Zakariya 8:4 - BIBELE Mahungu Lamanene

⁴ HOSI ya matimba hinkwawo yi vurisa sweswo yi ri: “Etimbaleni ta Yerusalema, ku ta tlhela ku tshama vakhalabya ni vakhegula; un'wana ni un'wana ú ta tiseketela hi nhonga, hikuva va ta hanya malembe layo tala.

Xitsonga (Bibele)

⁴ “Yehovha wa tinyimpi u ri: Ku ta va ni vavanuna ni vavasati lavakulu lava nga ta tshamisa emindyangwini ya Yerusalema kukotisa khale, un'wana ni un'wana a khomile nhonga evokweni ra yena, hikwalaho ka ku dyuhala ngopfu,

Zakariya 8:4 Referans Kwoze

Vaheveru 12:22

Kambe n'wina, mi tshinelele ntshava ya Siyoni ni muti wa Xikwembu lexi hanyaka, Yerusalema wa le tilweni, ni le ka tintsumi leti nga hlayekiki hi ku tala. Mi tile enkhubyeni wa ku tsaka,

Ntirho 42:17

Kutani a hundza emisaveni a dyuharile swinene.

Ntirho 5:26

U ta ya eku feni u dyuharile, u fana ni mavele lama tshoveriwaka ma vupfile.

1 SAMIELE 2:31

Vona! Masiku ma ta, lawa ndzi nga ta tshova matimba ya ndyangu wa wena ha wona, ni ya rixaka ra wena. Erixakeni ra wena, a ku nga ha vi na swidyuhari.

1 SAMIELE 2:32

U ta xaniseka minkarhi hinkwayo, u ri karhi u vona minkateko hinkwayo leyi mina HOSI ndzi nga ta yi nyika Vaisraele. Naswona, a ku nga ha vi na swidyuhari erixakeni ra wena, ni siku ni rin'we.

Yeremiya 31:13

Vanhwana ni majaha, ni vakulukumba, va ta cina va tsakile, swirilo swa vona swi hundzuka tinsimu ta ntsako; ndzi ta va khongotela, ndzi va nyika ku rhula ematshan'wini ya maxangu.

Yeremiya 31:24

“Kutani va ka Yuda hinkwavo, lava nge mitini ni le swimitaneni, varimi ni vafuwi, va ta kuma ku tshamiseka.

Zakariya 2:4

Kutani ntsumi leyi a yi vulavula na mina yi lerisa leyin'wana yi ku: “Tsutsuma u ya byela jaha leri khomeke ngoti u ku: ‘Muti wa Yerusalema wu ta tshama wu nga ri na rirhangu, hikuva vaaki va wona ni swifuwo leswi nga ta va eka wona, swi ta va swi tele ngopfu.

Eksoda 21:19

a kota ku pfuka emasangwini a famba-famba ehandle a xongotela, loyi a nga n'wi ba ú ta va a humile enandzwini; ntsena ú ta riha, hikuva ú n'wi tsandzekisile ku tirha, kutani ú ta tlhela a humesa swa ku n'wi tshungurisa.