Zakariya 9:16 - BIBELE Mahungu Lamanene

¹⁶ Hi siku ra kona, HOSI Xikwembu xi ta ponisa vanhu va xona, hikuva hi vona va nga ntlhambi wa xona; va ta vangama etikweni ra xona kukota maribye ya nkoka eharhini ya vuhosi.

Xitsonga (Bibele)

¹⁶ Yehovha, Xikwembu xa vona, xi ta va ponisa hi siku rero, kukota ntlhambi lowu nga tiko ra yena; hikuva va ta kota maribye lama vangamaka ya harhi ya vuhosi etikweni ra yena.

Zakariya 9:16 Referans Kwoze

Esaya 62:3

U ta fana ni harhi yo saseka evokweni ra Xikwembu xa wena, xi ta ku hlayisa kukota xihuku xa vuhosi.

Luka 12:32

“Mi nga chavi n'wina va ntlhambinyana, hikuva Tata wa n'wina ú tsakele ku mi nyika Mfumo.

Hagayi 2:23

“Mina HOSI ya matimba hinkwawo, ndzi vula sweswo ndzi ri: Hi siku rero, ndzi ta ku teka wena Zerubabele nandza wa mina n'wana Salatiele. Ina mina HOSI ndzi ri, ndzi ta ku endla xingwavila xa mina xa ritiho, xo fungha ha xona, hikuva hi wena ndzi ku hlawuleke. Ndzi vula sweswo, mina HOSI ya matimba hinkwawo.”

Yohane 10:27

Tinyimpfu ta mina ti yingisa rito ra mina; ndza ti tiva, kutani ta ndzi landzelela.

Ezekiele 34:31

“Hakunene hi n'wina Vaisraele mi nga ntlhambi wa mina ni vanhu lava ndzi va risaka, kutani mina ndzi Xikwembu xa n'wina. Ndzi vula sweswo mina HOSI N'wini wa hinkwaswo.”

Yeremiya 31:11

Mina HOSI, ndzi lamulerile va ka Yakobo, ndzi va kutsurile emavokweni ya vanhu lava a va va tlula hi matimba.

Esaya 60:14

Vana va lava va ku xaniseke va ta ta eka wena va ri karhi va tilondla-londla, hambi va ri vanhu hinkwavo lava a va ku langutela hansi, va ta ku nkhinsamela. Va ta ku vula ‘Muti wa HOSI Xikwembu, Siyoni, muti wa Muhlawuleki wa Israele’.

Esaya 60:3

Kutani vanhu va matiko man'wana va ta ta eku vonakaleni ka wena, tihosi ta vona ti ta ta loko ti ku vona u lo nghéé, kukotisa dyambu.

Pisalema 100:3

Tivani leswaku HOSI i Xikwembu, hi xona xi hi endleke, a hi lo tiendla. Hina hi vanhu va xona, ni tinyimpfu leti xi ti risaka.

Zakariya 8:23

HOSI ya matimba hinkwawo yi vurisa sweswo, yi ri: “Erixakeni rin'wana ni rin'wana ku ta huma vavanuna va khume, va khoma Muyuda hi xiambalo va ku: ‘Hi lava ku famba na wena, hikuva hi swi twile leswaku Xikwembu xi na n'wina Vayuda.’ ”

Esaya 40:10

Vonani, HOSI N'wini wa hinkwaswo wa ta hi matimba ya yena, ú tela ku ta fuma hi yexe; langutani, ú ta ni hakelo ya yena, va nga vanhu lava a va kutsuleke; ú va rhangise emahlweni.

Sofoniya 3:20

Enkarhini wolowo, ndzi ta mi hlengeleta, ndzi mi tlherisela ekaya; ndzi ta endla leswaku vanhu va misava hinkwayo va mi kurisa ni ku mi dzunisa, ndzi tlhela ndzi mi katekisa mi ri karhi mi swi vona. Ndzi vurisa sweswo, mina HOSI!”

Mikiya 7:14

We HOSI, hi vanhu va wena, hi rise, u hi sirhelela hi nhonga ya wena. Hi tshama hi ri hexe exihlahleni, hi rhendzeriwile hi mitanga ya van'wana; hi yise emadyelweni ya Baxani na Giliyadi, ku fana ni le minkarhini ya khale.

Yeremiya 23:3

Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Mikiya 5:4

Murhangeri loyi a taka, ú ta fuma tiko a tiyile, a komba matimba ni ku twala ka HOSI Xikwembu xa yena. Vaisraele va ta va va tshamisekile, hikuva ú ta va la chavisekaka emisaveni hinkwayo;

Yeremiya 31:10

HOSI Xikwembu xi ri: “N'wina vamatiko, yingisani rito ra mina, huwelelani mahungu ya kona ematikweni ya le kule, mi ku: ‘Loyi a hangalaseke Vaisraele, ú ta tlhela a va hlengeleta; ú ta va hlayisa ku fana ni murisi loyi a hlayisaka ntlhambi wa yena.’

Zakariya 10:6

“Va ka Yuda ndzi ta va nyika matimba, ndzi kutsula ni va ka Yosefa. Ndzi ta va vuyisa, hikuva ndzi va twela vusiwana; swi ta fana ni loko ndzi nga si tshama ndzi va cukumeta, hikuva hi mina HOSI Xikwembu xa vona, kutani ndzi ta va hlamula.

Eksoda 28:9

Kutani mi ta teka maribye mambirhi ya nkoka ya ‘onikisi’, mi ma kevetlela, mi tsala mavito ya vana va Yakobo va xinuna.

Eksoda 28:21

“Ku ta va ni maribye ya 12 lama nga ta va ni mavito ya vana va Yakobo eka wona. Ribye rin'wana ni rin'wana ri ta yimela yin'wana ya tinyimba ta 12 ta Israele, ri kevetliwile ku fana ni mfungho.

Esaya 54:12

Swihondzo swa wena, ndzi ta swi aka hi maribye ya nkoka ya ‘rubi’, ndzi aka ni tinyangwa hi maribye ya ‘berila’, rirhangu hinkwaro ri ta va ra maribye ya nkoka.

Ezekiele 34:11

“Mina HOSI N'wini wa hinkwaswo ndzi vurisa sweswo ndzi ri: Yingisani! Mina hi ndzexe ndzi ta landza tinyimpfu ta mina ndzi vuya na tona.

Ezekiele 34:12

Swi nga endleka leswaku tinyimpfu tin'wana ti hambana ni ntlhambi ti ya lahleka; loko swi ri tano, munhu loyi a nga ku riseni esikwini rero, ú ta famba a ti lava. Hi mukhuva wolowo na mina ndzi ta famba ndzi lava tinyimpfu ta mina, ndzi ti humesa ematikweni hinkwawo lawa ti nga hangalasiwa ti ya ka wona, siku ti nga wela hi khombo ni xinyami.