Zakariya 9:7 - BIBELE Mahungu Lamanene

⁷ Nyama leyi nga ni ngati, leyi va yi humeseleke swikwembu swa ka vona, a va nga yi dyi, ndzi ta yi vutla. Kutani masalela ya vona ma ta vula leswaku ndzi Xikwembu, ku fana ni varhangeri va va ka Yuda. Na vona va le Ekroni va ta hluriwa ku fana ni Vayebusi.

Xitsonga (Bibele)

⁷ Ndzi ta susa ngati ya yena enon'wini wa yena, ni manyala ya yena exikarhi ka meno ya yena; na yena, u ta salela Xikwembu xa hina, u ta kotisa hosi exikarhi ka Yuda, Ekroni a kota Muyebusi.

Zakariya 9:7 Referans Kwoze

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

Zakariya 8:23

HOSI ya matimba hinkwawo yi vurisa sweswo, yi ri: “Erixakeni rin'wana ni rin'wana ku ta huma vavanuna va khume, va khoma Muyuda hi xiambalo va ku: ‘Hi lava ku famba na wena, hikuva hi swi twile leswaku Xikwembu xi na n'wina Vayuda.’ ”

Amosi 3:12

HOSI yi vurisa sweswo yi ri: “Exikarhi ka Vaisraele lava akeke eSamariya, lava tiphinaka eswitshan'wini leswo vempfama, va etlela emasangwini lamanene, ku ta pona vanhu va nga ri vangani ntsena. Swi ta fana ni loko murisi a kota ntsena ku ponisa milenge mimbirhi ya nyimpfu kumbe xichupu xa ndleve enon'wini wa nghala!”

Yeremiya 49:39

“Kambe eku heteleleni, ndzi ta tlhela ndzi katekisa va le Elamu. Ndzi vula sweswo mina HOSI.”

Yeremiya 49:6

Kambe eku heteleleni, ndzi ta tlhela ndzi mi katekisa n'wina Vaamoni. Ndzi vula sweswo mina HOSI.”

Yeremiya 48:47

Kambe eku heteleleni, ndzi ta tlhela ndzi mi katekisa, n'wina Vamowabu. Ndzi vula sweswo mina HOSI!” Hi tona ta ku avanyisiwa ka tiko ra Mowabu.

Pisalema 58:6

We Xikwembu, tshovelela meno ya tinghalanyana leti, fayetela tinhlaya ta tona we HOSI.

Pisalema 3:7

Pfuka, we HOSI! Xikwembu xanga, ndzi ponise, wena u baka valala va mina hinkwavo emarhameni, wena u tshovaka meno ya lavo homboloka!

1 TIKRONIKA 21:15

HOSI Xikwembu xi tlhela xi rhumela ntsumi ku ya herisa muti wa Yerusalema. Kambe loko ntsumi yi ri karhi yi endlisa sweswo, HOSI Xikwembu xi swi vona, kutani xi yimisa ntungu lowu wo chavisa, xi byela ntsumi xi ku: “Yima, swi ringene!” Enkarhini lowu, ntsumi ya HOSI Xikwembu a yi yimile kusuhi ni xivuya xa muti wa Orinani lowa Muyebusi.

Zakariya 9:6

Swi-ta-swi-famba swi ta tshamiseka le Axidodo, kutani Xikwembu xi ri: “Ndzi ta herisa manyunyu ya Vafilista.

Zakariya 9:8

Ndzi ta rhendzela yindlu ya mina ndzi yi sirhelela, leswaku mavuthu ma nga ha hundza-hundzi eka yona; nala a nga ka a nga ha ngheni a hlasela vanhu va mina, hikuva sweswi ndzi mulanguteri wa vona.”

1 TIKRONIKA 1:14

ni Vayebusi, ni Vaamori, ni Vagirigaxi,

Esaya 65:4

Va tshama emasirheni, va xwa vusiku va ri exihundleni; va dya nyama ya tinguluve, va nyamisa swibya swa vona hi ku chela eka swona swakudya leswi yilaka.