1 Petrus 2:7 - Maaron Saveeŋ Tooni Patabuyaaŋ Tuam

⁷ Yam tau aghur ila na, aghita Krisi imin maet paghuuna kat tau atuya tiina na. Eemon yes tau tighur ila mako na, Maaron aliiŋa ziiri ru iduduuŋ pazi kat: “Maet tau yes to raoŋ ruum matazi veleghini ve tisiki ilale, tauta tighuru imin puughu pa ruum. Leso ipaloti, ve ruum iyooz ariaaŋ izala paavo. Mbo 118:22; Mt 21:42

Mutu (Oov)

⁷ Yam to aghur ila, aghita Krisi inimale yaam poiawaat eez to atia tiina kat. Ve yes to tighur ila maau ne, Maaron aliŋa waaro ru, nene deŋia kat padi: “Yaam to yes to reiŋ ruum matadi velegini ve tipiyaava ilale, tauto tighuri inim pughu pa ruum ve ipaloti. Leso ruum iyoon ariaŋa izala pogho. Mbo 118:22; Mt 21:42

1 Petrus 2:7 Referans Kwoze

Matayu 21:42

Ra Yesu isaav pazi muul ighe: “Maaron aliiŋa ziiri ee tau tiboode na, yam awaato rigta, ma mako? Saveeŋ tawe isaav ighe: ‘Maet tau yes to raoŋ ruum matazi veleghini ve tisiki ilale, tauta imin puughu pa ruum iyooz ve ipaloti. Leso ruum iyooz ariaaŋ izala paavo. Maaron tauu igham ŋgar tane ivot. Ve yei nighita imin gabua ŋgereeta ee ila matamai.’ ” Mbo 118:22+; Mbaŋ 4:11

1 Petrus 2:8

Maet tawe, tamtamon siriv pale titut aghezi ila, ve titap tizi. Ve siriv tighita ve tirere pani. Tauta igham zi titap.” Is 8:14 Yes titap pasaa, tizorzoor Maaron aliiŋa. Ŋgar toozi tawe, Maaron ighuru pazi pataghaaŋ wa. Lu 2:34, 20:18

1 Petrus 1:8

Onoon, yam aghita Krisi pa matamim pai eta soone. Eemon aghur ila tooni, ve lolomim igheen tooni kat. Tauta igham gham lolomim poia le poia kat. Isaav ighe atoova to asavia lolomim, pale asavia izaa to saa? Gabua eta irao mako. Yo 20:29; 2Kor 5:7

Hibru 11:31

Reap, i livaa to eez. Eemon ighur ila to Maaron. Tauvene saawe tau Yosua imbaaŋ yes padewaaŋa tila to tighita nugh, Reap igham zi tila ruum tooni, ve iŋgin poghani zi. Tauta saawe tau yes Israela tiravuur eval tiina to Yeriko tau tizorzoor Maaron aliiŋa na, tirav Reap mako. Tipuli ileep. Yos 2:1+, 6:22+; Yems 2:25

Hibru 4:11

Tauvene iit aat tazuari ghiit kat le tagham mariaoŋ tana. Mako pale toit eta izoor Maaron imin yes Israela, ve itap pa ghuruuŋ ila tooni ve irau igham mariaoŋ tawe mako.

Titus 3:3

Pa muuŋ, iit paam takankaan pa Maaron ve taghamgham ŋgar imin borauŋa. Tazorzoor Maaron aliiŋa, ve taghur ila ŋgar karom naol tau ipaghau ghiit pa eez tooni. Saawe tana, iit tamin besooŋa pa ŋgar sasaghati naol to uliin tau loloon ighaar pani na. Ve mataan iŋgalŋgal ŋgar sasaghati naol pa tamtamon, ve taghurghur koi pa zetaanŋa tau lezi gabua katini na, ve tavaghuru koi pa tauun. Ep 2:1+; 1Pe 4:3

Kolosi 2:10

Ve gabua naol tau tapirizi tiina ve tighamgham pooz pait na, i imin daaba pazi ve iŋginiir zi. Tauvene yam tau apaak Krisi ve aleep ila tooni na, i ipavon gham kat pa Maaron tapiri ve ŋgar tooni isov, ve agham lepoogh poia kat ila tooni. Yo 1:16; Ep 1:21+; 1Pe 3:22

2 Korin 2:16

Yes tau titaghon eez to tilalez na, tinuŋuz naunauŋ tane vaazi poia mako, imin mateegha vazizi. Ve naunauŋ tane pale imin puughu pa timaat gha tilalez. Ve yes tau titaghon eez to lepoogh poia na, tinuŋuz naunauŋ tane vaazi imin gabua poia kat. Pasaa, itotoi zi pa eez to tigham lepoogh poia ila to Maaron. Uraat tau Maaron ighuru ila nimamai, ene pataŋani. Sei irao? 1Kor 1:18; 2Kor 4:3; 1Pe 2:7+

Rau Tau Paulus Iboode Pa Yes Roma Rom--Romans 10:21

Eemon yes Israela, Isaia isavia saveeŋ iŋarui zi ighe: “Yam tau taliŋamim puura mako ve azorzoor aliŋag na, saawe isov yau nararaav nimag ve nasasaŋan gham to amuul alam payau. Eemon mako.” Is 65:2

Uraat To Yes Mbaŋooŋa 26:19

“O kinik Agripa, gabua tau yau naghita, ene ilaagh sambam ve izilam. Tauvene irau nazoora mako.

Yoan 4:42

Ve tisaav pa livaa tawe tighe: “Papazoge yei nilooŋ saveeŋ tsio mon, ve nighur ila to ŋeer tane. Ve aazne, taumai nilooŋ saveeŋ ila i tauu aavo. Tauta niwatagh nighe onoon kat, ŋeer tane, i Uleeŋa tau pale igham mulin eval tiina to taan.” Lu 2:11; 1Yo 4:14

Lukas 20:17

Yesu maata ila pazi, ve isaav ighe: “Ene pale mindai pa Maaron aliiŋa ziiri ee tau tiboode na? Isaav ighe: ‘Maet tau yes to raoŋ ruum matazi veleghini ve tisiki ilale na, tauta imin puughu pa ruum iyooz ve ipaloti. Leso ruum iyooz ariaaŋ izala paavo.’ Mbo 118:22

Lukas 2:32

I pale imin ghazooŋa pa yes tau Yuda mako na, ve ipaghazoŋai zi payo. Ve igham tamtamon tsio Israel ezazi ivot imin tiina paam.” Is 42:6, 49:6; Mbaŋ 13:47, 26:23

Lukas 2:34

Ra Simeon ighur poia to Maaron izaa toozi, ve isaav pa Yesu tiina Maria ighe: “Ulooŋ. Ŋeer marani tane, Maaron ighuru pa valaghiiŋ tamtamon katini to Israel. Siriv pale tizori ve titap gha tilalez. Ve siriv, i pale igham zi tiburig tiyooz. Pasaa, i pale igham ŋgar tau igheen ila tamtamon lolozi na ivot ighazooŋ. Eemon tamtamon katini pale tizori. Ve ŋgar tau pale ivot pani na, yo pale uyamaana imin mbuzaagh maata iŋgal atem.” Is 8:14; Mt 21:42+; Yo 19:25; Ro 9:32+

1 Petrus 2:4

Krisi, i imin maet maata yaryaare tau ikis rumei to Maaron iyooz ariaaŋ. Tauvene yam aŋaruini ala. Onoon, tamtamon tiveleghi tighe i tamtamon sorok, ve tizori. Eemon Maaron tauu ighuru pa uraat tooni, ve loolo igheen tooni kat. I ighita Krisi imin maet paghuuna ee tau atuya tiina kat.