1 Petrus 3:10 - Maaron Saveeŋ Tooni Patabuyaaŋ Tuam

¹⁰ Pasaa, Maaron aliiŋa isaav tauvene: “Isaav ighe tamtamon eta loolo pa lepoogh poia, ve ighe ighita saawe poia ve ileep toman tintini, i aat iŋgin poghania aavo. Leso saveeŋ saghati, ma karom eta ivot ila aavo sov.

Mutu (Oov)

¹⁰ Pasa, Maaron isaav tovene: “Ighaze tamtoghon eta lolo pa nepooŋ poia ve ighaze ighita sawa poia ve ineep toman tini iza, ye irau iŋgin poian avo. Leso saveeŋ samia, ma kaarom eta ivot ila avo sob.

1 Petrus 3:10 Referans Kwoze

Yakobus 1:26

Isaav ighe tamtamon eta maata iŋgal ighe suŋuuŋ tomania besooŋ tooni ene poia, eemon iŋgin poghania aavo mako, i igham karom pa tauu. Pasaa, besooŋ tauvene, ene kaut sorok. Irau iuule rigta mako. Mbo 34:13, 39:1, 141:3; 1Pe 3:10

1 Petrus 2:22

“I igham sosor eta mako, ve saveeŋ karom eta ivot ila aavo mako.” Is 53:9; 2Kor 5:21; Hib 4:15

1 Petrus 2:1

Tauvene ŋgar sasaghati naol, tomania ŋgar karom, yam apul zi tisov tileplez. Ve apamir taumim pa ghuruuŋ ila tsiam sov. Yam aat aghur ila kat, toman lolomim. Zeetmimŋa tau lezi gabua katini na, aghur koi pazi sov, ve asinai zeetmimŋa sov. Ep 4:25; Kol 3:8+; Hib 12:1

Saveeŋ Yoŋgaaŋ 14:5

Ve saveeŋ karom eta ivot ila avozi mako. Tauta lezi sosor eta ila Maaron maata mako. Kol 3:9

Yoan 1:47

Yesu ighita Natanael iŋaruini ilam, ve isaav ighe: “Aghita. Ŋeer tau ilam ne, ene Israel tauu. Ŋgar karom eta igheen ila loolo mako.” Mbo 32:2; Ro 2:28, 9:6+

Yoan 12:25

Isaav ighe tamtamon eta loolo pa ghamuuŋ lepoogh poia to taan mon, ene pale tauu ilale. Ve isaav ighe tamtamon eta ighur muuri pa taan lepoogha, i aat igham lepoogh poia ila to Maaron taghon taghon gha ila. Mt 10:39, 16:25

Matayu 19:17

Yesu iyol ghasoniiŋ tooni ighe: “Puughu mindai ta yo ughason ghau tauvene? Maaron mon ta poia. Isaav ighe lolom pa uloŋ ula nugh tooni ve uleep matam yaryaare, na matam kisin tutuuŋ tooni tisov, ve utaghon duduŋai zi.” Wkp 18:5; Lu 10:28; Ro 10:5; Ga 3:12

Markus 8:35

Pa ighe tamtamon eta iil eez pa tauu leso ileep poia izi taan, ene pale ilale. Ve isaav ighe tamtamon eta loolo eemon ve ipul tauu payau ve uraat to vaaru poia, i aat igham lepoogh poia ila to Maaron. Lu 17:33; Yo 12:25