Zakariya 9:4 - BIBELE Mahungu Lamanene

⁴ Kambe N'wini wa hinkwaswo ú ta va tekela rifuwo ra vona, a cukumeta xuma xa vona elwandle, a va herisa hi ndzilo.

Xitsonga (Bibele)

⁴ Vonani, Hosi yi ta n'wi teka, yi ta hoxela matimba ya wona elwandle, kutani u ta hisiwa hi ndzilo.

Zakariya 9:4 Referans Kwoze

Ezekiele 28:18

U andzisile mintirho ya wena leyo homboloka hi vukanganyisi bya wena emabindzwini, u nyamisa ha swona tindhawu ta wena ta vukhongeri; hikokwalaho ndzi vangile ndzilo emutini wa wena, wu ku hisa, u hela, ku sala nkuma ntsena, lavo tala va ri karhi va swi vona.

Ezekiele 26:17

Va ta ku rila hi risimu leri nge: “ ‘Yo! Xana u herisiwe ha yini, wena muti wo tiveka ngopfu wa vanhu lava humaka entsungeni wa malwandle! Kasi vaaki va wena, khale a va ri ni matimba elwandle, a va chavisa vaakelani va vona hinkwavo.

Amosi 1:10

Hikokwalaho ndzi ta rhumela ndzilo erirhangwini ra Tiri, wu ta herisa ni tindlu ta kona ta vuhosi.”

Yuwele 3:8

Vana va n'wina va xinuna ni va xisati, ndzi ta va xavisela vanhu va tiko ra Yuda, vona va ta va xavisela tiko ra le kule ra Xeba. Ndzi vulavurile, mina HOSI!”

Ezekiele 28:16

Loko u ri karhi u andzisa mabindzu ya wena, u andzisile ni mintirho ya wena ya tihanyi, kutani u dyoha; hikokwalaho ndzi ku hlongorile u suka entshaveni ya mina ku fana ni xilo lexi nyameke; wena musirheleri, ntsumi yo chavisa, ndzi ku susile exikarhi ka maribye lama vangamaka.

Ezekiele 28:8

Va ta ku tlhava u fa, va ku hoxa exivandleni xa vafi, kwale xivindzini xa malwandle.

Ezekiele 28:2

“Wena munhu, byela hosi ya le Tiri leswaku mina HOSI N'wini wa hinkwaswo ndzi ni rito eka yona leri nge: U tikurisa ngopfu, u ri: ‘Mina ndzi xikwembu! Ndzi tshamile xiluvelweni xa swikwembu exivindzini xa malwandle!’ Kasi wena u munhu ntsena, a wu xin'wana xa swikwembu! Wo tixisa loko u anakanya leswaku u tlharihile kukota swona.

Swivuriso 11:4

Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Swivuriso 10:2

Xuma lexi kumiweke hi tindlela to homboloka a xi pfuni nchumu, kambe ku lulama swi ponisa vutomi bya munhu.

Esaya 23:11

HOSI Xikwembu xi tlakusile voko ra xona ri fika entsungeni wa lwandle, xi tsekatsekisa matiko; xi lerisile leswaku makhokholo ya Vakanana ma mbundzumuxiwa.

Zakariya 9:5

Va le Axikeloni va ta swi vona, kutani va chava. Na vona va le Gaza, va ta tshukisiwa va rhurhumela. Leswi va le Ekroni a va swi tshemba, swi ta tekiwa. Le Gaza, tihosi ti ta nyamalala, muti wa Axikeloni wu ta lahlekeriwa hi vanhu va wona.