1 Korin 6:6 - Maaron Saveeŋ Tooni Patabuyaaŋ Tuam

^6-7 Eemon yam ataghon eez tauvene mako. Yam apapayooz toŋvetaz tsiam tau tighur ila to Krisi na, ila yes daaba to taan tau tighur ila mako na naghozi. Ŋgar tsiam tana itotoi ighe yam atap wa. Mindai, ighe toŋvetaz tsiam eta itombaan gham to igham sorokin gabua tsiam, ma igham sosor ite paam payam, irau apul sosor tooni mako? Mt 5:39+; Ro 12:17+; 1Pe 3:9

Mutu (Oov)

^6-7 Eemoghon yam ataghon ataam tovene maau. Yam apayoon toŋvetaz tiam to tighur ila to Krisi ne, ila yes daba to taan to tighur ila maau ne matadi. Ŋgar tiam tonanan ipatooŋ gham ighaze yam atap wa. Vena, ighaze toŋvetaz tiam eta itombaan gham pa igham sorokin mbeb tiam, ma igham sosor ite paam payam, irau apul sosor toni maau? Mt 5:39+; Ro 12:17+; 1Pe 3:9

1 Korin 6:6 Referans Kwoze

2 Korin 6:14

Alooŋ. Yes tau tighur ila to Krisi mako na, yam apaak zi sov. Pa ŋgar toozi imin yam mako. Yes tau titaghon ŋgar duduuŋa ve yes tau timalaaŋ pa Maaron tutuuŋ tooni na, pale tilup zi pa uraat mindai? Ghazooŋa ve ndoroom irau tilup zi? Mako. 1Kor 5:9+; Ep 5:6+,11; 1Yo 1:5+

1 Korin 6:1

Isaav ighe tsiam eta iitete igham sosor pani, na puughu mindai ta i ipayooze ila yes daaba to taan tau tiwatagh Maaron mako na naghozi? Ŋgar tsiam tana, mayamim pani mako? Yam awatagh: Zeran tauvene, ŋgar toozi iduduuŋ ila Maaron maata mako. Tauvene yam aghur pataŋani tsiam ila tamtamon to Maaron nimazi to tigharaata, o poia.

Uraat To Yes Mbaŋooŋa 7:26

“Mboŋ le nughizau, ra Mose imuul ila le ighita Israela ru anazi tiparav. Tauvene itoova to irav motin malmal ve ilup zi. Ve isaav pazi ighe: ‘Wai, yamru toŋvetaz! Avaghamun gham pasaa?’

2 Korin 6:15

Ma Krisi yesuru Sadan tigham ŋgar raraate? Isaav ighe tamtamon ee ighur ila to Krisi, ve ite ighur ila mako, saa gabua irau ilup yesuru? Mako. 1Kor 10:20+

1 Timoti 5:8

Isaav ighe tamtamon eta ighe i ighur ila to Maaron, eemon i iuluul tauu siŋ tooni, ma yes tau tileep tomania ila ruum tooni na mako, ene i ighur muuri pa ghuruuŋ ila tooni wa. Ŋgar tauvene, saghati kat. Iliiv sosor to yes tau tighur ila to Maaron mako na. Tit 1:16