalaaŋ ila Maaron maata imin Krisi tauu. 2Kor 7:1

Mutu (Oov)

³ Tamtoghon tisob to tighurghur matadi pa mbeb tonene, yes irau tigharaat taudi, leso tiŋgalaaŋ ila Maaron mata tinimale Krisi tau. 2Kor 7:1

1 Yoan 3:3 Referans Kwoze

2 Korin 7:1

Yam zeran tsiei, lolomai igheen tsiam kat. Aghita. Maaron igham leen saveeŋ mbuaaŋ popoia naol tane. Tauvene ŋgar isov tau ivaghamunia anoŋaan ma anunuun, ve igham ghiit tasaghat ila Maaron maata na, tapuliir zi tileplez. Ve taroi pa Maaron, ve taghur tauun tamin i le kat, ve tataghon ŋgar patabuyaaŋ mon imin i tauu. 1Tes 4:7; Hib 10:22; 1Pe 1:15; 1Yo 3:3

1 Yoan 2:6

Tauvene isaav ighe tamtamon eta isaav ighe: “Yau namin Maaron le ve naleep tuŋia ila tooni,” na i aat itaghon Krisi aaghe niia irau saawe. Mt 11:29; Yo 13:15; 1Pe 2:21

2 Petrus 3:14

Tauvene zeran tsiau, saawe tau aleep ve asasaŋan saawe to gabua tana ivot, yam azuari gham le ŋgar tsiam isov iŋgalaaŋ mon. Leso lemim sosor eta ila Maaron maata mako, ve yamŋa Maaron avalupu gham amin eemon ve aleep poia. Pil 1:10; 1Tes 3:13, 5:23

Matayu 5:48

Tauvene yam aat azuari gham le ŋgar tsiam isov iduduuŋ ve poia mon imin Tamamim Maaron tau ileep sambam.” Yems 1:4

Hibru 12:14

Azuari gham to atotoi ŋgar luuma pa tamtamon tisov. Leso yamŋa avalupu gham amin eemon. Ve azuari gham pa ŋgar patabuyaaŋ. Pa tamtamon tau ighe itaghon ŋgar patabuyaaŋ mako, ene irau ighita Ŋeer Tiina mako. Mt 5:9; Ro 12:18; 2Kor 7:1; 1Pe 1:15+

Hibru 7:26

Poia pa iit leen ŋeer to watooŋrau tauvene. I irau iuul ghiit. Pasaa, i imin iit tamtamon sasaghatiin to taan mako. I le sosor eta mako. I patabuyaaŋ, ve ŋgar tooni isov, ene iŋgalaaŋ mon. Taama Maaron ighamu izala nugh sambam, ve aazne eeza iliiv gabua ta naol ne. 2Kor 5:21; Hib 4:14+

Kolosi 1:5

Ŋgar tana, yam ataghoni pasaa, yam awatagh: Maaron ighur gham to agham lepoogh poia izi nugh sambam. Tauta aghurghur matamim pa lepoogh tana, ve asasaŋan. Saawe tau tivotia saveeŋ onoon to vaaru poia payam, yam alooŋ lepoogh tawe saveeŋa. 1Tes 1:3; 1Pe 1:4

Uraat To Yes Mbaŋooŋa 15:9

I igham ŋgar ite ite mako. Itaghon ŋgar raraate mon pa iit, ve yes paam. Pasaa, i igham lolozi iŋgalaaŋ itaghon ghuruuŋ ila toozi. Mbaŋ 10:43+; Ro 10:9+

Titus 3:7

Tauvene poia to Yesu Krisi, tauta igham ghiit taduduuŋ ila Maaron maata. Leso ezaan pa ghamuuŋ lepoogh poia ila to Maaron, ve taleep mataan yaryaare le alok. Lepoogh tawe, ta aazne taghurghur mataan pani.

2 Petrus 1:4

Ve i igham gabua tintiina ve popoia kat pait itaghon saveeŋ mbuaaŋ tooni. Saveeŋ tawe irau itoor gham. Leso Maaron ŋgar tooni igheen tsiam, ve apaghau taumim pa ŋgar sasaghati to taan tau loloon ighaar pani ve ivavaghamun ghiit ne. 2Kor 3:8, 7:1; Ep 4:24

Lukas 6:36

Tauvene lolomim isaghatin tamtamon ve auul zi, imin Tamamim Maaron loolo isaghatin zi ve iuluul zi.”

1 Yoan 4:17

Isaav ighe takis ŋgar to loloon pa Maaron ve tamtamon igheen tuŋia ila loloon, ene saawe to Mboŋ Murei, iit aat leen roiŋ pa gabizooŋ to Maaron mako, ve tayooz ila naagho toman loloon poia. Pasaa, saawe tau taleep izi taan, iit tataghon ŋgar tau Krisi ighamu na. Yems 2:13; 1Yo 2:28, 3:19+

Hibru 6:18

Tauvene iit tau tayooŋ ila to Maaron na, leen gabua ru tau tipariaaŋ ghiit to taghur ila tooni. Ee, ene saveeŋ mbuaaŋ tooni. Ve ite, ene i tauu eeza tau iwaato to ipariaaŋ saveeŋ tooni. Gabua ru tane, Maaron irau itoor ŋgar tooni, ma itombaan ghiit pani ne mako. Gabua ru tane tipariaaŋ ghiit kat, leso takis ghuruuŋ ila toit tuŋia, ve taghur mataan pa lepoogh poia tau Maaron pale igham pait. Tit 1:2

2 Tesalonika 2:16

Tamaan Maaron loolo igheen toit kat, ve poia tooni ipapalot ghiit. Tauta loloon poia irau saawe, ve taghurghur mataan pa lepoogh poia tomania Maaron izi nugh tooni sambam. Yesuru Tiina toit Yesu Krisi pale tirav atemim, ve tipalot gham. Leso ataghon ŋgar popoia maata maata, ve asavia saveeŋ popoia mon. Onoon. 1Tes 3:13; 1Pe 5:10

Rau Tau Paulus Iboode Pa Yes Roma Rom--Romans 15:12

Propet Isaia paam isavia gabua tane ighe: “Paaghu ee to Yesi pale ivot gha imin kinik, ve igham pooz pa nugh naol isov. Nugh nugh tau Yuda mako na, pale tinumeera, ve tighur matazi pa saawe to i iuul zi tileep poi.” Is 11:1, 10; Mt 12:21; Syg 22:16

Yoan 17:19

Aazne, yau napul taug ila yo nimam, ve naghe napasov uraat tau ughuru payau na. Leso nauul zi, ve saveeŋ tsio onoon igham uratoi zi gha timin tamtamon tsio patabuyaaŋa ve titaghon katin ŋgar tsio. 1Kor 1:2,30; Ep 5:26; Hib 10:10

Yakobus 4:8

Yam aat ala agharau Maaron, o i ilat igharau gham. Yam zeran sasaghatmim tau ayooz ila eez ru na, apul ŋgar to taan ileple, ve ataghon ŋgar to Maaron mon! Agharaat taumim, leso lolomim tomania ŋgar tsiam iŋgalaaŋ mon ila i maata. Yems 1:8,27; 1Yo 3:3

1 Petrus 1:3

Iit tapait Tiina toit Yesu Krisi Taama Maaron pa poia tooni. Pa i loolo isaghatin ghiit ve aate waaro iit kat. Aghita. I ipaburigin Yesu Krisi pa mateegh, ve ila burigiiŋ to Krisi, iit tagham lepoogh paaghu wa. Tauta ezaan pa lepoogh to taleep mataan yaryaare le alok, ve aazne taghurghur mataan pa lepoogh tawe. Yo 3:3; Ep 1:18+; Tit 3:5+ Lepoogh tau isasaŋan ghiit izi nugh sambam, ene poia mon. Ve irau isaghat, ma isov ne mako. Ighengheen tauvene taghon taghon gha ila. Pasaa, Maaron tauu iŋgini pait. Kol 1:5; 2Tim 4:8

1 Petrus 1:15

Pa Maaron tau ipoi gham amin le na, i patabuyaaŋ. Tauvene yam irau ataghon ŋgar raraate imin eval tiina to taan ne mako. Laghooŋ tsiam, yam aat ataghon ŋgar patabuyaaŋ mon imin i tauu.