1 Timoti 5:16 - Maaron Saveeŋ Tooni Patabuyaaŋ Tuam

¹⁶ Isaav ighe livaa eta ighur ila to Krisi, ve siŋ tooni siriv timin zinaara, i aat iuul zi. Leso tigham pataŋani pa lupuuŋ to Krisi sov, ve lupuuŋ irau iuul yes zinaara tau zigazi kat.

Mutu (Oov)

¹⁶ Ighaze liva eta ighur ila to Krisi, ve siŋ toni pida tinim ndinaara, ye irau iuul di. Leso tigham pataŋani pa lupuuŋ to Krisi sob, ve lupuuŋ irau iuul yes ndinaara to eŋgendi kat.

1 Timoti 5:16 Referans Kwoze

1 Timoti 5:8

Isaav ighe tamtamon eta ighe i ighur ila to Maaron, eemon i iuluul tauu siŋ tooni, ma yes tau tileep tomania ila ruum tooni na mako, ene i ighur muuri pa ghuruuŋ ila tooni wa. Ŋgar tauvene, saghati kat. Iliiv sosor to yes tau tighur ila to Maaron mako na. Tit 1:16

1 Timoti 5:9

Isaav ighe yo ughe ughur naar eta eeza ila rau to uleeŋ, na ugabiiz poghania ŋgar tooni. Le isov, o ughur eeza ila rau, ve lupuuŋ to Krisi tiŋgini pa lepoogh tooni. Ughita yes zinaara tau ndaman toozi irau tamoot tol ve izala. Ve muuŋ, tighur boog mako, ve tilepleep duduuŋ tomania azuwazŋa mon.

1 Timoti 5:10

Ve varuzi poia pa uraat popoia tau tighamghamu na. Ve muuŋ, tiŋgin poghania natuzŋa ve yes loomba. Ve titatan tauzi, ve tinizi ibees pa uraat to uleeŋ Maaron tamtamon tooni, ve tiuluul yes tau pataŋani indeeŋ zi na, ve tipul tauzi kat pa uraat popoia maata maata. Zinaara tauvene, o ughur ezazi ila rau to uleeŋ. Lu 7:44; Yo 13:14; Hib 13:2; 1Pe 4:9