Zakariya 9:3 - BIBELE Mahungu Lamanene

³ Va le Tiri va tiakele khokholo, va tihlengeletela nsuku ni silivhere, swi tala kukota nhulu ya mavivi emagondzweni.

Xitsonga (Bibele)

³ Tiri u tiakele khokholo, u hlengeletile silivhere kukota ntshuri, ni nsuku, kukota ndzhope wa ndlela.

Zakariya 9:3 Referans Kwoze

Ezekiele 27:33

Khale loko nhundzu ya wena ya ha fika ehlalukweni, a yi tsakeriwa hi vanhu lavo tala; tihosi hinkwato a ti fumisiwa hi rifuwo ra wena ni mabindzu ya wena.

Ntirho 27:16

Hambiloko va hlengeleta mali yo ringana maribye hi ku tala, va tata miti ya vona hi swiambalo onge i misava yinene,

2 SAMIELE 24:7

va fika ni le khokholweni ra le Tiri, ni le mitini ya Vahivhi ni ya Vakanana, kutani va kongoma edzongeni ra Yuda, emutini wa Berexeba.

Yoxuwa 19:29

Kutani ndzilekana wu jika wu kongoma eRhama, wu fika ekhokholweni ra Tiri wu jika wu kongoma eHosa, wu ya helela elwandle. Ndzilekana wu katsa ni miti leyi: Mahalabu, na Akizibi,

Esaya 23:8

Xana i mani la endleke makungu ya ku herisa muti lowu wa Tiri, lowu a wu veka vanhu va wona va va tihosi, lowu van'wamabindzu va wona a va ri varhangeri, va xiximiwa ematikweni hinkwawo, xana?

Ntirho 22:24

Cukumeta nsuku wa wena wa le Ofiri eritshurini, eka wena a wu fane ni maribye ya le nkoveni!

1 TIHOSI 10:27

Silivhere a yi fana ni maribye hi ku tala ka yona le Yerusalema, hikwalaho ka mintirho ya hosi Solomoni; naswona timhandze ta kedari a ti tele kona ku fana ni minkuwa leyi milaka eminkoveni.

1 TIHOSI 10:21

Swinwelo hinkwaswo swa hosi Solomoni a swi vumbiwile hi nsuku. Swibya hinkwaswo swa yindlu leyi vuriwaka “Xihlahla-xa-Lebanoni” na swona a swi vumbiwile hi nsuku wo tenga; a ku ri hava xa silivhere, hikuva silivhere, emasikwini ya Solomoni, a va nga yi voni yi ri ni nxavo wa nchumu.

Esaya 23:11

HOSI Xikwembu xi tlakusile voko ra xona ri fika entsungeni wa lwandle, xi tsekatsekisa matiko; xi lerisile leswaku makhokholo ya Vakanana ma mbundzumuxiwa.

Ezekiele 26:12

Vababilona va ta phangha rifuwo ra wena, va famba ni nhundzu ya mabindzu ya wena. Va ta faya rirhangu ra wena, va herisa ni tindlu ta wena leto saseka; maribye ni timhandze ni misava ya kona, va ta swi hoxa elwandle.

Ezekiele 27:34

Kambe sweswi u khubumetiwile hi magandlati, u dzikile u ya hansi; nhundzu ya wena ni vanhu va wena hinkwavo swi mbombomerile na wena.

Ntirho 3:15

A ndzi ta tshama ni lavakulu lava a va ri ni nsuku khale, lava a va tatile tindlu ta vona hi silivhere.

Ezekiele 27:27

Siku leri u herisiweke ha rona, u mbombomerile exidziveni u nyamalala, ku mbombomela rifuwo ra wena ni nhundzu ya wena hinkwayo, ni vatluti va wena, ni vafambisi va wena, ni vavatli lava a va lema timfa ta wena, ni lava a va xaviselana swilo na wena, ni masocha ya wena hinkwawo, ni ntshungu hinkwawo lowu a wu ri kwala ka wena.

Ezekiele 28:1

HOSI Xikwembu xi vulavula na mina xi ku:

Amosi 1:9

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Tiri, hikuva va dyoha va vuyelela-vuyelela: Va yisile mintshungu ya vanhu evukhumbini, va va nyiketa eka Vaedomu, va tshova ntwanano wa xinakulobye.