1 Petrus 2:8 - Maaron Saveeŋ Tooni Patabuyaaŋ Tuam

⁸ Maet tawe, tamtamon siriv pale titut aghezi ila, ve titap tizi. Ve siriv tighita ve tirere pani. Tauta igham zi titap.” Is 8:14 Yes titap pasaa, tizorzoor Maaron aliiŋa. Ŋgar toozi tawe, Maaron ighuru pazi pataghaaŋ wa. Lu 2:34, 20:18

Mutu (Oov)

⁸ Yaam tonowen, tamtoghon pida pale titut aghedi ila, ve titap tizi. Ve pida tighita ve tirere pani. Tauto igham di titap.” Is 8:14 Yes titap pasa, tizoor Maaron aliŋa. Ŋgar todi tonowen, Maaron ighuri padi pataghaaŋ wa. Lu 2:34, 20:18

1 Petrus 2:8 Referans Kwoze

1 Korin 1:23

Eemon yei nivovotia saveeŋ pa mateegh to Krisi izala ai pambarooŋ. Saveeŋ tane, saawe tau yes Yuda tilooŋa, tirere pani ve tighur ila mako. Ve saawe tau yes Grika tilooŋa, tiveleghi tighe ene saveeŋ to yes kankanooŋa. Yo 6:60+; 1Kor 2:2,14

1 Petrus 2:7

Yam tau aghur ila na, aghita Krisi imin maet paghuuna kat tau atuya tiina na. Eemon yes tau tighur ila mako na, Maaron aliiŋa ziiri ru iduduuŋ pazi kat: “Maet tau yes to raoŋ ruum matazi veleghini ve tisiki ilale, tauta tighuru imin puughu pa ruum. Leso ipaloti, ve ruum iyooz ariaaŋ izala paavo. Mbo 118:22; Mt 21:42

Rau Tau Paulus Iboode Pa Yes Roma Rom--Romans 9:22

Maaron ighamgham tauvene paam. I ighe ipaghazoŋai tamtamon pa tapiri, ve itotoi aatyavyav tooni pa ŋgar saghati. Tauta ighur tamtamon siriv, leso aatyavyav tooni izaa toozi gha tilalez. Eemon i ivaghamun zi rekia mako. I itatan aate, ve isasaŋan zi.

Rau Tau Jud Iboode Jut--Jude 1:4

Yau nasaav payam pasaa, zeran karomŋa siriv tau titaghon Maaron eez tooni mako na, tilat gha tiyooŋ ila sosomim. Tiina toit Yesu Krisi tau iŋginŋgin ghiit ne, yes tighur murizi pani wa. Ve tikau saveeŋ pa poia to Maaron tighe: Isaav ighe tala pa naghoon mon ve mataan saghati imin ŋgavuun, ene kaut sorok. Pasaa, Maaron pale ireu sosor toit. Saveeŋ karom toozi tawe imin puughu pa tamtamon tigham ŋgar sasaghati naol. Tauvene murei, Maaron pale igabiiz zi, ve ighur atuya pazi gha tilalez. Saveeŋa, tiboode muuŋ wa. 2Pe 2:1

2 Petrus 2:3

Zeran tana, matazi gabua kat. Tauvene yes pale titombaan gham pa saveeŋ soroksorok tau ivot ila tauzi ŋgar toozi, leso tium maet tsiam tomania gabua tsiam siriv. Atuya tau pale izaa toozi na, Maaron ivotia alok wa ighe i pale ivaghamun zi gha tilalez. Ve i ighengheen mako. Isasaŋan mon pa saawe to igham saghatiiŋ ivot pazi. Ro 16:18; 1Tes 2:5; 1Tim 6:5; Tit 1:11

1 Tesalonika 5:9

Aghita. Maaron ighur ghiit to aatyavyav tooni izaa toit mako. I ighur ghiit pataghaaŋ ighe igham mulin ghiit ila uraat to Yesu Krisi, leso taleep poi. Ro 5:9; 1Tes 1:10; 2Tes 2:13+

Lukas 2:34

Ra Simeon ighur poia to Maaron izaa toozi, ve isaav pa Yesu tiina Maria ighe: “Ulooŋ. Ŋeer marani tane, Maaron ighuru pa valaghiiŋ tamtamon katini to Israel. Siriv pale tizori ve titap gha tilalez. Ve siriv, i pale igham zi tiburig tiyooz. Pasaa, i pale igham ŋgar tau igheen ila tamtamon lolozi na ivot ighazooŋ. Eemon tamtamon katini pale tizori. Ve ŋgar tau pale ivot pani na, yo pale uyamaana imin mbuzaagh maata iŋgal atem.” Is 8:14; Mt 21:42+; Yo 19:25; Ro 9:32+

2 Korin 2:16

Yes tau titaghon eez to tilalez na, tinuŋuz naunauŋ tane vaazi poia mako, imin mateegha vazizi. Ve naunauŋ tane pale imin puughu pa timaat gha tilalez. Ve yes tau titaghon eez to lepoogh poia na, tinuŋuz naunauŋ tane vaazi imin gabua poia kat. Pasaa, itotoi zi pa eez to tigham lepoogh poia ila to Maaron. Uraat tau Maaron ighuru ila nimamai, ene pataŋani. Sei irao? 1Kor 1:18; 2Kor 4:3; 1Pe 2:7+

Galesia 5:11

Yam toŋvetaz, yau nawatagh. Zeran siriv tiŋgalŋgal saveeŋ karom payau tighe yau taug navovotia saveeŋ pa tamtamon naghe yes aat titaghon tutuuŋ to Mose, ve tirav warozi, o poia. Laak, ighe saveeŋ toozi tawe onoon, puughu mindai ta yes Yuda tighurghur pataŋani payau soone? Imin ta naghamgham tauvene, kanaŋ saveeŋ tau navovotia pa mateegh to Yesu izala ai pambarooŋ na, irau ireu tamtamon lolozi muul mako. 1Kor 1:23; Ga 6:12

1 Petrus 2:6

Saveeŋa tiboode pataghaaŋ tauvene: “Aghita. Yau pale naghur maet ee igheen izi loloz Zion. Maet tawe, paghuuna kat ve atuya tiina. Taug naghuru to ipariaaŋ rumei tsiau. Tamtamon tisov tau tighur ila tooni, ene aat tighita ghuruuŋ ila toozi anooŋa. Eta irau ighur maata pani sorok ne mako.” Is 28:16; Ro 9:33