1 Petrus 5:6 - Maaron Saveeŋ Tooni Patabuyaaŋ Tuam

⁶ Tauvene atatan taumim, ve aleep ila Maaron saksaki niima saamba. Ighe agham tauvene, i aat ipakur gham ila saawe tau i tauu ighuru na. Lu 1:52, 14:11; Yems 4:10

Mutu (Oov)

⁶ Tovenen atatan taumim, ve aneep ila Maaron ariaŋa nima samba. Ighaze agham tovene, ye pale ipait gham ila sawa to ye tau ighuri. Lu 1:52, 14:11; Yems 4:10

1 Petrus 5:6 Referans Kwoze

Yakobus 4:10

Atatan taumim ila Maaron maata. Leso i tauu ipakur gham. Mt 23:12

Lukas 14:11

Pa tamtamon tau ighe ipakur tauu eeza, ene pale titatan eeza izi. Ve isaav ighe tamtamon eta itatan tauu eeza, ene pale tipakuru, ve eeza imin tiina.” Mt 23:12; Lu 18:14; Yems 4:6; 1Pe 5:5

Matayu 23:12

Pa tamtamon tau ighe ipakur tauu eeza, ene pale titatan eeza izi. Ve isaav ighe tamtamon eta itatan tauu eeza, ene pale tipait eeza imin tiina.” Lu 14:11, 18:14; 1Pe 5:6; Yems 4:10

Lukas 18:14

Ra Yesu iseeŋ saveeŋ tooni ighe: “Yau nasaav payam. Saawe tau ŋeer to yauŋ takes tana ivot gha ila pa ruum tooni, Maaron ighita ighe i mon ta ŋeer duduuŋa. Ve iitete tawe, ene mako. Pasaa, tamtamon tisov tau tipait tauzi, ene pale Maaron itatan zi. Ve isaav ighe tamtamon eta itatan tauu eeza, ene pale Maaron ipaiti.” Lu 14:11; Yems 4:6; 1Pe 5:5+

Lukas 1:52

Ve yes daaba tau tapirizi tiina na, i izirziir zi pa niazi to ghamuuŋ pooz, ve itatan zi tizi timin kaut sorok. Eemon tamtamon tau lezi ezazi mako na, i ipakur zi. Mbo 113:7; Mt 23:12; Kol 2:15

Rau Tau Paulus Iboode Pa Yes Roma Rom--Romans 5:6

Aghita. Muuŋ, iit mataan iŋgal Maaron mako, ve leen tapiriin irau to tauul tauun mako. Eemon indeeŋ saawe duduuŋ tau Maaron tauu ighuru na, Yesu Krisi imaat pa iit tamtamon sasaghatiin. Ro 4:25; Ga 4:4+; Kol 2:13

1 Korin 10:22

Isaav ighe iit tagham tauvene, ene pale tagham Ŋeer Tiina aate yavyav kat. Pasaa, ŋgar tooni iyaryaaŋ ighe taghur loloon ve ŋgar toit isov ila pani mon. Yam tau aghanghan ve aghunghun ila rumei to maaron karomŋa na, agham ŋgar mindai? Aghe tapiriin iliiv Maaron? Lo 32:21; Mbo 78:58

Yakobus 5:10

Yam toŋvetaz, agham ŋgar pa yes propet tau muuŋ tivotia Maaron aliiŋa pa tamtamon. Onoon, pataŋani naol ivot pazi ve tileep saghat kat. Eemon tiyooz ariaaŋ, ve tibaad pataŋani naol tawe. Tauta aazne, tapait zi ve taghit zi taghe Maaron ighur poia tooni tiina izaa toozi. Ŋgar tau tighamu na, ene itotoi gham pa ŋgar tau Maaron ighe ataghoni. Ve agham ŋgar pa Yop paam. Sinaiŋ tooni, yam alooŋa wa. I paam, pataŋani naol ighamu. Eemon iyooz ariaaŋ pa badooŋ pataŋani naol tawe, le irau Maaron iuule gha lepoogh tooni poia muul. Ŋgar tau Maaron igham pani, ene itotoi ghiit ighe Maaron toit, loolo isasaghatin ghiit, ve iuluul ghiit pa pataŋani toit. Yop 1:20+, 42:10; Mbo 103:8; Mt 5:12

Titus 1:3

Maaron tau Uleeŋa toit na, ighe ipaghazoŋai tamtamon pa saveeŋ tooni. Tauvene indeeŋ saawe tau i tauu ighuru na, ighur uraat ila nimag to navotia aliiŋa pazi. Ro 1:5; Ga 1:1; 1Tim 1:11

Yakobus 4:7

Tauvene atatan taumim ve aleep ila Maaron saamba, ve aparav ariaaŋ tomania Ŋeer Saghati. Leso ighau payam. Ep 4:27, 6:11+; 1Pe 5:8+