1 Korin 3:8 - Maaron Saveeŋ Tooni Patabuyaaŋ Tuam

⁸ Tauvene ŋeer tau ivazogh aniiŋ, ve ŋeer tau ighamgham yaa ve itutur aniiŋ na, uraat toozi, ene puughu eemon. Ve murei, Tiina toozi pale igham lezi atuya iduduuŋ pa uraat toz toz. Ro 2:6

Mutu (Oov)

⁸ Tovenen ŋgeu to ivazog aniiŋ, ve ŋgeu to ighamgham ya ve itutur aniiŋ, uraat todi, nene pughu ee moghon. Ve muri, Tiina todi pale igham ledi atia deŋia itaghon uraat todi todi. Ro 2:6

1 Korin 3:8 Referans Kwoze

Rau Tau Paulus Iboode Pa Yes Roma Rom--Romans 2:6

Maaron pale ighur atuya pa tamtamon eŋaeŋa itaghon ŋgar toz toz. Mbo 62:12; 2Kor 5:10; Syg 22:12

2 Yoan 1:8

Tauvene ayamaan gham pa zeran karomŋa tawe. Mako pale tigherev gham gha apul eez to Maaron, ve uraat tau nighamu ila sosomim na, le anooŋa mako ve ileple. Tauvene ayooz ariaaŋ. Leso murei, na agham suvinia atuya tsiam. Ga 4:11

Matayu 16:27

Saawe to Tamtamon Naatu imuul ilam tomania aŋela tooni, ve itotoi Taama Maaron mbonari ve tapiri ivot ighazooŋ, i pale ighur atuya pa tamtamon eŋaeŋa tisov itaghon ŋgar toozi tau muuŋ tighamghamu izi taan. Mt 25:31; Ro 2:6; 2Kor 5:10; Syg 22:12

Saveeŋ Yoŋgaaŋ 22:12

“Alooŋ. Malau mako pale nalam ve naghur atuya pa tamtamon tisov itaghon ŋgar toz toz. Mt 16:27; Ro 2:6, 14:12

1 Korin 15:58

Tauvene yam toŋvetaz tau lolog igheen tsiam kat na, yau nasaav payam: Ayooz ariaaŋ, akis ghuruuŋ ila tsiam tuŋia, ve apul taumim kat pa uraat to Tiina toit irau saawe. Pa yam awatagh: Isaav ighe i ileep tomani gham pa uraat tsiam, na yam arav taumim sorok pa uraat mako. Uraat tsiam pale ighur anooŋa. Ga 6:8; Hib 6:10; Syg 14:13

1 Petrus 5:4

Ighe agham tauvene, saawe tau Ŋginiiŋ Tauu to sipsip imuul ilam, ve itotoi tapiri ve eeza tiina ivot ighazooŋ, Maaron pale igham gham aleep ila tauu mbonari loolo le alok imin lemim atuya. Atuya tauvene, irau isaghat, ma isov ne mako. 1Kor 9:25; 2Tim 4:8; 1Pe 1:4

Hibru 6:10

Pasaa, i itataghon ŋgar duduuŋa mon. Irau igham ŋgar saghati eta mako. Tauvene i irau loolo iveegh pa uraat tsiam popoia ve uleeŋ tau yam aghamgham pa tamtamon tooni ne mako. Aazne paam, yam auluul zi. Ŋgar tana itotoi ighe lolomim igheen tooni kat. Mt 10:40+, 25:40; 1Kor 15:58

Galesia 6:4

Tauvene tamtamon eŋaeŋa irau tigabiiz poghania uraat to tauzi: Uraat toozi poia ila Maaron maata, ma mako? Ighe uraat toozi poia, ene yes irau tipakur zi pani. Ve tigabiiz uraat toozi tomania uraat to zetazŋa sov.

1 Korin 3:14

Tamtamon tau ighe irau ruum to Maaron pa malimooŋ ariaaŋa, ene gabizooŋ to Maaron irau igham gabua eta pa uraat tooni mako. Tauvene saawe tau gabizooŋ tana isov, ene aat uraat tooni anooŋa tawe ighengheen, ve Maaron igham le atuya poia.

1 Korin 3:9

Tauvene yeiru Apolos nilup ghei ve nigham uraat tau Maaron ighuru ila nimamai. Ve lupuuŋ tsiam, ene imin uum to Maaron ve ruum tau i ilepleep ila. Ep 2:20+

Saveeŋ Yoŋgaaŋ 2:23

Ve Yezebel natŋa paam, yau aat narav zi tisov timataar. Leso lupuuŋ to Krisi tisov tiwatagh tighe yau natirtiir tamtamon lolozi ve ŋgar toozi. Ve yau aat naghur atuya iŋarui yam eŋaeŋa itaghon ŋgar tsiam tsiam. Mbo 7:9; Ro 2:6; 2Kor 5:10; Syg 20:12+

1 Korin 3:7

Ŋeer tau ivazogh aniiŋ, ve ŋeer tau igham yaa ve itutur aniiŋ na, yesuru lezi ezazi mako. Maaron mon ta i le eeza. Pasaa, i ta igham aniiŋ itum ve anooŋa ivot.

1 Korin 4:15

Pa ighe yam lemim tamtamon ndiŋndiŋ ndiŋndiŋ (10,000) tau tiŋgin gham ve tipaghazoŋai gham pa eez to Krisi, ene poia. Eemon tamamimŋa naol mako. Tamamim eemon ta yau. Pasaa, saawe tau navotia vaaru poia payam, ve aghur ila to Yesu Krisi, yau namin tamamim. Mbaŋ 18:11; 1Kor 3:5+

1 Korin 9:7

Agham ŋgar pa yes zaaba. Toozi eta iil le maet ve aniiŋ to iŋgin tauu pa lepoogh tooni? Mako. Ve isaav ighe tamtamon eta ivazogh vaen, pale tauu irau ighan anooŋa mako? Mako. I pale ighan. Ve mindai, ŋginiiŋ to sipsip ve mekmek irau igham tuz toozi ve ighunu, ma mako? 2Tim 2:6

Galesia 6:5

Pasaa, iit eŋaeŋa aat tabaad pataŋani toit toit. Ro 14:12

Lukas 19:19

“Tiina tooni isaav pani ighe: ‘Yau aat naghur ghom to uŋgin nugh tintiina liim.’