Zakariya 8:9 - BIBELE Mahungu Lamanene

⁹ HOSI ya matimba hinkwawo yi vurisa sweswo yi ri: “Tirhani mi tiyile, hikuva namuntlha mi twa marito lama vuriwaka hi vaprofeta, loko yindlu ya HOSI Xikwembu xa matimba hinkwawo yi ri karhi yi akiwa hi vuntshwa emasungulweni ya yona.

Xitsonga (Bibele)

⁹ Yehovha wa tinyimpi u ri: “Mavoko ya n'wina a ma tiye, n'wina lava twaka marito lama humaka emilon'wini ya vaprofeta emikarhini leyi ku nga sunguriwa ha yona yindlu ya Yehovha wa tinyimpi, yi nga tempele, leswaku yi akiwa.

Zakariya 8:9 Referans Kwoze

Esaya 35:4

Khongotelani lava nga ku kanakaneni, mi ku: “Tiyani, mi nga chavi! Vonani, Xikwembu xa n'wina xi ta ta xi ta mi rihisela eka valala va n'wina, xi ta mi lwela, xi mi ponisa!”

Hagayi 2:21

“Vulavula na Zerubabele ndhunankulu ya tiko ra Yuda, u n'wi tivisa leswaku ku nga ri khale, ndzi ta tsekatsekisa tilo ni misava.

1 TIKRONIKA 22:13

U ta humelela ntsena loko u hlayisa milawu ni swiletelo leswi HOSI Xikwembu xi swi leriseke Muxe, swi nga leswi yena a swi dyondziseke Vaisraele. Tiya, u komba vunhenha bya wena; u nga tshuki u hela mbilu, u nga chavi.

2 Timotiya 2:1

Hikokwalaho n'wananga, tiya entintswalweni leti nge ka Kriste Yesu.

Vaefesa 6:10

Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

Zakariya 8:18

HOSI Xikwembu xa matimba hinkwawo xi ndzi rhwexile marito ya xona lama nge:

Zakariya 8:13

N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”

Hagayi 1:12

Hiloko Zerubabele n'wana Salatiele na Yoxuwa muprista lonkulu n'wana Yosadaki, swin'we ni ntlawa wa lava vuyeke hi le vukhumbini, va yingisa marito ya HOSI Xikwembu xa vona, ni marito ya muprofeta Hagayi, lawa a ma vuyeke hi ku rhumiwa hi HOSI Xikwembu xa vona. Kutani vanhu va khomiwa hi ku chava emahlweni ka xona.

Hagayi 1:1

Hi lembe ra vumbirhi ra ku fuma ka hosi Dariyosi, hi siku ro sungula ra n'hweti ya vu-6 elembeni ra Xiyuda, muprofeta Hagayi a rhwexiwa rito ra HOSI Xikwembu, kutani a ri fikisa eka Zerubabele ndhunankulu ya tiko ra Yuda n'wana Salatiele, ni le ka Yoxuwa muprista lonkulu n'wana Yosadaki. Rito ra kona

1 TIKRONIKA 28:20

Davhida a engeta a byela Solomoni n'wana wa yena, a ku: “Tiya swinene n'wananga, u nga kanakani, u nghena entirhweni; naswona u nga chavi, u nga heli mbilu, hikuva HOSI Xikwembu, xona Xikwembu xa mina, xi ta va na wena. A xi nga ku tshiki, a xi nga ku rivali, u kondza u heta ntirho hinkwawo, u lulamisa hinkwaswo leswi nga ta tirhisiwa eTempeleni.

Yoxuwa 1:8

Buku leyi ya Nawu u nga tshuki u hambana na yona, u fanele ku yi anakanya vusiku ni nhlekanhi leswaku u ta ka u nga tluli ni xin'we xa leswi tsariweke eka yona; kutani u ta humelela, ni swilo swa wena swi ta ku fambela kahle.

Yoxuwa 1:6

U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Ezra 6:14

Kutani vakulukumba va Vayuda va ya emahlweni va aka, va nga siveli hi nchumu, hilaha muprofeta Hagayi na Zakariya n'wana Ido va vuleke hakona, va heta ntirho lowu Xikwembu xa Israele xi nga va lerisa ku wu endla. Va wu tirhile hi ku pfumeleriwa hi Korexe, na Dariyosi.

Hagayi 2:18

Xiyaxiyani, ku sukela siku ra namuntlha ri nga ra 24 ra n'hweti ya vu-9, ni minkarhi leyi taka. Hi siku leri ra ku pfuxa masungulo ya Tempele ya mina, xiyaxiyani leswi:

2 TIKRONIKA 15:7

Kambe loko mi ri n'wina, tiyani mi nga heli mbilu, hikuva leswi mi swi endlaka, swi ta mi tisela hakelo.”

Esaya 35:3

Lava va nga ha kotiki ku tirha nchumu, va nyikeni matimba, tiyisani ni lava va nga ha laviki ku famba-famba.