1 Korin 13:6 - Maaron Saveeŋ Tooni Patabuyaaŋ Tuam

⁶ Ve ŋgar tau ighe iduduuŋ mako na, ene pale tintiniin pani mako. Ve saa saveeŋ ma ŋgar tau onoon, ene pale loloon poia pani. Mbo 15:2+; Ro 12:9; 1Pe 1:22; 3Yo 3-4

Mutu (Oov)

⁶ Ve ŋgar to ighaze deŋia maau, nene pale tiniid iza pani maau. Ve sa saveeŋ ma ŋgar to onoon, nene pale lolood poia pani. Mbo 15:2+; Ro 12:9; 1Pe 1:22; 3Yo 3-4

1 Korin 13:6 Referans Kwoze

Rau Tau Paulus Iboode Pa Yes Roma Rom--Romans 12:9

Isaav ighe yam aghur lolomim pa tamtamon, na agham karom sov. Aghur lolomim pazi kat, ve atotoi anooŋa ivot. Yam aat aghur koi pa ŋgar saghati ve aleep soghan pani. Ve ŋgar poia, o akisi tuŋia. 2Kor 6:6; 1Tes 5:21+; 1Pe 1:22

2 Yoan 1:4

O olman tinazi, yau naghita natumŋa siriv laghooŋ toozi iduduuŋ kat pa saveeŋ onoon. Yes titaghon duduŋai tutuuŋ tau Tamaan Maaron ighuru pait na. Tauta tigham ghau lolog poia kat. Aazne, nabood rau tane payo, leso napariaaŋ ghom muul pa ŋgar to loloon pa tauun ve tavaghamu poghani ghiit. Tutuuŋ tane, paaghu mako. Saawe imin maata tau taghur ila ve ilam, tutuuŋ tane igheen toit. Yo 13:34+

Rau Tau Paulus Iboode Pa Yes Roma Rom--Romans 1:32

Eemon yes tiwatagh: Maaron isaav pataghaaŋ wa ighe yes tau tighamgham ŋgar tauvene, ene poia to timaat gha tilalez. Eemon mako. Tinoknoki soone. Ve isaav ighe zetazŋa siriv titaghon zi pa ŋgar toozi saghati tawe, ene igham zi lolozi poia ve tipait zi. Mbo 50:18; Ro 6:21,23

2 Tesalonika 2:12

I pale igham tauvene pa tamtamon tisov tau tighur ila saveeŋ onoon mako, ve tintinizi pa ghamuuŋ ŋgar saghati. Leso murei ipayooz zi, ve ighur atuya pazi gha tilalez. Ro 2:8

Pilipai 3:18

Pasaa, tamtamon katini, laghooŋ toozi tomania ŋgar toozi itotoi zi ighe yes tighur murizi pa Krisi, ve tighur koi pa ai pambarooŋ tooni. Saveeŋ tane, yau nasavia payam pai katini wa. Ve aazne, nayoli muul toman taŋiiz.

Pilipai 1:18

Eemon tambaaŋo paam. Yes tivotia vaaru poia toman saa ŋgar, ene kaut toozi. Isaav ighe onoon tigham uraat tawe to tipait Krisi eeza, ma ŋgar ite paam igheen ila lolozi, yau aat lolog poia mon. Pasaa, Krisi vaaru ila pa tamtamon itaghon saa eez, ene igham ghau lolog poia.

Pilipai 1:4

Ve saawe isov naghurghur gham asov ila suŋuuŋ tsiau. Ve saawe tau nasuŋ, nasuŋ toman lolog poia kat. Ro 1:9; 1Tes 1:2

Lukas 22:5

Yes tilooŋ saveeŋ tooni le lolozi poia kat, ve yesŋa timbu saveeŋ tighe pale tigham le maet siriv.

Matayu 18:13

Ve yau nasaav payam. I pale iliilo le ighe indeeŋa, ene aat loolo poia kat pa sipsip eemon tana le iliiv sipsip tooni siriv tau tilalez mako na.