Zakariya 8:7 - BIBELE Mahungu Lamanene

⁷ HOSI ya matimba hinkwawo yi vurisa sweswo yi ri: “Vonani, ndzi ta lamulela vanhu va mina eka vanhu va matiko ya le vuxeni, ni ka vanhu va matiko ya le vupeladyambu.

Xitsonga (Bibele)

⁷ “Yehovha wa tinyimpi u ri: Vonani, ndzi ta ponisa vanhu va mina etikweni ra vuxa, ni le vusikwini;

Zakariya 8:7 Referans Kwoze

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Yeremiya 31:8

Ndzi ta va vuyisa va suka etikweni ra le n'walungwini, ndzi ta va hlengeleta va huma evugimamusi; exikarhi ka vona, ku ta va ni lavo-fe-mahlo ni swilema, vamanana lava tikeke ni vatswedyana, va ta vuya haleno va ri ntshungu lowukulu.

Esaya 49:12

Vonani, hi lavaya! Va vuya ematikweni ya le kule. Van'wana va huma en'walungwini, van'wana evupeladyambu, van'wana va huma etikweni ra Asuwani.”

Esaya 59:19

Ku suka evupeladyambu ku ya fika evuxeni, vito ra HOSI Xikwembu ni ku dzuneka ka xona swi ta xiximiwa; xi ta ta hi rivilo ku fana ni xinambyana lexi hobomulanaka, lexi mati ya kona ma susumetiwaka hi moya wa HOSI Xikwembu.

Pisalema 50:1

HOSI Xikwembu xa matimba hinkwawo xi vulavurile xi rhamba vanhu hinkwavo, ku sukela evuxeni ku ya fika evupeladyambu.

Pisalema 113:3

Vito ra HOSI a ri dzunisiwe ku sukela evuxeni ku ya fika evupeladyambu.

Ezekiele 36:33

HOSI N'wini wa hinkwaswo ú vurisa sweswo ú ri: “Siku ndzi nga ta susa leswi swi mi nyamisaka, mi hambana ni swidyoho swa n'wina hinkwaswo, ndzi ta mi vuyisa mi ta tshama emitini ya n'wina, mi pfuxa tindlu ta kona.

Zakariya 10:6

“Va ka Yuda ndzi ta va nyika matimba, ndzi kutsula ni va ka Yosefa. Ndzi ta va vuyisa, hikuva ndzi va twela vusiwana; swi ta fana ni loko ndzi nga si tshama ndzi va cukumeta, hikuva hi mina HOSI Xikwembu xa vona, kutani ndzi ta va hlamula.

Duteronoma 30:3

hi kona HOSI Xikwembu xa n'wina xi nga ta tilhela xi mi katekisa, xi mi twela vusiwana, xi mi vuyisa ematikweni lawa a xi mi hangalasele eka wona.

Nehemiya 1:9

kambe loko mi tlhelela eka mina, mi endla leswi ndzi mi lerisaka swona, mi hanya ha swona, hambiloko ndzi mi hangalasile mi ya fika ni le vugimamusi, ndzi ta tlhela ndzi mi hlengeleta, ndzi mi vuyisa endhawini leyi ndzi yi hlawuleke leswaku vito ra mina ri gandzeleriwa eka yona.’

Pisalema 147:2

HOSI Xikwembu xi le ku pfuxeni ka muti wa Yerusalema, xi hlengeleta Vaisraele lava hangalasiweke ematikweni.

Ezekiele 11:17

Naswona, va byele leswaku mina HOSI N'wini wa vona ndzi ta tlhela ndzi va hlengeleta, ndzi va humesa ematikweni lawa va hangalasiweke va ya eka wona; ndzi ta tlhela ndzi va nyika tiko ra vona ra Israele.