1 Yoan 2:12 - Maaron Saveeŋ Tooni Patabuyaaŋ Tuam

¹² Natugŋa, yau nabood saveeŋ tane ilat payam pasaa, ila Yesu Krisi eeza, Tamaan Maaron ireu sosor tsiam isov ilale wa. Mbaŋ 10:43; 1Kor 6:11

Mutu (Oov)

¹² Ndinatug, you nambood saveeŋ tonene ilat tiam pasa, ila Yesu Krisi iza, Tamaan Maaron ireu sosor tiam isob ilale wa. Mbaŋ 10:43; 1Kor 6:11

1 Yoan 2:12 Referans Kwoze

Uraat To Yes Mbaŋooŋa 10:43

Propet tisov tipariaaŋ saveeŋ tooni tighe tamtamon tisov tau tighur ila tooni na, ila i eeza, Maaron pale ireu sosor toozi ilale.” Is 53:5; Ro 10:9; 1Yo 2:2, 12

Uraat To Yes Mbaŋooŋa 13:38

“Tauvene yam toŋvetaz, alooŋ! Yei nivotia saveeŋ payam leso awatagh kat tauvene: Tutuuŋ to Mose, ene irau ipas ghiit kat pa pataŋani to sosor toit ne mako. Eemon ila Yesu uraat tooni, Maaron ireu sosor toit kat. Tamtamon tisov tau tighur ila to Yesu na, i aat ipas zi pa saghati tapiri, ve ireu sosor toozi isov ilale, leso tiduduuŋ ila Maaron maata. Mbaŋ 2:38; Ro 3:28; Ga 2:16; 1Yo 2:2

Epesus 1:7

Poia to Maaron, ene tiina le tiina kat. Iit tamtamon tau tapaak Krisi ve taleep ila tooni na, siŋ tooni ipas ghiit tavot pa saghati tapiri, ve ireu sosor toit isov ilale. Ro 3:24; Kol 1:14; Hib 9:12; 1Pe 1:18+

Uraat To Yes Mbaŋooŋa 4:12

Yesu mon ta Maaron ighuru imin Uleeŋa toit. Tamtamon ite paam to taan le eeza pa uraat tauvene mako. Ila i eeza mon, tauta Maaron igham mulin ghiit pa pataŋani to sosor toit ve taleep poi.” Mt 1:21; Mbaŋ 10:43; Ro 10:13

Kolosi 1:14

Aghita. Iit tau tapaak Krisi ve taleep ila tooni ne, i ipul tauu gha imaat to ireu sosor toit, ve ipas ghiit tavot pa saghati tapiri. Ep 1:7+

1 Yoan 1:7

Ve isaav ighe laghooŋ toit, tataghon ghazooŋa to Maaron imin i tauu ilepleep ila ghazooŋa tooni loolo, ene aat itiŋa tavalupu ghiit tamin eemon, ve Maaron Naatu Yesu siŋ tooni irewaar sosor toit isov ilale, ve igham ghiit taŋgalaaŋ ila Maaron maata. Ep 1:7; Hib 9:14; Syg 7:14

1 Yoan 1:4

Saveeŋ tane, niboode leso itiŋa loloon poia le poia kat. Yo 15:11

Lukas 24:47

Mako tivotia saveeŋ pa tamtamon ila i eeza tighe: Yes aat titoor ŋgar toozi ila pa Maaron, ve tipul ŋgar toozi sasaghati ileple, ve tighur ila to Mesia. Leso i ndaamo pazi, ve Maaron ireu sosor toozi. Uraat tane, yam aat apaburigini izi Yerusalem imin maata, mako aseeŋga ila le irau nughmariŋ. Mt 28:19

Lukas 5:20

Yesu ighita zeran tana ghuruuŋ ila toozi iyaryaaŋ kat. Tauvene isaav pa narape tana ighe: “Ŋeer tsiau, sosor tsio, yau nareua wa.” Lu 7:48

1 Yoan 2:21

Yau naghe yam akankaan pa saveeŋ onoon, ta nabood rau tane ilat ne mako. Saveeŋ onoon, yam awataghi wa. Ve yam awatagh: Saveeŋ onoon irau imin puughu pa karom eta mako. Puughu tane ta nabood rau tane ilat payam.

1 Yoan 2:7

Yam zetagŋa tau lolog igheen tsiam kat na, tutuuŋ tau naboode payam ne, paaghu payam mako. Ene tutuuŋ muŋgaana. Akaria loŋaaŋni wa. Saawe imin maata tau yam aghur ila, ve ilam aazne, tutuuŋ tane igheen tsiam. Wkp 19:18; Yo 13:34+; 1Yo 3:11

1 Yoan 2:1

O natugŋa, yau nabood saveeŋ tane payam, leso ayooz ariaaŋ, ve agham sosor sov. Eemon isaav ighe tamtamon eta itap ve igham sosor, iit leen ŋeer duduuŋa ee tau ivolvool toit, ve igham avoon gha isasavia saveeŋ toit ila to Tamaan Maaron, ene Yesu Krisi. Ro 8:34; 1Tim 2:5; Hib 7:25

1 Yoan 1:9

Ve isaav ighe tavotia sosor toit ila to Maaron, i pale ireu zi itaghon ŋgar duduuŋa ve saveeŋ mbuaaŋ tooni. Ŋgar toit tau iduduuŋ mako na, i pale ireua isov ilale, leso igham ghiit taŋgalaaŋ ila maata. Mbo 32:5; 51:2; Yems 5:16

Epesus 4:32

Ve avaghamu poghani gham, lolomim isaghatin zeetmimŋa, ve avagharatoi lolomim ve apul sosor to zeetmimŋa, imin Maaron ireu sosor tsiam ila uraat to Yesu Krisi. Mt 6:14; Kol 3:13

1 Korin 6:11

Muuŋ, yam siriv ataghon ŋgar tauvene paam. Eemon aazne, ila uraat to Yesu Krisi, Maaron Avuvu igham uratoi gham. Tauta Maaron igham gham aŋgalaaŋ, ve amin tamtamon tooni patabuyaaŋa, ve aduduuŋ ila i maata wa. 1Kor 1:2; Ep 2:1+; Kol 3:7+; Tit 3:3+