1 Korin 13:11 - Maaron Saveeŋ Tooni Patabuyaaŋ Tuam

¹¹ Muuŋ, saawe tau yau kukuag, saveeŋ tomania ŋgar ve gabizooŋ tsiau, ene ŋgaala imin to yes geegeu. Eemon aazne, namin olman gha ŋgar tsiau imatuugh wa. Tauta napul ŋgar to geegeu ileple. 1Kor 3:1

Mutu (Oov)

¹¹ Muuŋ, sawa to pain ghou, saveeŋ toman ŋgar ve gabizooŋ tiou, nene inimale to ndipain. Eemoghon aazne, nanim olman, ve ŋgar tiou imatu wa. Tauto napul ŋgar to ndipain ineeple.

1 Korin 13:11 Referans Kwoze

1 Korin 14:20

Yam toŋvetaz, agham ŋgar imin yes geegeu muul sov. Yam amin zolman wa. Tauvene yam aat agham ŋgar matuugha imin yes zolman. Eemon ŋgar saghati, yam aleep soghan pani, imin yes geegeu tau tighunghun tuz. Ro 16:19+; 1Kor 3:1; Ep 4:14+; Hib 5:12+

Galesia 4:1

Saveeŋ tsiau tane, puughu tauvene: Isaav ighe tamtamon eta eeza pa ŋginiiŋ gabua naol isov to taama, ene irau iŋginiir gabua tana rekia mako. Saawe tau i kukua, taghita taghe lepoogh tooni, ene iliiv yes besooŋa to taama mako. Pasaa, i ileep ila besooŋa siriv sambazi, ve tiŋgini tomania gabua tooni tawe. Ve i aat ilepleep tauvene le tizaa pa saawe tau taama ighuru na, mako igham gabua tooni tana, ve tauu iŋgin zi.

Matayu 16:7

Eemon mbiwa tooni tighilaal saveeŋ tooni puughu mako. Tauvene tivasavo zi tighe: “I aat isaav pait pasaa, loloon iveegh ve tagham leen mberet eta imin tamaz mako.”

1 Korin 13:10

Ve tala tala le ighe saawe to gabua tauu ivot, ene pale Maaron ipasov gabua isov tau aazne taghamgham siriv siriv ne. Ep 4:13; Pil 3:12

1 Korin 13:12

Aazne, iit taghita gabua to Maaron ighazooŋ geeg mako. Ene imin taghita gabua tawe anunuzi ila natiloŋa. Eemon murei, itiŋa Maaron pale tavaghito ghiit. Aazne, yau nagham ŋgar siriv mon. Ve murei pale nawatagh kat, imin Maaron iwatagh katin ghau. 2Kor 3:18; 1Yo 3:2; Syg 22:4