1 Yoan 2:17 - Maaron Saveeŋ Tooni Patabuyaaŋ Tuam

¹⁷ Taan tomania ŋgar ve gabua naol to taan tau tamtamon lolozi ighaar pani na, ene pale ilale. Eemon tamtamon tau ighe itaghon Maaron loolo, ene pale ileep le alok. 1Kor 7:31

Mutu (Oov)

¹⁷ Taan toman ŋgar ve mbeb naol to taan to tamtoghon lolodi igham padi, nene pale tilaledi. Eemoghon tamtoghon to ighaze itaghon Maaron lolo, nene pale ineep le alok. 1Kor 7:31

1 Yoan 2:17 Referans Kwoze

Matayu 24:35

Sambam saamba ve taan pale tilalez. Eemon saveeŋ tsiau ziiri eta irau ilale ne mako. Mt 5:18

Rau Tau Paulus Iboode Pa Yes Roma Rom--Romans 12:2

Yes tau titaghon taan ŋgara na, yam apaak zi pa ŋgar toozi muul sov. Apul Maaron itoor ŋgar tsiam ve gabuamim imin paaghu kat. Leso aghilaal ŋgar tau Maaron loolo pani na. Ene ŋgar tau poia kat, ve iduduuŋ mon, ve ighamu loolo poia. Ep 4:23, 5:17; 1Yo 2:15+

1 Korin 7:31

Ve yes tau tighamgham uratoi gabua to taan na, ŋgar toozi isaghav gabua tawe geeg sov. Pa iit tawatagh: Taan tane tomania ŋgara, ene irau igheen le alok mako. Ighe isov tane. 2Pe 3:11+; 1Yo 2:15+; Syg 21:1

Hibru 10:36

Tauvene yam aat ayooz ariaaŋ, ve ataghon Maaron loolo. Leso aghita saveeŋ mbuaaŋ tooni anooŋa. Lu 21:19; Hib 12:1; Syg 13:10

Markus 3:35

Pa sei tau ighe itaghon Maaron loolo, ene imin yau tazig, livug, ve tinaŋ.” Yo 15:14; Ro 8:29; Hib 2:11+

1 Petrus 1:5

Yam tau aghur ila to Krisi na, Maaron tauu tapiri imin sigheu payam. Ve i pale iŋgin gham tauvene ila ila le saawe to Mboŋ Murei, mako itotoi uleeŋ tooni ivot ighazooŋ, ve igham mulin gham. Uleeŋ tawe, i igharaata pataghaaŋ wa. Yo 10:28+, 17:11+; Jud 1:1

1 Tesalonika 4:3

Maaron ighe yam ataghon ŋgar patabuyaaŋ imin i tauu. Tauvene ŋgar to ghuruuŋ boog, yam aleep soghan pani. 1Kor 6:18; 2Kor 7:1; Ep 5:3

Yoan 4:14

Eemon isaav ighe tamtamon eta ighun yaa tau yau naghe nagham pani, i aat irau murunu muul mako. Pasaa, yaa tau yau nagham pani, ene pale ivotvot le ivon ila loolo. Tauvene tamtamon tana pale igham lepoogh poia ila to Maaron taghon taghon gha ila.” Is 44:3, 55:1; Ezek 47:1-12; Yo 7:37+; Syg 21:6

Matayu 7:21

“Yes tau tipoi ghau tighe ‘Tiina, Tiina’, ene irau tisov tiloŋ tila nugh sambam mako. Yes tau titaghon Tamaŋ tau ileep sambam we ŋgar tooni, ene yes tana mon ta pale tiloŋ tila. Ro 2:13; Yems 1:22,25

Yakobus 4:14

Yam lemim ŋgar mako! Gabua tau bogzo pale ivot payam na, yam awataghi? Mako. Lepoghamim to taan, ene imin yav mbuasa tau imbuŋ izaa, ve malau mako imbiriis gha ilale. Mbo 39:4+, 144:4

Yoan 6:58

Aniiŋ tau ileep sambam ve izi, ene aniiŋ maata ite pa aniiŋ manna tau muuŋ timbumimŋa tighanghani izi nugh ŋginaaŋa na. Pasaa, yes tau tighan manna tawe, tisov timataar wa. Eemon tamtamon tau ighan aniiŋ tau yau nasavia na, i aat ileep maata yaryaare le alok.”

Matayu 21:31

Laak, natŋa ru tana, sindei ta itaghon taama ŋgar tooni?” Yes tiyol aliiŋa tighe: “Naatu olman.” Tauvene Yesu isaav pazi muul ighe: “Yau nasaav payam kat. Zeran sasaghatizi to yauŋ takes tomania zilivaa to eez, tauta timuŋmuuŋ payam gha timuuŋ tiloŋ tila Maaron pooz tooni loolo.

1 Tesalonika 5:18

Saa gabua tau ighe ivot payam, na lolomim poia mon pa Maaron ve apaiti. Pa i ighe yam tau apaak Krisi ve aleep ila tooni na, agham tauvene. Ep 5:20; Kol 3:17

Kolosi 4:12

Etamim ite Epapras paam, igham aaz poia payam. I besooŋa poia ee to Yesu Krisi. Monmon i isuŋsuŋ Maaron ariaaŋ kat payam ighe ayooz tuŋia pa ghuruuŋ ila tsiam, ve ŋgar tsiam imatuugh pa Maaron ve saveeŋ tooni, ve awatagh katin ŋgar isov tau Maaron loolo pani na. Kol 1:7; Plm 23

Kolosi 1:9

Tauvene saawe tau nilooŋ varumim imin maata ve ilam, yei nighurghur gham ila suŋuuŋ tsiei. Saawe isov, nighason Maaron to ipavon gham pa ŋgar popoia isov tau ilam pa i tauu Avuvu, ve ipaghazoŋai gham pa ŋgar tau i loolo pani na. Ep 1:17, 5:17

Yoan 7:17

Isaav ighe tamtamon eta ighe itaghon Maaron loolo, i aat ighilaal: Saveeŋ tau yau napaduduuŋ gham pani ne, ene ilam pa Maaron, ma nasavia itaghon taug ŋgar tsiau?