1 Yoan 3:23 - Maaron Saveeŋ Tooni Patabuyaaŋ Tuam

²³ Tutuuŋ tooni, ene vene: Iit aat taghur ila to Naatu Yesu Krisi, ve loloon pa tauun ve tavaghamu poghani ghiit itaghon tutuuŋ tau Yesu tauu isavia pait na.

Mutu (Oov)

²³ Tutuuŋ toni, nene vene: Iit irau taghur ila to Natu Yesu Krisi, ve lolood pa tauud ve tagham poian tauud itaghon tutuuŋ to Yesu tau isavia pait.

1 Yoan 3:23 Referans Kwoze

Yoan 13:34

Alooŋ. Aazne, yau nasavia tutuuŋ paaghu payam tauvene: Lolomim pa taumim ve avaghamu poghani gham. Lolomim pa taumim kat, imin yau lolog igheen tsiam. Mk 12:31; Yo 15:12+; 1Pe 1:22; 1Yo 3:11

1 Petrus 1:22

Aazne, yam aghur ila saveeŋ onoon to vaaru poia ve ataghoni, tauta aŋgalaaŋ ila Maaron maata wa. Tauvene lolomim igheen to toŋvetaz tsiam to Krisi ve aghamgham poghani zi. Eemon yam aat azuari gham le aghur lolomim pazi kat. Yo 13:34+; Ro 12:9+; 1Tim 1:5; 1Yo 3:18

Yoan 15:12

Tutuuŋ tau nasavia payam, ene vene: Lolomim pa taumim ve avaghamu poghani gham, raraate imin yau lolog payam ve nagham poghani gham. Yo 13:34+; 1Yo 4:7+

Yoan 6:29

Yesu iyol aliŋazi ighe: “Uraat tau Maaron ighe yam aghamu, ene vene: Yam aat aghur ila to ŋeer tau i imbaaŋo ilam.” 1Yo 3:23

1 Petrus 4:8

Ve gabua tiina tau iliiv ŋgar naol isov, ene ŋgar to loloon pa tauun. Tauvene azuari gham le ataghon katin ŋgar tane. Pa ŋgar to loloon pa tauun, ene igham ghiit tapul sosor naol tau tamtamon tigham pait na, ve loloon iveghai zi. Lp 10:12; 1Kor 13:4+; Kol 3:14

1 Yoan 3:11

Saawe imin maata tau yam aghur ila ve ilam, yam aloŋlooŋ saveeŋ tauvene: Iit aat loloon pa tauun ve tavaghamu poghani ghiit. Yo 13:34, 15:12

1 Yoan 4:21

Tauta Krisi ighur tutuuŋ tane pait: Tamtamon tau ighe loolo pa Maaron, i aat loolo pa yes toŋvetaz to Krisi paam, ve igham poghani zi. Yo 13:34+; Ep 5:2; 1Yo 3:11

1 Tesalonika 4:9

Ve ŋgar to loloon pa toŋvetaz to Krisi, lemai saveeŋ eta to niboode payam mako. Pasaa, Maaron tauu ipaghazoŋai gham pa ŋgar tane gha aghazooŋ pani wa. Tauta lolomim igheen to toŋvetaz tisov to Krisi tau tileep irau taan sirivu to Masedonia na. Eemon nighe nipalot gham pani muul, leso ŋgar tane ivot imin tiina kat ila sosomim. Yo 15:12; Ep 5:2; 1Yo 3:11+

Markus 9:7

Malau mako na, taitai izi le ikau zi. Ra tilooŋ Maaron aliiŋa ivot ila taitai tawe loolo ighe: “Ena yau taug Natug tau lolog igheen tooni kat. Alooŋ aliiŋa ve ataghoni!” Igham 40:34+; Mt 3:17; 2Pe 1:17+

Matayu 22:39

Ve tutuuŋ tiina ite tau imin ru pani, ene ŋgara igharau rig. ‘Lolom pa tamtamon ve ugham poghani zi, imin lolom pa taum.’ Wkp 19:18; Mt 19:19

Uraat To Yes Mbaŋooŋa 16:31

Yesuru tiyol aliiŋa tighe: “Ughur ila to Tiina tsiei Yesu, leso igham mulin ghom tomania yes tau tileep ila ruum tsio na paam.” Yo 3:16, 36, 6:47

Yoan 17:3

Yo mon ta Maaron tauu. Ve lepoogh poia tau tamtamon tighamu ilat tsio, ene ŋgara tauvene: Yes tiwatagh katin ghom, ve Natum Yesu Krisi tau umbaaŋo izilam taan ne. Tamtamon tauvene, ene pale tileep poia ilat tsio taghon taghon gha ila. Yo 3:16; 2Pe 1:2+; 1Yo 5:20

Yoan 14:1

Yesu isaav pa mbiwa tooni ighe: “Lolomim ipataŋan ve agham ŋgar naol sov. Aghur ila to Maaron, ve aghur ilam tsiau paam. Mbo 42:5; Mt 6:25; Pil 4:6+; 1Pe 5:7

1 Timoti 1:15

Yesu Krisi, i izilam taan to igham mulin iit tamtamon sasaghatiin pa pataŋani to sosor toit. Saveeŋ tane, onoon kat. Irau taghur ila, ve takisi igheen ariaaŋ ila loloon. Ve yau ta naliiv tamtamon tisov pa ghamuuŋ sosor. Mt 1:21; Mk 2:17; Lu 19:10

Yoan 1:12

Eemon tamtamon tisov tau tighur ila tooni ve tighamu imin Tiina toozi, ene i igham lezi ezazi to timin Maaron natŋa. Yo 3:15; Ro 8:14+; Ga 3:26; 1Yo 3:1+

Yoan 2:23

Saawe to lupuuŋ tiina to Pasova tana, Yesu ilepleep izi Yerusalem, ve igham gabua ŋgeretazi katini tau itotoi ighe Maaron ileep tomania pa uraat tooni. Tauvene eval tiina tighita ve tighur ila tooni.

Yoan 3:18

Tamtamon tau ighe ighur ila to Maaron Naatu, ene Maaron irau igabiiza ve ighur atuya pani mako. Eemon isaav ighe tamtamon eta ighur ila tooni mako, ene i imin tamtamon tau tigabiiza tighe i isosor wa, ve isaŋan mon to igham atuya tooni. Pasaa, i ighur ila to Maaron Naatu eemon mako. Mk 16:16; Yo 5:24; Mbaŋ 4:12; Ro 8:1

1 Yoan 2:7

Yam zetagŋa tau lolog igheen tsiam kat na, tutuuŋ tau naboode payam ne, paaghu payam mako. Ene tutuuŋ muŋgaana. Akaria loŋaaŋni wa. Saawe imin maata tau yam aghur ila, ve ilam aazne, tutuuŋ tane igheen tsiam. Wkp 19:18; Yo 13:34+; 1Yo 3:11

1 Yoan 4:15

Isaav ighe tamtamon eta isaav ghazooŋa ighe i ighur ila ighe Yesu, i Maaron Naatu, ene Maaron ileep tuŋia ila tooni, ve i ileep tuŋia ila to Maaron, ve yesuru tivalupu zi timin eemon.

1 Yoan 5:13

Saveeŋ isov tane, yau naboode pa yam zeran tau aghur ila to Maaron Naatu, leso yam awatagh kat aghe yam agham lepoogh poia ila to Maaron wa. Lepoogh tawe pale iseeŋga taghon taghon gha ila. Yo 20:31