1 Korin 1:15 - Maaron Saveeŋ Tooni Patabuyaaŋ Tuam

¹⁵ Tauvene tamtamon eta irau isaav ighe: “Yei tane nigham yaa pa Paulus eeza.” Vene mako.

Mutu (Oov)

¹⁵ Tovenen tamtoghon eta irau isaav ighaze: “Yei tonene nigham ya ila Paulus iza,” ne maau.

1 Korin 1:15 Referans Kwoze

2 Korin 11:2

Aghita. Yau nasiigh gham pa Krisi wa. Ve ŋgar tsiau iyaryaaŋ naghe le ŋgar tsiam isov iŋgalaaŋ mon, ve naghur gham ala tooni, imin livaa mbiu tau tighuru ila to tamoot. Pasaa, Maaron ŋgar tooni iyaryaaŋ ighe tamtamon tooni tighur lolozi ve ŋgar toozi isov ila pani mon. Ep 5:27; Kol 1:28; Syg 14:4

Yoan 7:18

Isaav ighe tamtamon eta isasavia saveeŋ itaghon tauu ŋgar tooni, ene taghilaal taghe i ighamgham pa tauu eeza mon. Eemon isaav ighe tamtamon eta izuari ghi pa pakuruuŋ I tau imbaaŋo ilam na eeza, ene i aavo onoon, ve ŋgar tooni iduduuŋ mon. Karom eta igheen ila loolo mako.

Matayu 3:6

Yes tivovotia sosor toozi ila tooni, ve i irurughuuz zi ta sewe. Mbaŋ 22:16

Matayu 28:19

Tauvene yam ala arau nugh naol isov, ve agham tamtamon tisov timin ziŋerag ve titaghon ŋgar tsiau. Arughuuz zi ila Maaron eeza, Taama, Naatu ve Avuvu Patabuyaaŋ. Ve tutuuŋ naol isov tau yau nasavi zi payam na, apaghazoŋai zi pazi. Leso matazi kisin zi ve titaghon zi. Ve alooŋ. Yau aat naleep tomani gham irau saawe, le ila taan saawe.” Yo 14:23; Mbaŋ 1:8

1 Korin 1:14

Yau napait Maaron toman lolog poia pasaa, nagham yaa pa yam eval mako. Nagham yaa pa Krispus ve Gaius mon. Mbaŋ 18:8; Ro 16:23

1 Korin 1:16

O, ŋgarig gha matag iŋgal. Yau nagham yaa pa Stepanas ve yes tau tileep tomania ila ruum tooni na paam. Ve yam siriv, lolog iveegh. Nagham yaa payam, ma mako? 1Kor 16:15