1 Timoti 1:17 - Maaron Saveeŋ Tooni Patabuyaaŋ Tuam

¹⁷ Maaron toit, i kinik tiina, ve ileep irau saawe. I irau imaat mako, ve iit irau taghita pa mataan mako. I mon ta Maaron tauu. Tauvene iit aat tapait eeza pa tapiri ve poia tooni, ta aazne, ve iseeŋga taghon taghon gha ila. Onoon. 1Tim 6:15+; Syg 4:9+

Mutu (Oov)

¹⁷ Maaron toit, ye kinik tiina, ve ineep irau sawa isob. Ye irau imaat maau, ve iit irau taghita pa mataad maau. Ye moghon to Maaron tau. Tovenen iit irau tapait iza pa tapiri ve poia toni, to aazne, ve iseŋseeŋga gha ila. 1Tim 6:15+; Syg 4:9+

1 Timoti 1:17 Referans Kwoze

Saveeŋ Yoŋgaaŋ 19:1

Murei ra, nalooŋ oroor tiina ivot izi nugh sambam imin eval tiina timbou. Tighe: “Aleluia, tapait Tiina toit Maaron! I igham mulin ghiit gha taleep poia wa. I eeza tiina. Ve tapiri paam, tiina le tiina kat. Syg 7:10,12

Saveeŋ Yoŋgaaŋ 17:14

Ve yesŋa gabua saghati pale tilup zi ve tiparav tomania Sipsip to Maaron ve tamtamon tooni. Eemon pale tirao mako. Sipsip to Maaron pale iliiv zi. Pasaa, i tiina iliiv zimaronŋa tisov. Ve i kinik tiina tau iliiv kinik tisov. Tamtamon tooni, ene yes tau i tauu isiigh zi, ve ipoi zi timin i le, ve tikis ghuruuŋ ila toozi ariaaŋ.” 1Tim 6:15; Syg 16:14, 19:19

Kolosi 1:15

Onoon, iit irau taghita Maaron mako. Eemon uraat tomania ŋgar to Naatu Yesu Krisi, tauta itotoi Taama Maaron ivot ighazooŋ pait. Yo 1:18, 14:9; 2Kor 4:4; Hib 1:3 Krisi imuuŋ pa gabua naol isov tau Maaron ighur zi na, ve imin daaba pazi.

Saveeŋ Yoŋgaaŋ 19:16

Ŋeer tana, tibood eeza ila nonoghiiŋa tooni ve ila ŋgoi paam tauvene: ‘Kinik Tau Iliiv Kinik Tisov,’ ve ‘Maaron Tiina Tau Iliiv Zimaronŋa Tisov.’ 1Tim 6:15; Syg 17:14

Rau Tau Paulus Iboode Pa Yes Roma Rom--Romans 1:23

Pasaa, Maaron tau eeza tiina pa tapiri ve poia tooni, ve ileep irau saawe na, yes tibees pani mako. Tighur murizi pani. Ve tizi gha tigharaat lezi gabua anunuzi tau imin man, ŋgai, moot, pariiv, ve tamtamon tau tileep rig ve timaat na anunuzi, ve tibesbees pazi. Tighur gabua soroksorok tawe timin maaron pazi. Lo 4:16+; Mbo 106:20; Mbaŋ 17:29

Saveeŋ Yoŋgaaŋ 19:6

Malau mako ve nalooŋ oroor tiina ivot izi sambam muul. Oroor tawe, luutu imin eval tiina tiboboob. Ve imin nugh tau yaa katini tiyatyaat tizizi pani, ve imin lalaav lutluutu tiina. Eval tiina tawe tisaav tighe: “Aleluia! Iit tapait Tiina toit Maaron eeza. I saksaki, ve ighamgham pooz irau saawe. Mbo 93:1; Syg 11:17

1 Yoan 4:12

Onoon, tamtamon eta ighit katin Maaron soone. Eemon isaav ighe loloon pa tauun ve tavaghamu poghani ghiit, ene itotoi ighe Maaron ileep tuŋia ilam toit, ve ŋgar tooni tau loolo igheen to tamtamon ve ighamgham poghani zi, ene igheen ariaaŋ ila loloon wa.

Yoan 1:18

Tamtamon eta to taan ighit katin Maaron naagho pai eta soone. Naatu mon, tauta itotoi Maaron naagho ve ŋgar tooni pait. Pasaa, i Maaron, ve ileep Taama ziige, ve Taama loolo igheen tooni kat.

Matayu 6:13

Upul tovaaŋ ivot payei sov. Uvool tsiei ve upaghau ghei pa gabua sasaghati naol isov.’ Lu 22:40; Yo 17:15; 2Tes 3:3; 2Pe 2:9

Saveeŋ Yoŋgaaŋ 15:3

Yes timbou mbouŋ to Mose, i besooŋa to Maaron. Mbouŋ tawe iŋarui Sipsip to Maaron paam. Timbou tauvene: “O Maaron, Tiina tsiei, yo saksakim ve uŋgin gabua naol isov. Uraat tau yo ughamgham zi, ene tintiina kat. Nigham ŋgar pazi le nirao mako. Yo kinik tiina kat tau uŋgin nughmariŋ. Ve ŋgar tsio, ene iduduuŋ ve onoon mon. Igham 15:1+; Lo 32:4+; Mbo 111:2

Saveeŋ Yoŋgaaŋ 7:12

“Onoon kat. Iit tapait Maaron toit pa poia tooni. I eeza tiina kat, ve ŋgar tooni tiina. Loloon poia pani pasaa, i igham poghani ghiit. I saksaki, ve tapiri tiina kat. Tauvene iit aat tapaiti tauvene taghon taghon gha ila. Onoon.” Syg 5:12+

2 Petrus 3:18

Yesu Krisi, i Tiina ve Uleeŋa toit. Azuari gham le awatagh katini, ve aleep tuŋia ila poia tooni. 2Pe 1:2 I eeza tiina pa tapiri ve poia tooni. Tauvene iit tapaiti ta aazne, ve taghon taghon le indeeŋ taan saawe. Onoon.

1 Petrus 5:11

I saksaki, ve tapiri tomania pooz tooni ighengheen tauvene irau saawe. Onoon.

Hibru 11:27

Mose ighur ila. Tauta iburig ve ipul Isip. I iroi pa aatyavyav to kinik mako. Onoon, iit tamtamon irau taghita Maaron pa mataan mako. Eemon Mose, i iyooz ariaaŋ imin ighitghita Maaron pa tauu maata. Igham 2:10+; 2Kor 4:18

Rau Tau Paulus Iboode Pa Yes Roma Rom--Romans 16:27

Maaron ite paam mako. I zigani. Ve ŋgar tooni, ene tiina le tiina kat. Tauvene iit aat tapaiti pa tapiri ve poia tooni ila Yesu Krisi eeza taghon taghon gha ila. Onoon.

Rau Tau Paulus Iboode Pa Yes Roma Rom--Romans 11:36

Pasaa, i tauu ta imin gabua naol isov puughu. Ve gabua naol isov tiyaryaaŋ ila tooni, ve tileep leso tipaghazoŋai i eeza. Tauvene iit aat tapaiti irau saawe. Onoon. 1Kor 8:6; Kol 1:16; Hib 2:10; Syg 4:11

Rau Tau Paulus Iboode Pa Yes Roma Rom--Romans 2:7

Tauvene yes tau tiyooz ariaaŋ pa badooŋ pataŋani ve tighamgham ŋgar popoia, ve tizuari zi tighe le Maaron tauu ipait zi ve tileep tomania ila mbonari loolo irau saawe, ene yes aat tigham lepoogh poia ila tooni taghon taghon gha ila. Mt 25:46

Matayu 25:34

“Mako kinik isaav pa yes tau tileep pa niima tapir na ighe: ‘Yam zeran tau poia to Tamaŋ Maaron igheen tomani gham na, alam aloŋ ala nugh tooni, ve agham lepoogh poia tau ezamim pani na. Muuŋ geeg, saawe tau i ighur sambam ve taan soone, i igharaat nugh tane payam. Ep 1:4

Yoan 5:44

Pale irau aghur ila to Maaron mindai? Mako. Pasaa, monmon yam azuzuari gham aghe le zeetmimŋa tipait gham. Eemon paitooŋ tauu tau ilam pa Maaron na, yam azuari gham pani mako. Mt 23:5+; Yo 12:43; Ro 2:29

Rau Tau Paulus Iboode Pa Yes Roma Rom--Romans 2:10

Eemon tamtamon tisov tau tighamgham ŋgar popoia, ene pale Maaron ipait zi, ve yesŋa tivalupu zi timin eemon, ve tileep poia ila mbonari loolo. I pale igham tauvene pa yes Yuda imin maata, o yes tau Yuda mako na anazi. Mbaŋ 10:34

Hibru 2:7

Yo ughur ghei, ve ugham ghei nizi rig pa yes aŋela. Ve upakur ghei, ve ugham ezamai ivot imin tiina.