Biblia Todo Logo
Bib sou entènèt

- Piblisite -




1 Timoti 6:16 - Maaron Saveeŋ Tooni Patabuyaaŋ Tuam

16 I mon tau irau imaat mako, ve ilepleep iloŋ ila mbonari tiina loolo. Mbonari tawe, tapiri tiina. Tamtamon eta irau igharauu ne mako. Tamtamon eta ighita Maaron naagho soone. Ve tamtamon eta irau ighit katini mako. I tapiri tiina kat, ve ighamgham pooz irau saawe. Tauta tapait eeza ta aazne, ve taghon taghon gha ila. Onoon. Igham 33:20; Yo 1:18; 1Yo 4:12

Gade chapit la Kopi

Mutu (Oov)

16 Ye moghon to irau imaat maau, ve inepneep ila ŋguruba tiina lolo. Ŋguruba tonowen, tapiri tiina. Tamtoghon eta irau igharaui ne maau. Tamtoghon eta ighita Maaron nagho sone. Ve tamtoghon eta irau ighita katini maau. Ye tapiri tiina kat, ve ighamgham pooz irau sawa isob. Tauto tapait iza to aazne, ve itaghoni taghoni gha ila. Onoon. Igham 33:20; Yo 1:18; 1Yo 4:12

Gade chapit la Kopi




1 Timoti 6:16
30 Referans Kwoze  

Maaron toit, i kinik tiina, ve ileep irau saawe. I irau imaat mako, ve iit irau taghita pa mataan mako. I mon ta Maaron tauu. Tauvene iit aat tapait eeza pa tapiri ve poia tooni, ta aazne, ve iseeŋga taghon taghon gha ila. Onoon. 1Tim 6:15+; Syg 4:9+


Tamtamon eta to taan ighit katin Maaron naagho pai eta soone. Naatu mon, tauta itotoi Maaron naagho ve ŋgar tooni pait. Pasaa, i Maaron, ve ileep Taama ziige, ve Taama loolo igheen tooni kat.


Saveeŋ tau nilooŋa ila Yesu Krisi tauu aavo, tauta nivotia payam. Isaav tauvene ighe: Maaron, i ghazooŋa tauu. Ŋgar to ndoroom rigta igheen tooni mako. 1Tim 6:16; Yems 1:17


Onoon, iit irau taghita Maaron mako. Eemon uraat tomania ŋgar to Naatu Yesu Krisi, tauta itotoi Taama Maaron ivot ighazooŋ pait. Yo 1:18, 14:9; 2Kor 4:4; Hib 1:3 Krisi imuuŋ pa gabua naol isov tau Maaron ighur zi na, ve imin daaba pazi.


Tamtamon eta to taan ighita Tamaŋ Maaron pai eta soone. I tau ileep to Maaron ve ilam, i mon ta ighita. Igham 33:20; Yo 1:18


Nugh tawe, mboŋ muul mako. Ve tamtamona lezi uraat pa lam ma aaz muul mako. Pasaa, Tiina toozi Maaron mbonari pale igham nugh ighazooŋ pazi. Ve yes pale tigham pooz irau saawe. Is 60:19+; Dan 7:27; 2Tim 2:12; Syg 5:10, 21:23


“O Maaron, Tiina tsiei, yo poiam kat. Isaav ighe nipakur ghom ve nipait ezam pa tapirim ve poia tsio, ene iduduuŋ. Pasaa, yo mon ta ughur gabua naol isov itaghon taum ŋgar tsio. Tauta gabua naol isov tivot gha tigheen tauvene.” Gnp 1:1; Mbaŋ 14:15, 17:24


Ve igham ghiit tamin i tauu le. Leso tatotoi pooz tooni pa tamtamon, ve tabees pa Taama Maaron imin zeran to watooŋrau. Yesu Krisi, i eeza tiina pa tapiri ve poia tooni, ve iŋgin gabua naol isov. Tauvene iit aat tapakuru ta aazne ve taghon taghon gha ila. Onoon. Igham 19:6; 1Pe 2:9; Syg 5:10


Tauvene iit tau tapaak ila to Krisi ve taleep ila lupuuŋ tooni ne, aat tapait Maaron eeza pa tapiri ve poia tooni irau saawe. Ta aazne, ve taghon taghon gha ila. Onoon.


“Onoon kat. Iit tapait Maaron toit pa poia tooni. I eeza tiina kat, ve ŋgar tooni tiina. Loloon poia pani pasaa, i igham poghani ghiit. I saksaki, ve tapiri tiina kat. Tauvene iit aat tapaiti tauvene taghon taghon gha ila. Onoon.” Syg 5:12+


Pa Yesu Krisi, i itortoor ŋgar tooni mako. Muuŋ, aazne, ve murei paam, ŋgar tooni ighengheen tauvene irau saawe. Mbo 102:27+; Mal 3:6; Yems 1:17


Ra nalooŋ bobaaŋ tiina ivot ila Maaron niia to ghamuuŋ pooz ve ilam ighe: “Aghita. Maaron ighur niia to lepoogh igheen ila tamtamon sosozi wa. Aazne ve ila, i pale ileep tomani zi ve imin Maaron toozi. Ve yes timin i le kat, ve tivalupu zi timin eemon. Wkp 26:11+; Ezek 37:27; 2Kor 6:16; Syg 7:15+


Yesu iyol aliiŋa ighe: “Wai Pilip, itiŋa takaria lepoogh wa! Ve yo ughilaal ghau soone? Tamtamon tau ighe ighit ghau, ene ighita Tamaŋ. Mindai ta ughason ghau ughe natotoi Tamaŋ payam? Yo 12:45; Kol 1:15; Hib 1:3


Tiina toit Maaron ileep irau saawe. Ileep muuŋ geeg, ileep aazne, ve murei, i pale ilam. I saksaki ve iŋgin gabua naol isov. I isaav ighe: “Yau naleep muŋgaaŋ, ve naleep murei geeg. Namin gabua naol isov puughu, ve yau ta napasov zi.” Mbo 90:2; Is 41:4; Syg 22:13


Yesu isaav pazi muul ighe: “Onoon kat, yau nasaav payam: Abaram ivot soone, ve YAU NALEPLEEP.” Igham 3:14; Yo 1:1; Kol 1:17; Syg 1:8


Tauvene iit tapait Tamaan Maaron eeza irau saawe. Ta aazne, ve taghon taghon gha ila. Onoon!


Saa ŋgar ma gabua tau paghuuna ve poia kat, ene igheen nugh sambam ve izilam. Tamaan Maaron ireireii pait sorok. I ghazooŋa tauu, ta ighur aaz, kaiyo, ve pitum, leso mbonarizi isul ghiit. Ve itortoor ŋgar tooni mako. I imin ai yavyaava tau ila malaua, ve ilam tuuku ne mako. Ŋgar tooni ighengheen tauvene irau saawe. Mal 3:6; Mt 7:11; 1Yo 1:5


Ve isaav ighe laghooŋ toit, tataghon ghazooŋa to Maaron imin i tauu ilepleep ila ghazooŋa tooni loolo, ene aat itiŋa tavalupu ghiit tamin eemon, ve Maaron Naatu Yesu siŋ tooni irewaar sosor toit isov ilale, ve igham ghiit taŋgalaaŋ ila Maaron maata. Ep 1:7; Hib 9:14; Syg 7:14


Onoon, tamtamon eta ighit katin Maaron soone. Eemon isaav ighe loloon pa tauun ve tavaghamu poghani ghiit, ene itotoi ighe Maaron ileep tuŋia ilam toit, ve ŋgar tooni tau loolo igheen to tamtamon ve ighamgham poghani zi, ene igheen ariaaŋ ila loloon wa.


Swiv nou:

Piblisite


Piblisite